مرحبا سؤال عن هدايا المواليد والعروس

[ميمي الاموره]

بالنسبه لافكار المواليد انا سويت لنفاسي حركه جديده خليت الهدايا بدل ماهي لون واحد ازرق ولا وردي ولا بيج جمعتها كلها بهديه وحده وطلع شكلها مرره حلوو وغريب وغير متعارف عليه سويته عند حرمه اخترت الاشكال والالوان وهي ضبطت لي زي ماابي حتى نوع الشوكلاته اخترته وهي جابت لي كل شي قبل يومين جبت حقاتي من عندها اذا تبين رقمها ارسلي لي على الخاص اخاف المنتدى يرفض انشر رقمها وعلى فكره انا من الرياض



اما بنت عمك سوي لها حفلة توديع العزوبيه جيبي لها كيكه على شكل عروسه
او كيكه بيضاء على راحتك بس اغرب الكيكه العروسه واكتبي عليها
((باي باي عزوبيه))
وسوي لها زي التاج تلاقينها بابو ريالين بالعاب الاطفال انواع الاشكال وركبي عليه تل ابيض طويل موغالي المتر ب 5 ريال وسوي لها زي المفاجاه لاتدري هي
وتكونين مجهزه شريط او سي دي فيه زفة عروسه خلي احد يشغله والكيكه والطرحه تجي بنفس الوقت مرررره راح تنبسط بالحركه لانها بتكون مفاجاه

انا سويت هالفكره لاختي ومرررره انجنت من الحركه وجلست تصيح من قوة الفرحه وكنت عازمه صحباتها وماكانت تدري انه هي لها الحفله قلت لها بس جمعة بنات

بشرينا وقولي لنا اذا سويتي الفكره وش موقفها يوم سويتي الحركه