تجهيزات

[بنت الشقا]

السلام عليكم
يالغاليات انا قررت اني كل شهر اجهز واشتري شي حق المولود اليديد اللي الله بيرزقني فيه ان شاءالله على السنه الجديده شهر 2 ولين الحين انا ماعرف اذا كان ولد او بنت علشان جذه انا قررت اني مااعرف واشتري الوان غير عن الازرق والوردي ومن غير ابغي اعرف شو اجهز لنفسي من غير اغراض البيبي وانا بديت من ها الشهر واشتريت السرير وقلت على الشهور الباقيه كل مرة بشتري شي بس ممكن اتساعدوني واتقولولي شو اشتري بعد لاني بكريه وما اعرف وبغيت مساعدتكم جزاكم الله الف خير

[كليجه]

المفرش حق النفاس خلي لونه سكري مع أرواب الرضاعه كمان سكري

[بوكاهنتس]

السلام عليكم ورحمة الله وبركاته
طقم الضيافة اذا ماعندك

[بنت الشقا]

المشاركة الأصلية كتبت بواسطة كليجه

المفرش حق النفاس خلي لونه سكري مع أرواب الرضاعه كمان سكري

مشكورة الغاليه على مشاركتج الطيبة

[بنت الشقا]

المشاركة الأصلية كتبت بواسطة بوكاهنتس

السلام عليكم ورحمة الله وبركاته
طقم الضيافة اذا ماعندك

ممكن تشرحيلي اكثر عن طقم الضيافه؟؟
اذا ماعندج مانع

[بوكاهنتس]

المشاركة الأصلية كتبت بواسطة بنت الشقا

ممكن تشرحيلي اكثر عن طقم الضيافه؟؟
اذا ماعندج مانع

صواني التقديم والكاسات حق القرفة والتيرموس وكاسات للعصير للضيوف فاخرة
و تقديم الشوكليت ومتل هيك

[بنت الشقا]

المشاركة الأصلية كتبت بواسطة بوكاهنتس

صواني التقديم والكاسات حق القرفة والتيرموس وكاسات للعصير للضيوف فاخرة
و تقديم الشوكليت ومتل هيك

مشكورة على التوضيح الغاليه

[fadyah]

طيب غريبه الين الحين مابين معاك جنس البيبي احس لازم تعرفين مهما كان حتطفشي انه يكون البيبي قدامك طول الوقت نفس الالوان الحياديه يعني زي الابيض والبيج بالعكس حلاوة الاطفال بالالوان وخصوصا انه البيبي الاول وصعبه انك تكوني توك والده وتروحي السوق تشترين الوان يعني هذا رايي الشخصي وانتي براحتك والله يسهل لك حملك وولادتك

[بنت الشقا]

المشاركة الأصلية كتبت بواسطة fadyah

طيب غريبه الين الحين مابين معاك جنس البيبي احس لازم تعرفين مهما كان حتطفشي انه يكون البيبي قدامك طول الوقت نفس الالوان الحياديه يعني زي الابيض والبيج بالعكس حلاوة الاطفال بالالوان وخصوصا انه البيبي الاول وصعبه انك تكوني توك والده وتروحي السوق تشترين الوان يعني هذا رايي الشخصي وانتي براحتك والله يسهل لك حملك وولادتك

انا نفسي اعرف نوع الجنين بس في كل مرة اسال مره يقولولي ولد ومره يقولولي بنت ومرة يقولولي مايبين علشان جذه اتفقت انا وزوجي انه مو لازم نعرف ونتوكل على الله ونشتري الوان ثانيه

[زوزوعليوه]

شوفي حبيبتي لازم اول شي مفرش نفاس مرتب وطقم ضيافه حلو وملابس لك ولنونو لك مثل ارواب استقبال حلوه مع طرحها وارواب بيت تكون قطنيه ومريحه وتدفي وملابس داخليه خاصه بالنفاس مثل صدريات الرضاعه ومشد للبطن وماتلبسيه الا من خامس يوم بعد الولاده وللنونو بجايم وداخليات ولفات ووو والله يقومك بالسلامه