السلام عليكم ورحمة الله وبركاته
تسلمو يابنات بارك الله فيكم والله ماني عارفة كيف اشكركم على تشجيعكم وكلامكم اللي ترد للقلب الروح
والله يابنات ما اخفي عليكم انا شعري ماشاء الله كتيررر طويل بكل عيلتي شعري ان الاطول وحتى هنا ماشفت حدا شعرو طويل متلي كلهم بقصو قصير وبتعرفو الاجانب مايطولو شعرهم المهم كنت افردها وين ماروح وكنت جد احتقر نفسي لما اسمع تنين شباب يحكو لبعض هي شعرها كتير حلو كنت استحي من نفسي بجد طبعآ يحكو لبعض وانا اسمع
فكرت انا هل دنيا متسوى ولازم نفكر بـ الاخره ومانكون انانيين الله يعطينا جمال و مش يلي رايح وجاي يشوف هل جمال ويحكو حلوة او شعرها حلو والله مبارح لما جا زوجي واستقبلته بـ الحجاب
ما بقدر اوصف لكم شعوره هههههه قلي ماشاء الله لاحول ولاقوة الا بالله الله يهدي الجميع والله انك طالعة متل القمر بـ الحجاب وفي الاول ماطلبت ولا ضغطت عليكِ لان الحجاب لازم من نفسك تكوني بدك مشان تلتزمي فيه اما لو ضغطت عليكي وانتي مابدك الحجاب فا كنتي يوم لبستي وعشرة شلحتيه والحمد والشكر لله جا منك وانتي لبستيه من نفسك
والله يابنات امبارح لما اجا زوجي قلي يلا لبسي نروح عاطول على بيت اهلك وبس نرجع بتغدا كان جاي تعبان من شغل من فرحة مدري كيف وداني لبيت اهلي يشوفو اني اتحجبت امي صارت تبكي وابي يقول الله يهدي الجميع خير مافعلتي يابنتي ورحت بست راسه وبست يد امي والله فرحانة كتير طبعآ تعليقات اخواتي شباب علي ييييي متغيرة يييي ياحجة نيروز هههههههه طبعآ مزح الله يهديهم
المهم يابنات اليوم رحت للجامعة واجيت بكير طبعآ تقولو متل مية باردة انكبت على طلاب يعني يلي بيعرفوني انصدمو وفمهون انفتح مترين والعيون طلعت لبرا وكلمة هااااااا اتحجبتي يانيروز
طبعآ مو الاجانب يلي انصدمو محا سمي بعض بنات من دول عربية ماشجعوني الله يهديهم بلشو بلمسخرة والكلام اللي يضيق النفس والله يابنات الاجانب رحبو بهل حجاب اكتر منهم
وربي هل بنات مدري وش فيهم الله يهديهم حاطين حلق بـ اسفل شفتهم وفي حواجبهم يعني حاطين حلق بكل مكان بوجهم على اساس موديل ولا البنطلون المشقشق لاحول ولاقوة الا بالله
رحت على الحمام وبكيت وماكانت توقف دموعي
كتير انقهرت اجو كم بنات اجانب مسحولي دموعي وربي حضنوني وقالو لاتسمعي كلامهم وانتِ قررتي شي لاتتنازلي عنه وتعرفك قوية المهم نصحوني روح للبيت ارتاح اليوم والاثنين ارجع للجامعة واجيت الحين وقلبي مقهور وربي كتير مقهورة بس مارح احكي لزوجي شي لان بخاف يروح يعفس كل وحدة هنيك بسيارته والله
انا مبوسطة بحجابي ويلي مو عاجبه الله يهديه وبس
انا مسلمة انا بفتخر بديني وبحجابي ومايهمني بهل دنيا غير رضا رب العالمين ورضا الوالدين ,,
تحياتي لكم واسفة طولت عليكم بس حبيت احكي يلي بقلبي مالي من بعد الله غيركم بهل منتدى