تجمع مرضعات من جديد بعد أنقطاع ( خبرات وتجارب ودعم )

[shmooe]

السلام عليكم ورحمة الله وبركاته

الأسم : shmooe شموع
اسم الرضيعه : نورة
فترة الرضاعة الطبيعية : 4 شهور
فترة الانقطاع عن الرضاعة الطبيعية : 3 شهور
سبب الأنقطاع : ضغوط نفسية جعلتني اصدق بأن حليب صدري غير كافي .
الطرق المجربة :
- الدعاء
- شرب الاعشاب المدرة للحليب لمدة اسبوع ( الحلبة - اليانسون - الحبة السوداء - ماء زمزم )
- عصر الثدي وشفطه لزيادة ادرار الحليب .
- التدليك
- شرب السوائل .
- بعد الاسبوع تجربة رضاعة ابنتي كانت تبكي وتركل .
- خففت تركيز الحليب الصناعي لفترة .( 3 ايام )
- قطع المنكهات في الأكل من ملح وسكر وغيره ( الاهتمام بالأكل والحرص على ان تاكل اغذية سائله كي لا يصيبها امساك )
- وضع لمسه بسيطه من العسل او المربى او ملعقة ماء مع ملعقة حليب صناعي بطرف الاصبع على حلمة الصدر
نتيجتها رضاعة ابنتي لنصف دقيقه .
- مع الاستمرار ثلاثة ايام على هذا الوضع
- لمدة يومين والى تاريخ نزول الموضوع رضعت مني بدون عسل او مربى.
- تم الاكتفاء برضعه واحده صناعي عند النوم .

سبب كتابتي للموضوع احساسي بحاجتي للدعم والمواساة والتشجيع من مرضعات مرو بمثل تجاربتي
فليكن هذا الموضوع تجمعا لنا .. كل من ارادت ولو بصيص امل .. ليعود طفلها .. بين حناياها ..
معا .. ضد .. الحليب الصناعي ..
اكتبي هنا ..
تجربتك ... وحيااك الله بين اخواتك ..

كما اتمنى لمن لدية الخبره التصويب والتوجيه فنحن ليس لدينا سوى اجتهادات وتجارب وربما نصيب وربما نخطئ .

[ام محمد3]

موضوع نافع جدا الله ينفع بيه كل من قرا
سؤالي هل كنتي تخلطين الاعشاب ببعضها فإذا كان هذا فكيف؟

[كيداهم]

انا مشكلتي ان بنتي كانت ترضع اول ما انولدت حليب قنينه وعقب قمت ارضعها طبيعي وحاولت اعودها على الاثنين بس مارضت
لحد الحين عمره ست شهور وهي ما ترضى تشرب الا طبيعي حتى ماتعرف تمص الرضاعه وانا انحرج اذا طلعت برى او زيارات عند حريم وكذا واذا مرضت تعبت معها اللي عندها اقتراح يخليها تشرب من الرضاعه يسوي خير

[shmooe]

المشاركة الأصلية كتبت بواسطة ام محمد3

موضوع نافع جدا الله ينفع بيه كل من قرا
سؤالي هل كنتي تخلطين الاعشاب ببعضها فإذا كان هذا فكيف؟

حياك الله ام محمد انا كنت احط ملعقتين حليب وملعقه حلبه وملعقه يانسون
اسوي لي ثلاجه واشرب فيها طول اليوم الحلبه اخذت حلبه يمنيه جبليه يجي لونها اخضر ريحتها اخف وطبعا لازم تسبح مرتين ثلاث عشان الريحه .

الحبه السودا قد ملعقه صغيره اكلها بدون شي .

حياك الله وخبرينا بتفيد معاك هالاعشاب مثل ما فادت معي ولا لا ..
الله يكون بعون الجميع

[shmooe]

المشاركة الأصلية كتبت بواسطة كيداهم

انا مشكلتي ان بنتي كانت ترضع اول ما انولدت حليب قنينه وعقب قمت ارضعها طبيعي وحاولت اعودها على الاثنين بس مارضت
لحد الحين عمره ست شهور وهي ما ترضى تشرب الا طبيعي حتى ماتعرف تمص الرضاعه وانا انحرج اذا طلعت برى او زيارات عند حريم وكذا واذا مرضت تعبت معها اللي عندها اقتراح يخليها تشرب من الرضاعه يسوي خير

اختي انا بعد كان قصدي اعودها على الصناعي وقت الطلعات ووقت النوم
خاصة ان كان وراي دراسه لكن حصل الي حصل وتركت صدري ..
ما باقي شي بنتك تقريبا شهرين وتتعلم على الكاسه او اذا لابد من انك تعلميها على الرضاعه استخدمي الحلمة نفس شكل حلمة ثدي الام




تو شفتها بسنتر بوينت ب 45 ريال

واصحك تحطي فيها حليب صناعي لانه والله فخ
يحبب الاطفال بطعمه والنتيجه يترك صدر الام تدريجي
اشتري شفاط واشفطي لها
بالتوفيق اختي

وخلونا نسمع ارائكم بنات ...

