تجمع حوامل العراق واتمنى اكو احد موجود

كنار البياتي · 10-20-2011, 02:24 AM

السلام عليكم اني ام ريماس وهاي البطن الثانيه وبعد لنهاية شهري 5 ايام ويخلص وعندي توسع وماكو طلوكه ويكولولي روحي للمستشفى حطي مغذي واني خايفه
وانصحوني

توتايه · 10-20-2011, 02:35 AM

وعليكم السلام منوره كنار حبيبتي عادي عمري اني هم جان عندي توسع ورحت للمستشفى حطيت مو مغذي 2 مغذي وجبت بس اني لان جنت اول بطن مقبل يطلع السرسري
اني اية ام يوسف
انتي شكد عمرج وصارلج شكد متزوجه
وابغداد لو لا
اسئلة روتينيه بس مو تنهزمين ها تره نتشاقه وياج الف هلا حبيبتي نورتي

توتايه · 10-20-2011, 02:41 AM

ميكي منوره حياتي الف هلا والله يكومج بالسلامه حبحب

الف عافيه يسوره انشاء الله دوم متونسه حبيبتي

اي نجوله سددت كلشي بس من وره الحرب الشبابيك متنسد زين وهم تعبر وماشاء الله ميعجبهم يصلحوها يخافون يصرفون

(دقةقلب) · 10-20-2011, 03:14 AM

حبيباتي روح ملائكية وام ايهومي شكرا جزيلا الكم على ردودكم
جزاكم الله الف خير

نعومه التميمي · 10-20-2011, 07:28 AM

هلو بنات شلونكم اخباركم
مها لسه ماجبتي واني من يمي تعبت الله يساعدج وساعه سهله انشاءالله والله لو يمي اني اجيج اطبخلج وارتبلج واروح
نجلاء شلونج شخبار ايهم يارب تكومين بسلامه ويسهل عليج تعرفين اني من دخلت بل تاسع رجعت توحمت من جديد ولتعرفين شنو شتهيته تمن مامستوي ههههههه
ايه حبيبتي شلونج شلون صرتي يوسف شلون صار اني ديمه كلش متنحسه وجاي احسح راسه بي حراره
يسرى حبي شلونج شخبارج الف عافيه على الونسه شلونه رودينه عمري كبرت والله مشتاقتله اريد اشوف صورته واذا على مرت حماج قسمو الشغل احسن الج حاله حالج مثل ماتشتغلين لازم تشتغل
كوكو شلونج شلونه علوي وشلون صارت امج واختج الله يساعدهم
امونه ماكو خير حبيبتي بالي يمج
رحوبه شلونج اكيد ملتهيه بل عيد ميلاد
صعوبه شخبار سيف شلونكم
البنات الجدد شلونكم وحده وحده خاف نسيت احد
اني اخباري زينه بس رك رك لان وحدي
والجو يوم حار ويوم بارد
هسه جاي اطبخ غده ومسويه تمن ابيض ومرق سمك والله مشتهيتكم تجون تتغدون وياي كلكم

نعومه التميمي · 10-20-2011, 09:02 AM

اشو اليوم ماااااااااااااااااااااااااااااكو احد وينكم تعالو ماطول ديمه نايمه ومكمله شغلي
بس اكيد هسه كلكم نايمين يله من تكعدون اكلكم صباح الخيررررررررررررررر
صدك ماتعرفون اخبارزينب السعدي

kokee · 10-20-2011, 02:23 PM

هلالالالالالالا بنات شخباركم
ام ديمه شلونج حبيبه
اختي الحمد لله رضت بقسمة رب العالمين بس امي مريضه خطيه

شنو مها دفضيهاااااااااااااااااا وجيبي مو من يمي تعبت ههههههه
ايوته شخبارج وشخبار عنفووش
امونه شلونه سنج بعدخ يوجعج ورجلج الشفيه شلونه
رحوب شخبارج
ام ردينه
صعوبه
ام ايهومي
الباقيات وكل من يسا عني
شخبااااااااااركم مشتاقه لسوالفكم

