قصة ولادتي ب دندونتي .."

[فدوى عيونه]

السلام عليكم ورحمة الله وبركاته

كيييفكم ..*

بعد مافضييت قررت اقولكم قصة ولادتي ببنتي .. طبعا هاذي ولادتي الاولى*

فالبدايه اول ما دخلت الشهر التاسع وخذت منه اسبوع كان عندي موعد .. كشفت عليي الدكتوره وقالتلي تبين اوسعلج ! انا غبيه ما اعرف شو السالفه هههه قلتلها وسعي لووول .. بعدها بدا ينزلي دم صار تقريبا 10 ايام واحس الم في ظهري وبطني يروح ويجي .. سرت المستشفى وسوولي تخطييط وطلع عندي طلق والرحم 2 ونص << اصلا هو من اول التاسع 2 سم وبعد التوسعه صار 2 ونص ..

قالولي في ولاده بس يمكن تطولين يووم كامل .. بعدها رحت البيت .. بعد يومييين عقب الاحم احم هههه اكيد فهمتوا ما يبيله شي لووول
*رحت عند حماتي اخت زوجي وشوي احس شي نزل وطوااالي ع الحمام ههههه شفت ماي نزل بس مو وايد يمكن قد كوب الماي .. وشوي بعد دقيقه نزلت نفس الكميه وكل ما امشي خطوه ينزل ماي .. زوجي كان حاضر عررس صديقه .. قلت حرام اخرب علييه هذا الساعه 10 المساا << مع العلم انه ما في وجع بس الماي نزل ..

رحت جهزت شنطتي وشنطة بنوتتي وسبحت بعدها اتصلت ل زوجي قلتله تعااال بولد قال يمكن نفس قبل امس مافيه ولاده خخخخ ..

قلتله هالمره اكيييد هههه .. رحنا المستشفى الساعه 11 لما كشفت الدكتوره طلع كل الماااااي حسيت شي انفجر وقالت 2 سم الحين فالبدايه قال لها زوجي من اول التاسع 2 سم وانا الحين ف 20 يوم من التاسع .. قالت بتولد لازم لانه نزل الماي واحتمال تولد بكره الصبح واذا ماولدت بنعطيها طلق صناعي ويمكن تولد الظهر .. هذا الكلام 11 المسا ..
سوولي تخطيط ومابيين الطلق وانا انحبطت ..
بعد ما طلعت الدكتوره جاني وجع مش طبيعي .. حسيت فيه كل دقييقه .. زوجي راح البيت قلتله لاتقول ل حد مابي اهلي ولا اهلك يعرفووون ما احب ازعاج التلفونات هههه بس للاسف اخو زوجي شافنا طالعين وقال ل زوجته عقبها طرشتلي مسج هاا خير ليش طالعين هالساعه بس انا طااف ماردين ههههههه << كنت قبلها بساعتين قاعده عندهم ومثل الغزال ماحطوا ف بالهم يمكن اولد هههههه

المهم زوجي راح البيت يجيب كم شغله اول ما وصل المستشفى انا موجوعه بكسر مقبض السرير من كثر ما اشد فييه وهو جايبلي الاي بااد .. يقوللي تسلي لين تولدين .. عن الملل

عبيييييييييييييط انا اموت وجع وهو يبيني اتسلى فالاي باد هههههه صدق انهم مايحسووون عبالهم ب الساااهل يجي البيبي لوووول .. رميت الاي باد عليييه ودخلت في موال البكاء هههههه ..*

السااعه 1 جات الدكتوره قلتلها وجععع ما اتحمله الي ابره *تخففلي الوجع .. عطتني الابره .. ابره عجيبيبه تجيب النعااااس .. ههههه والله ما اصحى بس ع وجع الطلقه لووول .. المهم جت الساعه 3 وطبعا من الساعه 11 محد كشف عليي يقولون بطول 2 سانتي ومافي طلق*

حسيت اني ابي الحمام ابي الاحم الصغيره والكبيره خخخخخ << مب لازم اقولكم قلت ل زوجي وصلني الحمام .. حاولت اجلس ع السرير ما قدرت والله الابره تنومني .. جالسه ع السرير ومغمضه عيوني .. زوجي شالني والله كسرت ظهره هههه لين وصلت الحمام .. حاولت فالحمام انه اظهر الاحم الصغيره ما طلع شي والكبيره نفس الشي .. احس في شي يدفع يبي يطلع بس ماعرف شو هو ..

