تجمع حوامل ليبيا

[hatoo]

الله لا يوريك باس والله متعباتني بكل بكره الصبح ان شاء الله ماشيه للدكتوره وامبدري قست ظغطي لقيته نازل بس توا كويس الحمدلله وانا حامل في الرابع

[ليبياقلبي]

اول شي مساء الخير علا الكل تبارك الرحمن الصفحات هلبة ملحقيتش نقرا كل شي اول شي نبدوا بي اغالية يقين شن اخبارك وشن حال اماليك وربي طمنك عليهم قوليللا ايميلك يطلع خطا ابعتلك ايميلي ضيفني انت وينك ياهرابة من نهار كوه معاد روه من نهار كلمتني غطستي وتصوري توا نتصح لقيتك كتبتلي متاع اللقاء تالت يوم العيد والله ماشفته كان توا منعلميش بيه بس الجايات اكتر شن اخبارك ليك وحشة اهو حتى منشوفيش في بعض في مصر بس نتكلموا شن جو فروتي ولباس عليها حتى انا ناريز بنتي مرضت لما روحت بيها تغير عليها جو الحرارة ترتفع لا 39 بس توا الحمد لله اعطيتها مضاد طبعا شن جوك طمنميني عليك وشن اخبارك
ايوتة الحمد لله عالسلامة شن جوك وكيف حال البنوتة شن حال اسيل تعرفي لما قلتي حامل اخلعتني لانا رعشت خفت نحمل هههههههههه شن اخبارك والله فرحت لما شفتك شن قاعدة ترضعي ولالا انا سيبتني بنتي وشن توكلي فيها السنفورة عاد نفس العمر احنا
ام سعودي مبروك يامدام الحمل عمليتها بكري ربي يسهلك وشن جو سعودي تبارك الرحمن عليه\
عيون شن اخبارك وسافرتي ولالالالالالالالا كان هدا بنعطيك تفاصيل السفر طبعا السفر من تونس لي مصر عداب شفت الويل انا في طريق البر كرهته وطبعا لو بتسكني الرحاب صح حلوة زي ما قالت ميرنا بس بعيدة علا الجو اسكني في مدينة نصر مكرم عبيد شقق حلوة وقريب عليك سيتي ستارز والجو كله
شن جو الغاليات ام قصي هاتو نسرينا ميمونة وسورينام والكل وميراس

[أم عويضة]

المشاركة الأصلية كتبت بواسطة hatoo

الله لا يوريك باس والله متعباتني بكل بكره الصبح ان شاء الله ماشيه للدكتوره وامبدري قست ظغطي لقيته نازل بس توا كويس الحمدلله وانا حامل في الرابع

ان شاء ربي يتمم حملك على خير
وماتهزيش عليهن اللوز ضروري ضروري تمشي للدكتور علشان يعطيك اموكسيل للألتهاب
وردي بالك
لازم علشان مايزيدش الالتهاب وتجيك حرارة لا قدر الله
عندك جنين شايلته ردي بالك منه
الله لا يوريك سوء ان شاء الله

[يقين]

ليبا قلبي مرحبتيييييييييييين بحبيبتي كيف حالك وشن اخبارك واخبار ناريز ان شالله يا رب تكوني بخير اني استاحشتك هلباااااااااااا ومن يوم اتصلت بيك والله انشغلت بماليا وشغلني الهم والتفكير سامحيني
تو انضيفك وحتي انتي ضيفيني اسمعي كيف حال اماليك وامالي راجلك ان شالله كلهم كويسين
وما تخافيش ما تلاقيناش في مصر ان شالله نتلاقوا في ليبيا
بالنسبه ليا اني اخباري تمام وفروتي مسكينه مريضه تعرفي لتوا رقيبتها مبحوحه وترجع هلبا وخشومها مسكرات ونعطي فيها في دوا واني حال التفكير والتخميم في اماليا وخلاص اللي هادا في تركينا ربي يفرجها علينا وعليهم
وان شالله لاباس علي بنيتك

[يقين]

هههههههههههههه انقوللكم خالي شن مسجل زوجته في الموبايل هههههههههههههههههههههه كان انقوللكم تموتوا ضحك ام قطنبو هههههههههههههههههههههه

[يقين]

ام قطنبو هههههههههههههههههه

[يقين]

هاتو لاباس عليك طهور ان شالله

[كبريائي غريب]

السلام عليكم
كيف اموركم كلكم ان شالله بخير
اني اليوم سجلت بس في المنتدي ونتمني انفيد ونستفيد

[تمر حنة]

اهلين كبريائي غريب نورتي تجمعنا المتواضع وان شاء الله وجهك يكون خير علينا

[تمر حنة]

يقين ههههههههههه مليحة ام قطنبو هذا هو واقعنا تعرفي فيه وحدة هنا في المنتدى منزلة موضوع تقريبا (اسمك في هاتف زوجك) حاجة زي هكي يعني اللي تدخل تكتب اسمها في هاتف زوجها تعرفي كلهم طلعوا ازواجهم رومانسييييييييييين اكثر من "روميو" والمشكلة الوحدة تقول مسميني "حبي الوحيد" مثلا ولما تشوفي مواضيعها تحت تلقيهم كلهم مشاكل وعراك هي وراجلها "زوجي يخونني عالفيس بوك" "زوجي يبي يطلقني" كيف صار مش على اساس انت حبه الوحيد هههههه حسيت بيهم يبالغوا شوية مع احترامي لهم جميعا

انا بصراحة اسمي احرف من أم قطنبو لكن مش قايلاته لين اتقولوا انتم قبلي بالك حتى انتم تطلعوا رومانسيين وتقعدوا تضحكوا عليا لالا

ومشكورة على وصفة الدجاج تعرفي حتى انا اندير فيها بنفس الطريقة تقريبا لكن اعتقد القضية في الجلدة