توتايه · 10-20-2011, 02:40 PM

هلاو حبايب اني زينه بس العنفوش مالتي ديكح من البارحه عكب باجر انشاء الله اوديه للطبيبه

شخباركم بنات وحده وحده

kokee · 10-20-2011, 04:09 PM

ايييييييييي لج عيني خو النشله امجلبه بي دمرته يمكن صار شهر وعلاج مينفع
حتى خشمه راح ينكطم هههههههه

أم أيهومي · 10-20-2011, 04:57 PM

مساءكـــــــــــــــــــــم عســـــــــــــــــل..
شلونكم بنات..اكولكم امونه ماكو والله ظل بالي عليهة مو عوايدهة مطب هيج يارب ماكو شي لانه قلقت عليهة وعلى بنونه..
وزينب السعدي هم بالي يمهة لاخبر ولاشي الله يكون بعونها ويكومها بالسلامه..
مهاوي اليوم مبينت يارب تكون جابت اريد وحده تجيب علمود اتشجع..ههههههههههه
ميكي منوره حبي هلا وغلا
ام ريماس نورتينه يالغاليه ونتشرف بيكم حبايب
توتايه حبي هي كل شبابيك العراق صارت هيج ومرات ميفيد التصليح بيهة احنه شبابيكنه المنيوم وهم مرات ادخل تراب باعي اكو شريط اسفنج لاصق يتخلى بفتحة الشباك على طولهة يعني داير مداير ومن اتسدين الشباك حتى لو اكو تراب ميدخل ابد يعني اطبكين الشباك وهي تصير بداخل الفتحه وعرض الشريط اصبع وطبعا الطول حسب الشباك والله احنه جربناه بالبيت وفادنه هوايه.وهو موجود ينباع مترات يفيدج كلش
حياتي سوفي دير بالج عليه تره الجو ديتغير والاطفال يتحسسون منه قبل لااحنه نحس بيه..شربيه شي دافي ودفي صدره لتخلين الكحة تزداد..
يسوره حبي بالعافيه على الونسه ومثل مكالت ام ديما قسمو الشغل وارتاحي وكل وحده تعرف واجباتهة بيت اهلي جانو بيه 3 جنات نسوان اخوتي سويتلهم جدول وعلكته بالمطبخ يالله خلصنه من المشاكل وكامت كل وحده تجي على الجدول وتعرف واجباتهة والي متسوي شغلهة رجلهة يحاسبهة ..
ام ديما حبي منوره سجلناج غياب كم يوم هههههههههههههههه
اي والله رجعت اتوحم بالثامن مرات هم هيج اكول ههههههههههههههه واشتهي شغلات اليوم رجعت من الكليه وجنت مشتهيه تمن ابيض على شعريه ولبن رائب وطبخت تمن وكعدنه ناكل اني وزوجي وعمو اتغده شوربة كبه...ههههههههههههههههههه رجلي يكول يالله شنسوي رجعتي تتنسين..
ام لولي حبي ديري بالج عليه من النشله..حياتي اتخيل خشمه احمر ومزكم ههههههههههه
دقة قلب تدللين حبي واني سألتلج كامو يضحكون كالو مابيهة اي مخاطر لانه نوع من الاشعه ومابيه خطر على الحامل وماكو اكثر من السونار اشعاع واني كل شهر تاخذلي دكتورتي سونار
فلتخافين حبي ماكو شي وحاول تاخذين اشعه ملونه (دوبلير) حتى يطمأن بالج وكلبج
اممممممممممممممم صعوبه ام لسان ماكو..؟؟
ورحوبه ملتهيه بالكيك وبفطومه ,,,اكيد تلكوهة من هسه تنفخ نفاخات ههههههههههههه مالت الحفله
زينه ماكو..؟؟مفتقديهة..ودلوعه هماتين ماكو..؟؟

بالي يم مهاوي...يارب تكون جابت وترتاح..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM
تجمع حوامل الاردن	warka	إستفسارات حوامل من الشهر السابع إلى الشهر التاسع	0	05-23-2010 06:06 PM
تجمع حوامل الامارات	lola	إستفسارات حوامل من الشهر السابع إلى الشهر التاسع	2	04-04-2010 10:03 AM