دردشة حوامل أهل قطر - دردشة بنات قطر - تجمع حوامل قطر

[Mss Hassan]

حرم المالكي
وينج حبوبتي
مالج حس عسى ماشر عسولتي ؟
فقدت عدوج

[حرم المالكي]

مس حسن ان شاء الله ماتفقدين غالي.

انا هوووون بس انشغلت شوي ضغط في الشغل..

بديت اتسوق للبيبي من مذركير و كارترز و الراشدي.

خدت لي جلابيات خفاف من بانتيــن - سوق الجبر..

و كنت في الحسا من يومين خذت لي قميصين ولادة حق الاستقبال في المستشفى..

و بس هاي اللي سويته في هاليومين :)

الله يحفظه علاااوي ريل بنتي

[Mss Hassan]

بعد البي انتي 
الله يعينج 
زين الحمدلله انجزتي هاليومين
عقبال باقي الاشياء يَ رب 
ويحفظج سُكرتي
فديتها مرت ولدي ربي يخليها و يفرحج فيها يَ رب 

[حرم المالكي]

صباح الخير حبوبأات شخباركم?

[Mss Hassan]

مساء النور حبوبتي
تمامووو انتي شخبارج ؟
واخبار البيبي ؟

ماتوقعت بتشبكين يوم الجمعه لان مافي دوام
فـ مادخلت الصبح

[Mss Hassan]

جوري قطر
حبيبتي وينج مابينتي هاليومين
وحشتينا 

[ام هنوف]

هلا والله وغلا با اهل دار بومشعل ... مكانكم في القلب ... وانا من اهل قلب بومشعل الكبير بس متغربه عن دياره ... الله لايكتب على احد هذي الغربه .... الصراحة تجمع حلو وان شاء الله الله يوفق الجميع ... ويجمعنا على الخير ... واتمنى اكون وحده منكم ... وارجع الى قلب بومشعل ونتجمع على الخير والحب دائماً..

... بنت قطر ام الهنوف ...

[جوري قطر]

رجعت لكم بعد غيبه ؛ فديتج يامس حسن ، كنت مزكمة وتعبت شوي لانه الوحام والزكام اجتمعو ، بشروني عنكم اخباركم ؟؟ ، بنت بلادي ام هنوف هلا وغلا حبيبتي نورتي المنتدى والله يهون عليج غربتج ان شاء الله ويشرفنا وجودج

اختكم جوري قطر

[Mss Hassan]

ام الهنوف ؛

ياهلا فيج حبوبتي نورتي الدردشه ...
ربي يعينكم على الغربه و ان شاءالله تمر الايام بسرعه
وترجعين تنورين البلاد
ويوفقج فديتج 
اللهم امين 
نورتينا عسوله و وجودج معانا يسعدنا وايد 
حياج الله بينا و المكان مكانج 
وترجعين بالسلامه يَ ربي 
عرفينا عليج فديتج 

... بنت قطر ام الهنوف ...

[Mss Hassan]

جوري قطر ؛

ولكم باك فديتج 
افداج حبوبتي ماتشوفين شر غلاي
على اجر يَ رب 
و شلونج الحين ان شاءالله احسن ؟
الحمدلله بخير قاعده اتعود على حياة الامومه 
وتمللت من النفاس ههههه
الله يعينا 