دردشة كروشات الطائف الحلوات

[التفاحه الحلووه]

مبروك موني الاموره صرتي ام حركات
الله يخليه لك بس نبي القصه ياموووني
مبروك جنون الورد انشاء اللع مكتوبه لنا في حسناتنا
مبروك واثقة الخطى ونبى القصه
اهلين شكولاته نورت التجمع

[كازان]

بنات الي ولدو عند الدكتورة دعاء في مستشفى الامين كيف تعاملها ومين افضل هي او اميمة
لاني كنت اتابع عند حنان عبدالله بس راحت اجازة

[موني الاموره]

السلام عليكم والله يبارك فيك ياتفاحه حلوه وراح اكتب لك قصتي

[موني الاموره]

قصة ولادتي الاكثر من رائعه هههههههههههه حلوه رائعه صح
المهم انا الدكتوره حاسبه لي انو ولدتي راح تكون ثالث العيد المهم جاء ثالث العيد وانا ماولدت وكنت خايفه انو راح اولد بعمليه المهم جلست سته ايام علي اعصابي وفي الليل كذا نزلت علي افرازات وفيها دم وتخيلو زوجي يقول يالله اوديك المستشفي يمكن عندك ولاده وانا من الخوف ماابغا اروح والله سحبني بالقوه علي المستشفي ورحت بعدين واول مررره اعرف انهم يكشفون من تحت عشان يشوفو في ولاده ولا لا المهم قالت الممرضه نام علي السرير ونمت وبعدين تقول نزلي ملابسك وانا اقول لها ليش ماتستحين جالست تضحك وتقول ماما انتي اول مره في حمل قلت لها ايوه قالت طيب هذا كشف لازم عشان اعرف الرحم مفتوح ولا لا وبالعافيه خليته تكشف وطلع ماعندي ولاده ورجعت البيت والساعه 8الصباح وانا افطر نزلت علي المويه بدون الم ولا شي كذا علي طول نزلت النويه وراحت المستشفي مررره ثانيه وعلي طول قالو عندك ولاده اقول طيب مااحس بالم قالو عادي وانا اقول لزوجي والله كذابين انا مااحس بشي هذولا اكيد يبغون يلعبون فيني جلس يضحك هو والدكتوره وتخيلو من الصباح انا في قسم الولاده ولا ولدت الا الساعه تسعه باليل اما عن الولاده وماادراك ماالولاده والله تتعب مره واهلي يتصلون علي ويقول لاتصارخين لان لو صارختي مايهتمون فيك وفعلا لمن ما صارخت كل مايشفوني اتالم يجون عندي علي طول ايوه نسيت اقول اسم المستشفي انا ولدت في الهدا عند الدكتوره نفيسه بصراحه مررره اخلاق حتي الممرضات لمن تتكلمي معاهم بهدو يهتمو فيك بس لمن تصرخي عليهم يطنشون المهم جات الطلق اللي صح احس ظهري راح ينكسر من قوة الالم
وعلي طول جات الدكتوره والممرضات بس وربي رعب يوم تشوفي الناس كلها حولك المهم الدكتوره تقول ادفعي وانا من قوة الالم اقول لها لاخلاص ماابغا اولاد تقولي ليش هو علي كيفك وعشان كمان من الصباح تنزل علي المويات وقت الولاده قلة المويه علي الجنين اضطروو انهم يسحبو لان المويه مررره قلة علي ولا قدر يطلع عشان كذا اول ماجبتو وحطو علي بطني كان مررره وجهو ازرق ولا يبكي ولا شيوانا افتكرو مات اقول لدكتوره ولدي مات صح وهي وجهه مقلبو بس الحمد الله جابو لي بعد ربع ساعه بعد مانظفو وكان شكلو عادي عاد الخيط ماحسيت فيه لانهم حط بنج
وهذي هي قصة ولادتي واسفه علي الايطاله

[**ام حمودي**]

كروشات الطائف اللي كان عندها اجسام مضادة وتابعت عن الدكتور محمد شاذلي بمستشفى الملك عبد العزيز التخصصي تفيدني ابغا اعرف هل الدكتور شاطر والا ياربي يستر علي بس وابغا اعرف كيف ولدت وبأي شهر لان جد قلقانه وخايفه هاذا ثالث حمل وقبله اثنين ماتوبالله اللي تعرف ماتبخل علي بأي معلومة

[أم لمآر]

بنوتات الطآئف ..

كيفكم أن شآء الله بخير .؟.؟

جآرتكم من مكـــه وعندي سؤال أذا تسمحولي ..

كيف الجو عندكم لأني نآويه أغير شوي من نفسية الحمل وبطلع كم يوم هنآك ومو عآرفه هل الجو بارد ولا لا .؟.؟

الله يسهل عليكم جميعــآ..

تقومو بالسلآمه يآرب ..

[التفاحه الحلووه]

هلا ام لمار في برد بس مو قوي مره
بنات ابي رايكم في موضوووع في المنتدى العااام
*السعوديه ام ركبه سوداء*
وتفاعلكم
وحمد ع سلامه موني الاموره
ام حموودي وكازان ان شاءالله
البنات يردوا عليكم ماعندي فكره

[الملاك الطاهر]

سلام بنوتات وحرريم الطائف

كيفكم


انا بالتاسع وعلى وشك ولاده بسال كيف مستشفى الامير منصور خصوصا انه اللي تولد تكون اي دكتوره مناوبة وكيف المستشفى بعد الترتيب


وشكـــــــــــــــــرا

[**ام حمودي**]

اتوقع من كثر الحريم اللي اشوفهم وازحمة بمستشفى الملك عبد العزيز يكون على الاقل ثلاث او اربع معنا بالمنتدى انا مو من الطايف انا من خارج اطايف تحولت للمستشفى اجباري عن الاستشاري محمد شاذلي اللي تعرف عنه شي تطمني الله يفتح لها ابواب الرزق ويفرج عليها جد حالتي صعبه وابغا اعرف عن الدكتور والا ادور مستشفى ثاني

[شكولاته]

صباح الخيرات كروشات

التفاحه الحلوة ...منور التجمع بوجودك ياغلاهم
كازان ...ام حمودي ....الملاك الطاهر ... للأسف ماعندي اي معلومه وإن شاء الله البنات يفيدوكم

أم لمار ... حياك الله في الطايف تنورينا ياعسل والجو اللحين حلو بس اذا بتطلعين في الليل في مكان مكشوف لازم تأخذين شي ثقيل خصوصا اذا كان عندك أطفال :)