تجمع الأمهات اللاتي سيلدن بشهر *ربيع الثاني* 1433

[عروسة حبيبي]

زينب ياحياتي الله يسهل عليك وتولدين بالسلام طفل كامل الخلقه وسليم معافى
الي ربي كاتبه بيصير:) والحمدلله ماقالو لك شي اكيد المستشفى
وحتى لو اكيد سبحان الله ممكن بدعوااتك ينولد طبيعي مافيه إلا العافيه
وانتي بكريه :( مثلي يعني ماقدر اتصور اكون بمكانك الله يصبرك يااااارب ويطمنونك لما ياخذون السائل
وبالنسبة للحركهـ ماتحسين فيها إلا اذا كنتي نايمه ومرتاحه بنومتك
حطي يدك على بطنك من تحت المنطقة الي تحت السرة
ولما يتحرك بتحسين بحركه شي يتحرك بس حركاته قليله
او احيانن كأنه مغير مكانه ...

عن تجربتي الحركه ما أحس فيهااااااا إلا اذا كنت حاطه يدي وانا من جهة اليسار قاعد لي
لدرجة اذا نمت عاليسار حيل ظهري يوجعني وبطني ما احس مرتاحه كلش


اللهم احفظ جنيني ^^ هلا فيك أكثر حبيبتي ... وان شاء الله كلها كم يوم وبتحسين بالحركه
ومثل الكلام الي قلته فوق حطي يدك على بطنك الجهة الي تحت السرة وانتي مرتاحه بالنومه
وان شاء الله بتحسيين قرييب بالحركة انتي وام جنى .. وصدق سمعت ان الي يتحرك
بسرعه يكون ولد واحس كثير ان فيني ولد :) بس بعد ناس كثير قالو هذا مو قياس
لان الوحده بكل حمل تختلف حتى لو ولادتها كلها اولاد او بنات

لموني الحمدلله تطمنتي عليه انا اسبوع الجاي الثلاثاء موعدي واحس خفت الحييييين ان انا بعد مايبين :( كثير ابي اعرف شنو فيني تعبت من كثر ما أفتح المواضيع الي علامات البنت او الولد
وعقبآل ما أجي ابشركم ^^ شنو فيني

[|| أم عزوز ||]

ام جنى مشكوووووورة والله ماكنت عارفة بسالفة التشققات ان شاء الله راح ابدأ باستخدام زيت الزيتون


لموني الحمدلله اهم شي صحة البيبي والجنس لاحقين عليه

زينب اهلييييين ماتشوفي شر يارب لا انتي ولا البيبي
لاتخافي وتتوتري اتوكلي ع ربك وان شاء الله ربي يتمم عليك بخير وسلامة وتتطمني عليه
طمنينا عنك اوك

ايوشة فيييييييييييييييينك؟

[لموني]

الله يطمنك يازينب على جنينك والله زعلتينا..بس لا تخافي خليك متوكله على ربي..الجنين نموه سريع ولو فيه اي مشاكل راح تتعالج ..انتي فين سويتي التحاليل وليش<<يعني اش الاعراض اللي خلتكي تسوي هذي التحاليل..لأنه انا بكل حمالي ..وزن وضغط وسونار<<عشان النبض وقطر الرأس وطول الساق ..وتحاليل بول ودم..بس يعني كل اللي قلتيه مايهتموا فيه..

[حمرة الورررد]

الله يتمم لنا بخير وسلامه توي انتبه انو فيه تجمع للي بيولدو في ربيع التاني انا قالتللي الدكتورة ولادتي 27 \ربيع التاني الله يرزقنا الساعه الطيبه

[|| أم عزوز ||]

اهلين فيك غالية نورتي التجمع
انا اول مرة رحت الدكتورة عطتني موعد الولادة 27 ربيع الثاني يعني انتي معي
بسألك كم تاريخ اخردورة عندك؟
لأن دكتورتي حطمتني كل زيارة اروح لها تزيد ع موعد الولادة :(

[لموني]

تنوري حمره الورد..ياهلا فيك..كيفك ريم اش مسويه ؟؟
زينب ام جنى ايوش دلع ساره وينكم صبايا؟؟!!

[دلع سارة]

مســــاء الخير والجوري لامهات الربيع

اسفه غبت عنكم هاليومين ...كنت عند اهلي وماعندي نت وطلعات وتمشيات لليوم الوطني لووووول

يسعد ايامكم خواتي ...
ومرحبا الف "عروسة حبيبي" نورتي التجمع
اختي " زينب " ربي يحفظك لك جنينك من كل شر...وتطمني بالنتايج قريبا
ركزي على الدعاء وقراءة سورة البقرة بنيه سلامة النونو وسلامتك وعليك بماء زمزم

نصيحة للجميع .. اشربوا ماء زمزم واقروا الاذكار لا تنسوها ...والرقية الشرعية لازم يا حلوات

"لموني" ان شاءالله تفرحي بجنس النونو اللي تتمنيه وكل وحده فينا يارب
اهم شي صحته وصحتك الحين ,,,

انا بكرية بعد والحين محتارة في اي مستشفى بتكون الولادة
بنات امس كنت في ايكيا ...وغرف الأطفال الرضع تجنن ..احب الديكور والفن ونفسي اجهز غرفة خاصة لحبيبي او حبيبتي الجاية ان شاءالله ... لسى ماعرفت الجنس
اممممم بس زوجي يقول تو الناس على الغرفة وانا خايفة اولد بدري لا سمح الله ..
وانا مو مستعدة لأستقباله ...بيزعل مني كذا ...شو هالماما اللي مو مهمته

سؤال بنات ...عادي اسبح بالمسبح الحين او في ضرر علي ؟؟ اتوقع عدينا شهور الخطر؟؟

يسلمووو لكل اللي سأل عني
سلامي

[ضحكة الأمطار]

معاكم أن شاء الله ع نهاية الشهر << مو متأكدة

والدكتورة للحين ماخبرتني

الجنين متى يبدء يتحرك؟ ومتى أعرف بنت أو ولد؟
توني بكرية ماااعرف حااجة

[همسة دلع]

المشاركة الأصلية كتبت بواسطة ضحكة الأمطار

معاكم أن شاء الله ع نهاية الشهر << مو متأكدة

والدكتورة للحين ماخبرتني

الجنين متى يبدء يتحرك؟ ومتى أعرف بنت أو ولد؟
توني بكرية ماااعرف حااجة

يتحرك في نهاية الخامس بنسبه للبكريه
وتحديد جنس الجنين يباان في الخامس وبعضهم يتاخر انا بين معاايه في السابع

[|| أم عزوز ||]

هلا لمووووني تمام انتي كيفك ايش هالغيبة وحشتينا
وكمان باقي الصبايا زينب وام جنى وايوش

هلا دلع سارة ان شاء الله ايامك كلها فرح بفرح
صراحة شوقتيني اروح لايكيا اشوف سرير للبيبي
انا مرة نفسي اجهز والكل يقولي بدري
بس مو حاسين فيني لأنو اول حمل لي حابة ابدأ
انتي بكرية موو ؟
بالنسبة للمسبح اسألي دكتورة تأكدي واتوقع عادي مافي شي
بس انتي بأي اسبوع ومتى تاريخ ولادتك عشان تضيفك ايوش بالتوقيع بس ترجع ان شاء الله


ضحكة الامطار حيااااك الله نورتي التجمع وانا كمان لسى ماحسيت بالحركة :(
انتي في اي اسبوع بالضبط