[ام محمد3]

اني البارحه غليت ملعقه كبيره حلبه مع نصف ملعقه حبه سودا في لتر ماء وحطيتهم بالبراد وبشرب منهم كل كم ساعه واحس ممكن شوي بدا يزيد الحليب او هذا بس شعور نفسي مااعرف بالضبط وقررت ان شاء الله اجرب هذه الخلطه اسبوعين الى ان اشوف النتيجه
بالنسبه لخلطتك ملعقتين حليب بودره ولاشو
واشرب الشمر دائما والينسون والكراويه احيانا اخلطهن واحيانا كل وحده على حده وان شاء الله يكون في نتيجه طيبه

[يُتم]

اخواتي ابي مساعدتكم الله يخليلكم اللي تحبون

ودي ارضع ولدي طبيعي ولي كم يوم احاول فيه حتى ما يبي يقرب على طول يبكي ويصارخ وما يسكت واذا تعب ينام وانا ما اعطيه صناعي واذا قام من نومه ما يخليني اتحرك يبكي يبكي لين صوته يروح والله اني اموت وابي ارضعه طبيعي متعذبة من المرض كل شوي يمرض بسبب قلة المناعة الله يستر عليكم بسالكم هل في وحدة رضعت طفلتها او طفلها بعد 5 اشهر وايش هي الطرق او الخدع للطفل والله عجزت ببكي واللي طفلها يشرب طبيعي بالله عشان صحه الطفل لا تحاولوا بالصناعي عشان ولدك عشان ولد عشان ولد اكررها والله مافي احسن من الطبيعي واللي تبي تعود النون على الرضاعه والطبيعي تعطي النونو مويه زمزم او اي مويه صالحة للشرب بالرضاعة والطبيعي من صدرررررك لا تخلييه يترك يصدرك ويروح للصناعي والله تندموا مثلي

[shmooe]

المشاركة الأصلية كتبت بواسطة ام محمد3

اني البارحه غليت ملعقه كبيره حلبه مع نصف ملعقه حبه سودا في لتر ماء وحطيتهم بالبراد وبشرب منهم كل كم ساعه واحس ممكن شوي بدا يزيد الحليب او هذا بس شعور نفسي مااعرف بالضبط وقررت ان شاء الله اجرب هذه الخلطه اسبوعين الى ان اشوف النتيجه
بالنسبه لخلطتك ملعقتين حليب بودره ولاشو
واشرب الشمر دائما والينسون والكراويه احيانا اخلطهن واحيانا كل وحده على حده وان شاء الله يكون في نتيجه طيبه

ما شاء الله ام محمد ممتاز ... استمري ..

انا عشان ما احب طعم الاعشاب لازم اخفي الطعم فا احط ملعقتين حليب بودرة وهو بعد مفيد ..

احيانا ( حليب - حلبة - ويانسون)
او
( حليب - يانسون )
او
( حليب وحبة سودا )

نصيحه عشان يصير اسهل للجميع سوي هالاعشاب في الصباح مع الفطور ..

[shmooe]

المشاركة الأصلية كتبت بواسطة يُتم

اخواتي ابي مساعدتكم الله يخليلكم اللي تحبون

ودي ارضع ولدي طبيعي ولي كم يوم احاول فيه حتى ما يبي يقرب على طول يبكي ويصارخ وما يسكت واذا تعب ينام وانا ما اعطيه صناعي واذا قام من نومه ما يخليني اتحرك يبكي يبكي لين صوته يروح والله اني اموت وابي ارضعه طبيعي متعذبة من المرض كل شوي يمرض بسبب قلة المناعة الله يستر عليكم بسالكم هل في وحدة رضعت طفلتها او طفلها بعد 5 اشهر وايش هي الطرق او الخدع للطفل والله عجزت ببكي واللي طفلها يشرب طبيعي بالله عشان صحه الطفل لا تحاولوا بالصناعي عشان ولدك عشان ولد عشان ولد اكررها والله مافي احسن من الطبيعي واللي تبي تعود النون على الرضاعه والطبيعي تعطي النونو مويه زمزم او اي مويه صالحة للشرب بالرضاعة والطبيعي من صدرررررك لا تخلييه يترك يصدرك ويروح للصناعي والله تندموا مثلي

اهلين يتم كنت منتظرتك .. :)

تعالي جربي معانا .. وان شاء الله بنحاول مع بعض وبننجح بأذن الله

انا قطعت الرضاعة الطبيعية عن بنتي ل 3 شهور وبنفس السبب الي خلاك تتركين الرضاعة .. حسيت ان حليبي مو كافي وخاصة اذا حسيت ان صدري فضى وهي لسى جعانة وبالتدريج جاء اليوم الي اشوفها تبكي بس لما تشوفني طلعت صدري ..
ما تتصوري ايش شعوري بذاك الوقت ..
حسيت ... ما اقدر اوصف لك ايش حسيت ..
حسيت ان هي فطمتني مو انا فطمتها ..
حسيت بالرفض ..

شوفي جربي الخطوات الي سويتها وكتبتها بأول الموضوع وكوني صبورة وقوي قلبك على الصياح والدموع ..
فترة وبتعدي ..

غيري الرضاعة الى شكل الرضاعة الي حطيتها فوق او اذا ما قدرتي غيري الحلمة وخليها مقاسها صفر وهذا شي مهم عشان هالمقاس يعود الطفل على الاندفاع القليل للحليب زي صدر الام .

واشربي معانا هالاعشاب لمدة اسبوع على الاقل .

لحد هنا يكفي سوي الي كتبته عشان ما اكثر عليك وارجعي لنا قولي لنا ايش صار معاك .
حياك الله .

[يُتم]

مشكووورة يا قلبي ان شا الله اجرب واعطيكم خبر