ايدي فاااالته ساعدوني:(

[جنون بيبي]

السلام عليكم ورحمه الله وبركاته

انا عمري20 سنه وعندي ولد عمره 5 شهور مرا بكاااااي ويطفشني

بصراحه ساعات انسى نفسي واضربه برجله اويده ضربه مو قويه بس بعدين قلبي يوجعني لما اشوفه يبكي
بس والله يطفشني يبكي بسبب ومن غير سبب

ساعدوني ايش اسوي

[rose]

طيب مارحتي لدكتور وقالك شي لان فترة الغازات والمعص انتهت

بصراحة اتوقع انك كنتي تضربيه وهو اصغر من كدا صحححححححححح؟؟

[جنون بيبي]

لا مافيه مغص الحمدلله ,,

بس دلوع يبغاني طول الوقت شايلته واوقات ما اكون فاضيه يقوم يبكي ويبكي كان احد ضربه ..
فيقهرني وما اقدر امسك نفسي اضربه وبعدها والله اندم :(


طبعا مو دايم اضربه يعني نادرا بس انا كارهه هالشئ فيني انو حرام اذا هو لسى بهالعمر وكذا كيف لا كبر:( :( وربي مرا متضااااايقه

ومرا كان يبكي قمت صرخت انو خلاااااااااااااااااص اسكت مرا وحده بس سويتها وجلس يبكييييييييييييييييييييييييييييييييييييييييييييييي يييييي انفجع مسكين بعدها توبت :(

[rose]

شوفي ياقلبي انا مابى اخوفك بس اهلنا قالولنا من ينولد الطفل موكوييييييييس عليه تفجعيه وتخيله يتفزز او يخاف شي مرررررة مو كويس
اسالي البنات انا انقطعت عن المنتدى نفس سببك من انه يباني قدامه مر عليا رمضان ماتمناه لعدو من اصحى الصبح لين اربع الفجر معاه
يباني قدامه واهلي حذروني من اني اتركه يصيح لحاله
صرت اجيبله مرجيحته واحطه واشغل القران جنبه واسمي واحصصصصصصصنه دايما
واتركه خمس دقايق واجي العبه
واروح اتاخر عشر دقايق ومرة ع مرة خلاص اتعود اني اسيبه وينبسط اهم شي ماتخليه يصيح او شي بدون ماتحصنيه
وخلاص سيبيه ليش تعصبي مرة ع مرة ويتعود بس جيبيله مشاية لعبة مرجيحة والعاب يتسلى فيها وروحي وتعالي عليه

ونصيحة ساعة الغروب حاولي بقدر الامكان ماتخليه يبكي او تصيحي عليه والف لاباس عليه
صدقيني بس يزحف وكله يروح انتي بتشتاقيله ونفسك يجلس بحضنك لودقايق

[جنون بيبي]

امي دايم تهاوشني وتقول مو كويس تفززيه وتخوفينه ..
بس مدري ليش احس نفسي مو قادره امسك اعصابي:(


مرا شكرااااااااااااااااا قلبو ..
الله يسعدك ويوفقك ويخليلك ولدك :)

[العاااالي مستواها]

انا بتكلم بصرااحه

ادخلي قسم الحمل فيه مليوون وحده تتمنى الطفل وانتي تعذبينه
اربطي يدك على ظهرك احد يضرب نونو ماله ذنب
تخيلي تسببين له شيئ في عقله من الصرااخ عليه
هوه ماله ذنب انتي اللي عودتيه على الشيل والدلع يوم يسكت تلاعبينه وتدلعينه
ويوم يبكي تضربينه مايصير يختي ليش وربي حراام
عندي سبعه عياال الكبير منهم في الكليه والصغير 10شهور وربي ما مديت ايدي عليهم
شوفي كيف الصبر عليهم كانو مايسكت الواحد لين يكمل سنه طبع فيهم بكاين وزنانين لابعد الحدود
وابشرك من فضل ربي ما امدح نفسي اذا بكى الواحد انه في حظني واضمه لي يناام
انا اكتب لك وانا احسك مثل بنتي مو وحده في منتدى
الأول والثااني مابينهم الا سنه جبت الثاني وعمري 18سنه كنت ابكي اذا بكو احيااناا ما اعرف كيف اتصرف لاكن ربي كريم ساعدني وانا دائما لحاالي وفي غربه ما احد جنبي يساعدني وزوجي يشتغل ليل نهاار منشاان يثبت نفسه في شغله

اعرف طولت عليك بس اسمعي كلامي واصبري عليه وكل ماكنتي حنونه عليه اللحين يبرك اذا كبر اكثر من حكم تجربتي مع العياال

ربي يصلحه ويصلحك يالغااليه

[3miao]

اختي الغالية جنون
الضرب لا يزيد الطين الا بلة وانتي ستؤدين بولدك الى التهلكة وسيصبح عصبي ويتعود على الضرب وسيصبح عنيد اكثر واكثر
الحوار والحب والعطف هم الحل صحيح انتي ما تزالين صغيرة لكن انتي امراة
هل تعلمين بان طفلك مازال لا يفقه شئ كيف تضربينه وهو بهذا السن
اصبري عليه وعلميه بشويش اشتري له مرجيحة وضعيه فيها اشتري له مشاية يتعلم بيها المشي
انا كنت مثلك ابني لاصق فيا لصق لا يغادرني ولو للحظة ولكن لم اضربه ولو مرة هو الان 7 شهور انا اعيش في الغربة لوحدي وزوجي يعمل من الصبح للمساء وانا طوال النهار معه فتعود علي ولا يتركني اقوم باي شئ لكن بالصبر علمته ان يبقى لوحده والحمد لله
اصبري مع ابنك فانت مساولة عنه يوم القيامة
والله يكون في عونك
اذا احتجتي اي شئ انا موجودة اعتبريني مثل اختك الكبيرة

[دافئة المشاعر]

انتي الحين روحي لآصل المشكله
مو ليش سويتي كذا

اتوقع انه مايشبع ولدك او وقت نومه مايعرف ينام عدل
الاطفال هسببين الرئيسيين يبكونهم
بحكم سنك الصغير مو عارفه كيف تهدينه وتضبطين له شبعه ونومه عدل
عالجي هلآمرين وركزي عليهم وشوفي شراح يصير

طبعا اتفق مع خواتي لآلآلآ لضرب حطي نفسك مكانه
وربي يسهل لك ويعطيك سعــه صدر وقدرة تحمل
الايام بتعلمك الجايه

[جورية القمر]

أختي انا ابني بنفس عمر ابنك وفيه نفس المشكلة وصار مرة عصبت عليه كان يبكي بالليل وموراضي ينام وانا نعساااااااانة فضربته وصرت أبكي لأني ندمت...ويبغاني دايما شايلته...بس اكتشفت حلين ...الاول انو ماكان يشبع من الحليب لوحدة صرت أطعميه أكل وصار وضعه أحسن...ثاني شي عودته يجلس فترات على التلفزيون على قناة اسمها براعم وينبسط عليها مررررررررة...والحمدلله صار أهدا من أول بكثييييييير....الصغار يبغالهم صبرر والله يعيننا :)

[جنون بيبي]

الله يجزاكم الجنه يااااااااااااااااااااارب..

نورتوني الله ينور دروبكم