مع لمسة دفا دردشات الامل للمتاخرات عن الحمل

[ام الزين كله]

في صمتي كلام صباح النور الحمدلله على سلامتك الله يجعل ماحصل لك طهور وتكفير
ويارب تتطمني أكثر في المراجعة ويكون كل شيء تماااام

[ام الزين كله]

المشاركة الأصلية كتبت بواسطة secret

حبيبتي:
ما تعالجتي ما رحتي لدكتورة تحسب لج التبويض
ما سويتي سونار شفتي شو السبب..ما ذكرتي اي تفاصيل..
والله يرزقج معانا ان شاء الله..
اذا كان تاريخ دورتج تاريخ 17
يعني كم يوم دورتج اصلا؟؟!!
سامحي يعلى كثر الاسئلة ابي اعرف بعض المعلومات علشان احسب لج

فحوصاتي سليمة الحمدلله
وبالنسبة للتفاصيل قد قلتها اول ماتعرفت على الاخوات عندي ميلان بالرحم وتمرخت مرتين واخر مره قالت لي الممرخه ان خف عن اول الحمدلله
والشيء الثاني معاي قرحة بسيطة وعالجتها بطب شعبي ومارحت اكشف مره ثانيه
دورتي نزلت 17/11هجري وفي شهر شوال كانت نازله في يوم 21
باالعكس كثرة الاسئلة دليل على اهتمامك

وأنتي يالغاليه اعطيني نبذة عنك...وهل لك خبرة بمجال الطب؟

[توحة]

المشاركة الأصلية كتبت بواسطة توحة

السلام عليكم ورحمة الله

بناات في بالي فكرة من تساعدني فيها خطرت علي اليوم وانا جالسة افكر بعمري لمتى اجلس كذا هم وغم << مع اني ترى ماكنت كذا ولو تلاحظون كتاباتي قبل مافيها يأس وإحباط وحزن على الرغممن الظروف كنت ابتسم وكل مايجي لبالي حالي ومن انا اغض طرفي بسرعه واسوي نفسي ماجاء شيء ببالي

بس لي فترة قلبت حزن بحزن ونفسيتي تعببببت والله حيل مادري شالي غيرني سبحان الله
وعشان هالشيء

ودي نسوي حملة عن التغيير وهي شعارها {بدليهاآ من إلــى}
وطبعا هالحملة بتكون نتاج اول حملة لقروبنا الي بقول لكم عليه وهو الاساس بحيث نعمل قروب خاص بدردشة الامل للمتاخرات في الحمل

وبين فترة وفترة نعمل حملات للمنتدى من انتاجنا وحصرية بعد فالي تعرف تكتب تقول والي تصمم تقول والي تجمع المعلومات وهكذا بس طبعا اسمائكم الي تبغى تشارك تكتبها هنا والتنسيق راح يكون بالخاص عشان محد يطلع عليها الا وقت التنزيل للحمله

فابغى اي وحدة تبي تشارك تكتب اسمها مشاركة بقروب دردشات الامل للمتاخرات بالحمل .

هااه شقلتم بنات ترى منها نفيد الاخوات ونكون سوينا شيء لديننا واخرتنا باذن الله

ومنها ننشغل عن الحمل شوي

انتظر ردودكم العطرة وعشمي فيكم مايخيب

الهمم ياآأهل القمم ..

قروب دردشات الامل للمتأخرات هن :
secret

تـــوحة

دمعة شـقا



ننتظر البقيه

:( توقعت همتكم اكبر من كذا بنات !

[توحة]

دمعة شقا / ياااااااااااارب تكوني حاامل بتوم ياكريم ياربي

عاشقة عيونه / حياااكهلا وغلا والبيت بيتك تفضلي القهووووووووة يابنااات ^_^

في صمتي كلام / لبى قلبك وفديت هالدموع والله الله لايضيع تعبك ياقلبي ويرزقك بالذريه الصالحه يااارب عاجل غير اجل .بس مو تنسينا هههه^_^

ام الزين كلة / هلاااا وغلا وترليون مرحبا بالغاليه شلون ياحبوبة عساك بخير ياوجة الخير ^_*

secret / لبى قلب هالبنوته احسها حنونه حيل شحالك اليوم ياعسل .