طلعت من الحمام قلت لزوجي والله شي بيطلع *وانا اصييييح .. راح نادئ النيرس .. قا لها تعالي جيكي كم سانتي .. قالت بعد ساعتين بشوورف .. من 4 ساعات شفته كان 2 يعني مطوله ..

قال لها شو بتخسرين انتي جيكي وخلااص .. يوم كانت تجيك انا حاطه ف بالي 3 سم قلت مابي اتحطم .. شوي الا النيرس تصرخ عليهم تعااااالوا ولااااده جيبوا كرررسي بننقلها لغرفه الولاااده << مسوده الويه كانت ماتبي تجيك علييي ع كيفها هي ..

ونحن ف طريقنا للولاده زوجي يقول لاتصرخيين مثل الي سمعناهم يصارخون فالولاده بلييييز << بصراحه كنت ميته خوف من الي ولدوا قبلي انا موجوعه واسمعهم يصارخون والسسارات من صوب يصارخون ..

دخلوني الولاده قالولي دفي من تحسين بالطلقه .. ادف وفي نفس الوقت عيوني تسكر ابي اناام من الابره .. عطوني الاكسجين حسيت ما منه فايده لانه من الاساس انا نعساانه .. دفعت كم مره وطلع الراس وجااان ارتاااح قالتلي بعد ارفعي باقي الجسم قلتلها اسحبيه ههههه قالت مايصير <? والحمد لله ماكنت اصارخ كنت اطبق الي يقولونه حقي .. زوجي عندي بس يوم شافني اتوجع وقف ورا الستاره وسكر على اذونه هههههه*

دفت مره ثانيه وطلع الجسم وجان ارتاااح .. جا احلى دانه فديتها انا .. نظفوها وصورها وجابولي باقه ورد قلتلهم متفيجيين ابي بنتي انتوا فاضين تصورونهر قالوا بنعطيج صوره لها ذكرئ من المستشفى ماعندهم سالفه ههه ..

بعدين جا هم الخياطه .. بصراحه الولاده اهون من الخياطه هههه*
بعدها اتصلت ل امي ع طول حليلها زعلت لاني ما اتصلت لها وما حضرت ولادتي ..

والكل انصدم قالولي ماتوقعنا انج تولدين كنا جالسين معج وما كان فيج بوادر ولاده ههههه*

المهن اني ولدت وخلااص

و الحين نسيت الولاده والخياطه هههههه ..
للحين باقي 5 ايام وبتكمل بنتي شهرين من الولااده ..

وهاي قصتي ف ولادتي ب دندونتي ..



ادعولي احمل ههههه*

[فدوى عيونه]

سوووري لاني طولت عليكم ..

واسمحولي ع الاخطاء الاملائيه لاني داخله من الاي فون

^^

[شغف]

حمد الله على سلامتك

تتربى بعزك ياقلبي

[أم ح ــنونـہ]

مبرووووك حبيبتي
والحمد لله على سلامتك
وتتربى بعزكم ان شاء الله

[احلى من العسل]

ههههههههههههههههههههههههههههههههه
وهو جايبلي الاي بااد .. يقوللي تسلي لين تولدين حلووووووووووووووه بس لايعيدها المره الجايه هههههههههههه الففففففففففف مبروووووووووووووووككك والحمدلله على السلامه

[GoGe]

حمدلله على سلامتك وعقبالنا يارب جميعا وتتربى فى عزكم

[حبي]

الف الف الف مبروووووووووووووووك
وتتربى في عزكم

[mlaak]

الف مبروك والحمد لله على سلامتك

[ام اسكندر]

الف مبروووووووووووووك
والحمدلله ع سلامتك

[غنج أنثى]

الحمدلله ع سلامتك وتتربى بعزكم وربي يحفظها لكم وعقبالي وعقبال كل الكروشات


لكٍ ودي وردي