مشغل ساره بالخالدية الرياض

[الود طبعي]

االسلام عليكم ورحمة الله وبركاتة
رجعت لكم بعد طول غياب وحشششششششتوني موت بس لاني أحبكم جايبه لكم موضوع أنشاء الله يفيدكم~سمعت كثير عن مشغل ساره بالخالديه بالرياض وحجزت فيه لزواج بنت اختي .... وجاء اليوم الموعود ورحت لهم من الساعه7والله لايوريكم زحمة مو طبيعيه عمري ماشفت مشغل زي كذا العائله كلها جايه من الام حتى الطفل الرضيع وفوضى مو طبيعيه بالمششششغل وربي قرفت وكرهت نفسي قلت ماعليش اكيد شغلهم حلو على ذا الزحمة .....وناخذ فواتيرنا ونجلس نستنا العاملات اللي ماشرفو الا الساعه10 بنات نعمة~شايفات انفسهم والواحد مايكلمهم الا كم وحده~وجاء دوري واستشورت وجهزت شعري للتسريحة واشوف الحريم يطلعون من غرفة المكياج كانهم مهرجات الوان الطيف بوجيهم ومكياج اوفر...جاء دوري ورحت طبعاا ماتقدرين تتحركين بالمشغل من زحمة الشناط والاكياس والاغراض اللي على الارض.....والاطفال نايمين بالارض قال ايش مشغل معروف وع,وع,وع وربي الناس اذواق والناس اللي شفتهم من الطبقه البسيطة جاء دوري بالمكياج ودخلت مع اني طالبه مكياج مميز الا اني خفت لما شفت مكياج الحريم قلت معقول بطلع زيهم,,,,,,,, قلت لها لاتحطين لمعة ولاتحطين الوان ظل من فوق ومن تحت العين وربي تقولون صبغ حاطة مو مكياج كل شوي راجعه لها اعدل فيه يسيح وحالتي حالة ونفس السفنجة تستخدمها للكل ونفس الكحل والروج شفت حريم جايبين مكياجهم معهم ندمت ودي اني جايبه مكياجي ماركة واحسن بكثير من ماركاتهم العاديه طلعنا المغرب طبعا ماتغدينا لانو عندهم مبالغه بالاسسعار بكل شي اشترينا من السوبرماركت اللي جنبهم واكلنا وطلعنا الحفله وكل شوي ازيد على مكياجهم لانه يروح ولما جيت اغسله مابغى يروح حاطة حبر بعيوني مابغى يروح اوول مره اكون مو راضيه عن شكلي بالحفل وتسريحتهم كلها حشوات وتوصيل ما اقول الا توبةةةةةةةة ماعاد اروح لها حبيت انقل لكم تجربتي عشششان ماتطيحون بنفس الفخ اللي اسمة مشغل ساره ,,,اتمنى اكون افدتكم وتقبلو خالص تحياتي وياليت اشوف تفاعلكم ونقل تجاربكم في المشاغل

[ماﺀ السماء]

الله يسعدك حبيبتي على هالموضوع والتحذيررر المهم

الناس مو لاقيه فلوسها بالشاارع عشان تروح تكبهااا

عند نااس ما تستاااهل

[الود طبعي]

اسعدني مرورك غاليتي نورتي صفحتي ربي مايحرمني منك وانا مابغى الا الدعاء بسسسس ومابغى غيري يطيح بنفسسس الفخ,,,,, اشكر تفاعلك

[فديت حبيبي A]

اكيد كان شغلهم حلو في بدايه فتحوا المشغل
وطلعت له سمعه حلوة
وبعد ماجاتهم الفلوس وكثرو الزبونات

بدوو يتكبرون وزادو الموضفات اللي اي كلام

هذا حال المشاغل عندنا في البدايه افي ارتب لا الى من شغلهم

تعالي لهم بعد فترة تقيهم اقرف شي شوفتيه

[الود طبعي]

وربي طلعت قرفانة منهم اسعدني مرورك غاليتي فديت حبيبي

[تمسوووحه]

عزيزتي من تجربتي مع ساره كانوا مايضبطون الا الصبغات وخصوصا الهايلايت شغلهم فيها حلوو لكن للأسف من غيروا المسؤوله عن الصبغات صارت على طول تبي تصبغ شعرك هاي لايت وتحط اللون اللي تبينه تريح عمرها من الخلط ومطابقة اللون مع اللي تختارينه وبالطقاق بشعرك خرب او لا .. وبعد طاحوا بحكاية اللون الدارج هو اللي رح يستخدمونه بغض النظر عن الدرجه اللي تختارينها يعني انتي تختارين اشقر رمادي والداارج ثلجي تاكدي مابيحطون لك الا الثلجي ...
و عالمكياج انتي غلطانه مفروووض سألتي عنهم قبل تروحين او رحتي تاخذين فكرره قبل موعد مناسبتك ,,ومن ملاحظتي مكياجهم موو بس اوفر الا يرووع وشين وتسريحاااتهم جدا كبيرره ومالها داعي وقصات الشعر اسواء واسواء لو تطبين الف قصه انتي وخواتكم كلكم رح تطلعوون بنفس القصه ,,

ونصيحتي افضل مشغل الآن بالنسبه لي يخليك طبيعيه مشغل بيوتي لولو اسألي عن هيفا انا لي سنه عنه بس مرره نااعم مكيااج ماتحسين فيه طبقه على وجهك وملامحك تظل مثل ماهي ماتتغير وشعرك يبين نورمال بدون مايكثرو سبراي وحشوات وخرابيط وعلى حسب طلبك واختيارك يتعاملوون معها