امممم من باقي مارديت عليه ههه

ياااااااااااااااااارب ياسامع صوتي وشايف مكاني وعالم بحالي يااارب ارزق من خطت ولو حرف واحدا في هذا التجمع

رزقا واسعا
وعلما نافعا
وصحة دائما
وجنينا سليما معافا
عاجلا غير اجلا
تقر به اعينا
وذنبا ياربي تغفرا

وتقسم لها من اوسع ابواب رزقك وافرا
وتفرج به هما بالصدر هائما
وتمحو به عن كل جسد ألما
وعن دمعة جرت بالخد باكيا

وان تجمعنا على سرر متقابلين بجنة الخلد اجمعين

وتجعلنا ممن ياخذونكتابهم باليمين وأزواجنا وآبائنا وأمهاتنا وذرياتنا يارب العالمين .

آآآآآآآآآآآآآمــــــــــــــــين ., يالله

[secret]

صباح الخير صديقاتي:
دمعة شقى اسمج حزين شوية..
تفائلي خير بالله يا اختي وانتظري ان الله مع الصابرين اصبري يا حبيبتي
كله باجره تأكدي ان ربنا ما يضيع اجرنا ان شاء الله
وربي يرزقج الحمل هذي المرة باذن الله

عاشقه عيونه:
مرحبا بج حبيبتي ونتمنى مشاركاتج الكثيرة معنا..
بس شو العلاج الي اخذتيه خلال هال8 سنوات ..
هل تعالجتي وما فاد والا كيف؟!!

في صمتي كلام:
حبيبتي والله المهم سويتي الاشعة والحمد لله ارتحتي
الالم الي حسيتي فيه لج اجر فيه ان شاء الله

[secret]

المشاركة الأصلية كتبت بواسطة ام الزين كله

فحوصاتي سليمة الحمدلله
وبالنسبة للتفاصيل قد قلتها اول ماتعرفت على الاخوات عندي ميلان بالرحم وتمرخت مرتين واخر مره قالت لي الممرخه ان خف عن اول الحمدلله
والشيء الثاني معاي قرحة بسيطة وعالجتها بطب شعبي ومارحت اكشف مره ثانيه
دورتي نزلت 17/11هجري وفي شهر شوال كانت نازله في يوم 21
باالعكس كثرة الاسئلة دليل على اهتمامك

وأنتي يالغاليه اعطيني نبذة عنك...وهل لك خبرة بمجال الطب؟

هلا حبيبتي:
اهي مب سالفة عندي خبرة بمجال الطب..
لا بس تعالجت وايد وقابلت اكثر من دكتور ودكتورة
ومعلوماتي من الكتب والسوالف..
فانا الي اشوفها عندها ضعف تبويض وهرمون الحليب..ما يباله سالفة من بعد الله تعالى غير الرياضة والميرمية
عندي اختي الكبيرة والله ان الدكتور قبل 4 او 5 سنوات قالها بالفم المليان مستحيل تحملين انتي كبرتي وبويضاتج قلت نشاطها وماعادت تنفع والعلاج صعب بها العمر،اتعرفين انها حملت بقدرة قادر طبيعي مرتين ،بنتها وحدة بالسنة الرابعة بتخلصها،وبنتها الثانية صار لها 4 شهور***وين كلام الدكتور راح.
.اختي الثانية نفس الشي قالو لها مستحيل علاج
حملت فجاة وولدها عمره 5 سنوات
يعني احنا المفروض نتوكل على ربنا الي خلقنا مب على كلام اي دكتورةـ بس هذا ما يمنع اننا نتعالج ونكشف ونسوي الي علينا..
انا مثلا الحين الدكتورة تقولي عندج هرمون الحليب مرتفع
شربت الدوى شهر وشي ما كملت الشهرين، رحت لدكتورة ثانية قالت لي الهرمون مختفي,,اصدق من والا من !! مب عارفة
قمت اشرب ميرمية واسوي رياضة الي اقدر عليها وانتظر الفرج من ربي
الشي الحلو اللي نقدر احنا نسويه اننا نروح لأي دكتورة ممتازة ونسوي فحص السونار علشان نشوف حجم البويضة والدكتورة تقولنا متى الجماع وباذن الله يصير جماع..

