دردشة حوامل القطيف- تجمع بنات القطيف

[حبيبة علاوي]

بنات متى اكلتوا ولادكم

اني الحين ولدي باقي عليه 10 ايا ويكمل الخامس ويدخل السادس

وعطيته تفاح مغلي اشوي واطحنه يحبه

[أميرة دنيتي]

السلااااااااااااااااام
اخباركم يااحلى قطيفيات واخبار اجنتكم
وحششتوووني موووووووت
ها من حمل ومن ولدت ؟

[الحان النسيم]

اللهم صلي على محمد وال محمد
اللهم اني اسئلك باسمك الذي اذا سئلك به المضطر كشفت مابه من ضر
ومكنت له في الارض وجعلته خليفتك على خلقك انتصلي على محمد
وعلى اهل بيته وان تتعافي اخت ام نولر علي من كل مرض وبلاء انك
على كل شيء قدير وبالاجابة جدير

[شبيه الريم]

أهلين ياحلوات
بكمل لكم قصتي ،،
انا حبيت اكتب لكم مش عشان افضفض لا ابغيكم تستفيدون وخصوصا المنتظرات
المهم بعد ماسقطت كنت كل شهر انتظر موعد التبويض وبعدها انتظر الدوره وتجي وأقول خلاص الشهر الجاي كنت اسوي تحاليل تطلع سليمه الحمدالله زوجي طلع سليم الحمدالله وسويت الصبغه سليمه وكل شي سليم بس الله ماكتب من شهر جمادى سويت لي موعد عند عيادة تأخر الحمل مع الدكتوره هيفا في التعليمي دكتوره شطوره وطيبه عدل اول شي تابعت التبويض طلع مقاس البويضه صغير 14مع انه كان أوكي قبل سويت تحليل 21من الدوره البروجستيرون طلع ناقص شوي قالت لي الشهر الجاي اتابع معاك وفي دكتوره وصفت لي من قبل كلوميد الي يقوي التبويض قلت خلاص الدوره الجايه بستخدمه
كان شهر رجب يوم ثالث الدوره أخذت حبه وفي نفس اليوم توفت عمتي الله يرحمها وطبعا مالي خلق اكمل العلاج شهر شعبان سويت متابعه التبويض قالت لي بعدها صغيره تعالي بهد يومين وبشوف وسوت لي تحاليل رحت لها قبل لاتسوي لي متابعه قالت مايحتاج اسوي لك تحاليل ضعيفه الشهر الجاي تأخذي كلوميد مستحيل يصير حمل ببالارقام دي قلت أوكي عطتني موعد نص رمضان قلت خساره بيروح علي المولد طلع بالصدفه اختي بتسوي مولد لبنتها وبتجي نفس الملايه قلت تمام اخلص الموعد واروح لاختي المهم رحت لها وكان معاي زوجي تقول لي مستعده للكلوميد قلت إيه قالت انت متى دورتك قلت المفروض تنزل من يومين قالت لي أوكي بعطيك حبوب تنزليها ولا أقولك كملي صوم احسن بعدين تعالي انزلها لك اقول لها انا ماتتاخر تقول لي عادي من الصوم
ولا صفر بالميه اني حامل بس انا حسيت المهم طلعت ورحت المولد شفت الملايه جالسه هم خلصوا بس تسولف رحت لها قلت لها اني اتفائل بها ولعام حملت وعطيتها المكتوب ودعت لي وقالت ماحد ترده السيده رقيه بتشوفي قلت أكيد ورتحت
بعد يومين قلت خلاص أحلل منزلي وحللت وشوفوا فرحتي قد وين يارب لك الحمد وشكر
بس الصراحه افتقدت عمتي في هاللحظه الله يرحمها قبل لاتموت بساعه كانت تدعي لي وهي متحمسه بس كتبة الله المهم انا قلت لاهلي بس والناس توني اقول لهم لما تأكدت من كل شي ولله الحمد
اللهم صلي على محمد وآل محمد وماخاب من توسل بكم أأمتي

[شبيه الريم]

يارب تشافي اخت ام نور وتلبسها لبس العافيه يارب وترجع سليمه معافاه يارب العالمين
انا معاك في حملة الصلوات وربي يفرج عنكم وعن جميع مرضى المؤمنين

[تود]

هلووووووووووووو ياحلوين وحشتــــــــــــــــــــــــــــني سوالفكم

[مفاهيم الخجل 2]

المشاركة الأصلية كتبت بواسطة شبيه الريم

شفتي يافهومه اهئ انت احترق غذاك وانا احترق عشاي
مسويه مصقعه وتعبانه عليها كتبت كم رد ورحت لها احترقت من فوق

يؤؤ انتين بعد احترق الله يستر من الثالثه هع
اليوم زوجي ماتغدى ورجع المغرب صلى ووداني المستشفى اشوف خالتي وطلعنا من المستشفى ورحنا الكرنيش وخلاني امشي بسرعه ومشيت احس واجد واقوله كم صار ليي واني امشي يقول 10دقايق وشووووو تعبت ورجعنا ولمن وصلنا السيارةيقول صار لش نص ساعه ومن جد تعبت ورجعنا وهو نعسان ونام لاغدا ولاعشاء بس اكل تفاحه
والحين اني قمت جوعانه عندي جبن وبيتزا وصخنتهم وسويت ليي اندومي وجالسه اكل واستنى الاندومي جوعانه احس
اللهم صلي على محمد وآل محمد

