موضوع للنقآش : الوقت المنآسب للحمل بين كل طفل وطفل ....!

[ح ـسسآيف]

السلآم عليكم صبــايــــآ
كيفكم / ان شآء الله تمآموو ...!

بنآت بسألكم عن الفترة الزمنية بين حمل كل طفل وطفل يعني المفترض تكون كم سنة ...؟
علشآن الطفل يمديه يعتمد على نفسوو وترتآحين من همه شوي ’ وبعد الام يمديها تستعيد صحتها وعافيتها ورونقها ,,,, يعني برأيكم قد ايش / وبحساباتكم انتم حاطين كم سنة بين كل
طفل وطفل ....؟!
ارجوو التفآعل من الجميع هذا اول موضوع لي بالمنتدى .....!

[راحة بال]

حبيبتي انتي ... موضوعك جميل

ممم عن نفسي اعرفك بحالي اول ... عمري 28 سنة , حملت بطفلي الأولى وعمري 21 وكم شهر الثاني 24 وبرضو كم شهر , والثالث بالطريق ..

بمعنى بين كل طفل والثاني اربع سنوات ، اخذ راحة 3سنوات و3 اشهور ومع الحمل 9 شهور ، يصير المجموع 4 سنوات .. وأرى من وجهة نظري انها مناسبة ..

الله يهون ويسهل علينا الحمل والولادة يارب .. ويبعد عنّا الوحم :(

[Miss YoYo]

بالنسبه لي انا اشوف انك تجيبين كل 2 قريبين من بعض
يعني جيبي الأول وكملي سنتين رضاعه له وحملي بالثاني بعدها على طول
بيكون الفرق بينهم تقريبا مع الحمل من سنتين و 9 شهور إلى 3 سنوات
عشان يكونون قراب من بعض ، مو الأول يكون كبير والثاني يكون صغير
ومايكون فيه بينهم اشياء مشتركه
بعد ماتجيبين الثاني وقفي 5 سنوات وبعدين فكري بالحمل مره ثانيه

انا ناويه كذا إن شاء الله

[مجاديف الزمن]

انا مع الاخت مس يويو لكن الحمدلله على كل حال حملت المره الثانيه وعمر ولدي سنتين لاني كنت مابغى يكون بينهم فرق كبير لكن الله مااراد ان يتم حملي والى الان ماحملت ..الله يعوضني خير ..

[أصآآيل]

انا اشوف انه لازم يكون بينهم فرق شوي منها تاخذ الام راااااااااااحه وتربي الاول شوي وتهتم فيه وبعدها تفكر في الثاني اما انا زوجي اصر علي بعد بنتي الاولى اني اترك الحبوب وكان عمرها تسعه شهووور وحملت وجبت بنت واصر مررره ثانيه اني اترك الحبوب وعمرها سته شهور والحين صار عمرها سنه ..ولو علي كان لسى على المانع لكن ماباليد حيييله ...

[غموض الكون]

والله الي أشووفه
ترتاح بعد م تجيب الاول مده 3 سنين
بعدها تفكر تجيب الثاني
الله يهون علينا يارب

[حلم$]

انا من رايي وراح امشي ع هالنظام انواجيب البيبي الاول وبعدها
ارتاح ست شهور واحمل علشان اجيبهم وراء بعض وارتاح بعدها 4 سنوات
كذا افضل

[Miss YoYo]

انا ما افضل الحمل الثاني يكون قبل مايكمل البيبي الأول سنتين
لآزم ياخذ حقه رضاعه ورعايه بعدين الثاني
صعبه تركزين على طفلين في وقت واحد
هذا من وجهة نظري

[« خ ـجل »]

من رأيي أني أجيب اثنين ورأ بعض فيه ظلم للطفل اولا واللام ثانيا

أنا من ناحيتي بنتي تكمل سنتين ونص ومع 9 شهور فترة الحمل تكون مكمله 3 سنوات وكم شهر

[MEH]

أنا كانت فكرتي يكمل ولدي سنتين
وبعد تفكير اتخذت قرار اني اترك المانع واحمل عشان اجيبهم ورا بعض
بس ربي ماكتب عمر ولدي الحين سنه وشهرين