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..والله اعلم..
فانا الحين احاول احمل ونفسي في بنت..
بنتي كان عمرها 8 شهور واسبوعين توفت فجأة فجأة
كانت مريضة زكام وكحة عادي..قبل ما تتوفى بساعتين انقلبت فجأة وتعبت والانعاش سبحان الله ملك الموت جاي ياخذها يرجعها لربنا سبحانه وتعالى..
وراحت بنتي من بين ايدي والله يعني احساس صعب اوصفه
انا كل ما اتذكرها ابكـــــــــــــــــــي دم عليها هذي كانت اغلى شي بحياتيوالله اكتب لكم وانا ابكي لأني تدكرت كل شي..
اعظم مصيبة فقدان الولد..ربي لا يوريكم يارب هالموقف
كلن بمصيبته
فعلشان جي انا نفسيتي اكثر الوقت تعبانة افكر في بنتي بنتي متوفية بتاريخ 26/6
ما صار لها تكمل ال5 شهور ..حملت فيها ورضعتها وحممتها ولعبت معاها وسبحان الله سننت بدري، وجلست وماباقي لها اسبوع الا وتمشي ..طيرة الجنة ربي اسرع بنموها علشان ياخذها..
الله يفرحني فيها بالجنة وتاخذني من يميني وتكون شفيعة لي..
سامحوني طولت بالكلام..بس والله فيني الم بقلبي لا يعلمه الا الله من فقداني لآعز ما أملك واهي بنتي
ومتفائلة باذن الله ان ربي بيعوضني ما علي غير الصبر والصلاة والدعاء..
ربي يفرج همومنا ويرزقنا الحمل ويشفينا جميعا يارب العالمين

[توحة]

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..

هاذا الشيء ماعمري اخذتهوشهو ؟؟

وياقلبي ان شاء الله شفيعه لك ياارب ويعوضك ربي بالحمل لثابت والذريه الصالحه وربي دمعت عيوني الله يرزقك ياكريم

[secret]

المشاركة الأصلية كتبت بواسطة توحة

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..

هاذا الشيء ماعمري اخذتهوشهو ؟؟

وياقلبي ان شاء الله شفيعه لك ياارب ويعوضك ربي بالحمل لثابت والذريه الصالحه وربي دمعت عيوني الله يرزقك ياكريم

اللهم آمين
شفتي وانتي توج متعرفه علي دمعت عينج
انا صاحبة المصيبة والالم بقلبي يعتصر..كل لحظة
واهلي والي يعرفوني والي ما يعرفوني امتلآ بيتي بالمعزين ، من كثر الكل تألم لما فقدتها الكل بكى ..زوجي لليوم وبكره وبعده يناظر في صورها ويبكي ،يقول عمري ما بنسى بنتي وبنتلاقى معاها بالجنة باذن الله
ربي نطقه بلحظة وفاتها سجد لله شكر ويلس يدعي يقول اللهم اجرني في مصيبتي واخلف لي خيرا منها وهو يبكي

الله يخلي شيوخنا يارب كانو مرسلين لنا طيارة خاصة تشيلها بس ما قدرنا ننقلها لآن الاكسجين صار قليل وبالجو بيصير ضغط..

اتعرفين انها طول الوقت كانت على ريلي نايمة وانا الي ماسكة الاكسجين واقري عليها ولحظة ماقالو اخر امل التنفس الصناعي، رحت توضيت بصلي، ما كملت الصلاة سمعت زوجي يبكي باعلى صوته يقول يارب ان كان لها نفس واحد بالدنيا خلها لنا وان كنت بتاخذها فالحمد لله..طلعت من غرفة الصلاة مثل المجنونة اقوله شو صار توني تركتها..زوجي حس خلاص انها بتفارق الحياة بس ما حد يبي يخبرني لآني امها وانا ما بتحمل

اول ما ادخلو انبوب التنفس الصناعي ما تحملت لأنها طفلة ونزفت دم وحاولو فيها قدر المستطاع وفارقت الحياة لما اشر علي الدكتور بايده انها ماتت
حسيت ان قلبي طلع من صدري وقعدت اصرخ بطول المستشفى بنتي ماتت واهلي ماسكيني يصرخون يشوفون هالطفلة البريئة والجمال متمددة على السرير حورية جنة باذن الله
وانا انهرت قعدت اصرخ بالمستشفى ما حسيت بنفسي والا انا على الارض..

احنا عايشين وما نعرف شو بيصير لنا في الايام القادمة
علشان جذه نكون مستعدين لآي شي ونكثف اعمالنا الصاالحة للوصول للجنة

اطولت عليج: بالنسبة للفوليك اسيد الحبوب الي تشربها الحامل من تعرف انها حامل..
ضروري نشربه أستعدادا للحمل..
ممتاز يقوي الرحم يحفظ الجنين من السقوط من بعد الله سبحانه وتعالى..كل دكتورة تنصح فيه

[هدوء انثى]

اه يا secret
فجعتيني ووجعتي قلبي ربي يعوضك ويعوض صبرك
والله شيء مؤلم..بقوة

[هدوء انثى]

سوسو
منووووووووووووووره واكيد الكل يبي وجودك
ويارب تكوني كروووشه هالشهر يارب انتي والمنتظرات