هذا ماحدث معي يوم الجمعه شورو علي ياهل الخبرة وادعو لي يامؤمنات

[تعبت أستناك]

بسم الله الرحمن الرحيم

السلام عليكم ورحمة الله وبركاته

يوم الخميس بالليل كنت جيعانه شوي .. اكلت كورسون وجلست اتابع بالتلفزيون لين الصبح ونمت جيعانه مافيني اقوم اسوي شي

تقريبا نمت على الساعه سبعه ونص ثمانيه ونص ما اعرف .. المهم على 2 ونص مكنت شبعانه نوم حاسه بتعب بس زوجي صاحي قلت خل اجلس معه حرام ونطلع نتغدى وامشي شوي

المهم قررنا نطلع نتغدى وقبلها مشيت حالي بتمرتين المهم اول مجا لاكل اكلت شوي الا احس بتعب مو طبيعي ماقدر اوصفه لكم
ثقل براسي وعروق يدي برزت مرة مرة قلت شكل ضغطي طالع برغم ان الجوع ينزله لكن لاني بالحمل يطلع معي الضغط بس يوصل الى الميه وخمسين اعلى شي ويكون مثلا 150 على 80 مو متذكرة بس مرة او مرتين حصل معاي كذا

بس بالغالب يكون 130 ، او 140

المهم قلت لزوجي ابي امشي قال كيف وانتي كذا قلت اجل خل امر اشيك على ضغطي وامر عيادة والاقي الضغط واصل 170 على 120

يالله يابنات حسيت الدنيا توقفت بعيني

الجنين بخطر الان

للاسف الخوف يزيده قمت اخذ نفس واهدى عشان اعيدة ونزل شوي بس مازال عالي معناتة الدم قاعد يضخ بسرعه

عادوة كذا مرة مازال عالي

خرجت من عندهم للطوارى الولادة الله يجزاهم خير ماقصرو معي حسوني موقاادرة اجلس او ارفع راسي
نمت على السرير وكل شوي يعيدونه وجات الدكتورة كشفو على النبض وشافت الرحم قالت مفتوح شي بسيط بس مقالت كم قاهرتني

المهم قاسو الضغط سبع ميه مرررررررة كل شوي طالع لا نازل لا طالع وعلى هالحاله

حطوني بالتنويم بالطوارى وقالت انسدحي ولاني بكريه جابت شريط تحتي وانا مو فاهمه الهرجه قلت وش ذا قالت ابي اشوف قلب الجنين وخلوة وقت مدري شكثر ساعه ونص يمكن وكل شوي يعيدوالضغط لين تاكدو انه نزل والجنين الى الان كويس الحمد لله

خايفه اخسرة لان عندي اجهاضين سابقين يارب عطني الصبر

قالت الان تخرجين بشرط اقل شي كل يوم تشيكين على الضغط لان لو خليتك بالتنويم عندنا راح تتعبين قلت لها اقدر امشي قالت لا لا انتي بس ترتاحين

طيب كيف ما امشي والمشي مهم ومفيد للحوامل ؟؟؟

زوجه اخوي تخبرني ان الولادة الي مشت بها واجد ماتعبت

اصلا انا ظهري تعبان عندي انضغاط بالعضلات والعصعص فيه شي زي الشرخ يعني لو مامشيت الان وقت الولادة مابيساعدني

امس رحت قضيت اغراض وحسيت بتعب قلت بقيس ضغطي لو طلع معاد بتحرك والشكر لله لقيته كويس برايكم استمر امشي واطنشها ؟؟

( انا على حسابي لي بالتاسع 5 أيام )

احس الحكومه مو مهتمه كثير لان الدكتورة قالت طول الحمل ضغطك يطلع مايهتمون فيك ليش بعلاج؟؟

قلت الي اتابع عندها كل همها تشوف الاجسام المضادة الي عندي اما الضغط قليل ماتهتم فيه استغربت هي مررررة

ابي اتابع عند دكتورة على حسابي بهالشهر لاجل لو لاقدر احتاج توليد بدري تكون معي بالصورة بس انا ماعندي تامين وتقريبا

اغلب المستشفيات تبي ذيك القيمه من غير الولادة والتنويم وبنفس الوقت ابي دكتورة كويسه مابي الي يتعلمون علي فمدري وين اروح؟؟؟

انصحوني امشي والا لا ؟؟
وبنات جدة وين اتابع عند وحده كويسه ومو غاليه تكون ؟
والي ماتعرف تدعي لي وترفع الموضوع

[" قلب غيث "]

الله ييسرلك حملك وولادتك يارب ..

انا ما اقدر افيدك لان مادام قالت ما تمشي لا تمشي ماني عارفه صراحه
وبنت خالتك صادقه انا مشيييييييييييت لين قلت امين وبان المشي الي مشيته بولادتي ..
أكيد المشي زين للحامل طيب استني اسبوع راحه بعدين امشي ... ^^

رفععععععععععع

[تعبت أستناك]

الله يرفع قدرك ويريح بالك

انا طول الحمل كنت ماشتغل وجايبه شغاله عشان ماسقط يعني خربانه مافيني قدرة اسوي شي كيف بالولادة بيكون لي قدرة لو مامشيت

[أم ريـم]

رفففففففففففففففففففففففففففففففع

[زهوري]

شوفي أختي انا عندي الضقط مرتفع ومنعتني الدكتوره من المشي انا اتابع في مستشفى
المواساه بالدمام عند الدكتوره حنان بس صحيح قبل كنت امشي وكنت اتعب حتى الطلق جاني وتعبني كثير بس لمن ارتحت مامشي الحمد لله ارتحت

[شموسه]

الله يهون عليج

ينتقل للقسم المناسب قسم المستشفي للافاده

[أريج العطر]

الله يقومك بالسلامة

[تعبت أستناك]

زهوري الله يشفيك ويشفيني ويحفظ لنا حملنا يارب

[تعبت أستناك]

الشكر لكل من رفع الموضوع او دعى لي

الاخت المشرفه موضوعي مكان مركز على وين اتابع بس لاجل يتم نقله لهالقسم الموضوع الاساسي هل امشي وانا بالهالشهر التاسع والا فعلا علي خطورة فكنت ابي الاخوات الي عندهم خبرة يرشدوني جزاكم الله خير جميعا

[غلاامي]

الله يتمم لك حملك على خير يااااارب ولازم تروحي مستشفى ثانيه غير الحكومي اقلها تشوفي ايش يقولو لك