[مفاهيم الخجل 2]

المشاركة الأصلية كتبت بواسطة حبيبة علاوي

بنات ساعدوني نزل مني دم

ورحت المستشفى وقالوا لي انذار بالاجهاض

واني خايفه ساعدني وهذه فرحتي الثانيه

كله وحده تدعي لي من كل قلبي اخواتي

يااقلبي ربي لايكسر بخاطرك ان شاء الله ورتاحي وان شاء الله ماعليش ولاعلى البيبي شر ان شااااااااااء الله
اللهم صلي على محمد وآل محمد

[مفاهيم الخجل 2]

المشاركة الأصلية كتبت بواسطة ام نور علي

هجوس تسلمي حبيبتي على سؤالش الدائم عن أختي
لا حول ولا قوة الا بالله العلي العظيم أدعو ليها تقوم بالسلامه تعبت قسما بالله كله اقول مني من تزوجت أبتلت بالمرض اللهم لا اعتراض على حكمك بس الواحد ويش يقول الى الله اشكو لا الى الناس أشتكي
اليوم الظهر كلمت امي قالت ليي الحمد لله احسن طلبت اكلمها قالت نايمه اوكي واتصلت الى زوجي عشان لا تالي يقول مايقدر يوديني ملتزم ويه احد وقلت ليه المغرب ابغى اروح الى اختي المغرب على السبع مشينا كلمت امي الا رفعه اخويي سالته عن امي قال تصلي وقلت ليه يعطيني اختي كلمتها صوتها زي الي مزكمه اسالها ويش اخبارش قالت زينه وقلت شوي وبجي لش قالت اوكي تبغي شي اجيبه لج قالت لا وسكرت السماعه الا شوي دق جوالي رقم امي اخويي يقول ليي بتجي قلت ليه اي قال ترى شوي وتخلص الزياره قلت ليه ماعليك رحت وكلي سعاده على انه بكره احتمال يرخصو اختي وصلنا المستشفى على خير ركبت ورحت الغرفه الا مكانتهم فاضيه انصدمت مافي الا الاغراض وسرير اختي مو موجود ويش صاير توني مكلمتنها قلت اكيد مودينها العناية اتصلت على امي اسالها في وين انتون قالت في العناية تعالي بدون صوت حتى تدخلي
دخلت اني وزوجي واني متفاجأه الا امي شايله الاغراض من على الكرسي وخلتني اقعد سالتها ويش صاير مكلمتنش الظهر وقلتي ليي بخير ليش جابوها العنايه ترد عليي امي وهي تعبانه احمدي ربش رجعت للحياة ويش صاير تقول جى الدكتور الصبح وشال عنها القسطرة مالت الابوال وقال للممرضات يحطو ليها مغذي توهم يدخلو ابرة المغذي الا انقلبت الوانها شالوها وحطو ليها مره ثانيه الا جتها رجفيه وزبدت ووقف التنفس ودقات القلب وعلى طول جابوها العنايه سوو ليها انعاش يدوي شوي ورجعت دقات القلب قلت ليها انزين متى صار الشي قالت الصبح قلت اني متصله الظهر ليش ماخبرتيني الا ترد عليي اختي عشان تصيحي قلت اذا ماصحتش وخفت عليش اخاف واصيح على منو الا شوي ماشوف الا اختي تسأل سؤال مو اني مت ورجعت حيه بس ماشفت ملك الموت قعدنا نضحك عليها قلت ليها يبغى ينبهش حتى تتحملي بروحش تقول اني اتوقع شكله معكرش قالت ليها امي هو يجي على شكل اعمال الا بياخد روحهم
طول الوقت اني قويه ولا فكرت حتى تطيح دمعتي يوم بقوم الا تقول ليي اختي معروفه بس تركبي السيارة بتشغلي الصياح رديت ضحكت عليها وقبل لا اطلع قلت ليها عندش فلوس بدل ماتقول ليي مفلسه مسلفه وقلت ليها مفلسه لو مفلسه قالت نفس الشي وضحكت عليها يوم نزلنا بنطلع كان في واحد قاعد عند المستشفى قلت الى زوجي اعطيه وخليه يدعي الى اختي احين ركبت السياره وكلي امل بربي يشافيها يقومها بالسلامه الا يقول ليي زوجي ادعي ليها ومو تصيحي تالي ماعرفت امسك حالي
يوم وصلت الشقه واني اركب الدرج اكلم جنيني اقول ليه حبيبي انت اقرب الى الله ادعي الى خالتك تقوم بالسلامه ماعندك غير هالخاله تلعب وياك

أمانه خواتي أدعو ليها تقوم بالسلامه
والي يبغى يشارك في حملة الصلوات على محمد و آل محمد لشفاء مرضى المؤمنين والمؤمنات

الله يقومها بسلامة ان شاء الله والله اقرى واني اتخيل الموقف الله يشافيها وتفرحي فيها وبالغه فيها عروس ان شاء الله
اني بسوي ليها صلوات والى المؤمنين بس كم نسوي فيه عدد محدد
اللهم صلي على محمد وآل محمد

[وسناء]

اخواتي ادعوا لي ربي يعوضني الشهر الجاي