تجمع لحوامل شهر جمادى الأولى 1433

[قمر .]

سلام ياااخواتي الرائعااات

يسلموو ام رزان ع الوصفات
امي ماشوفها تستخدم شي غير الحلبه
بس ماشاء الله هي جسمها حلو يستحمل لانها من النوع الحركي ماتجلس ابدا الله يحفظهااا ..

انا بحاول احفظ اللي قلتي به واجربه واصير اول وحده من خواتي تجرب احب اكوون غير خخخخخ

بنات من مثلي حااسه بالم مثل الم الدوره لا اخف من الم الدوره يروح ويجي امس ماعرفت اناام منه ولما نمت حلمت حلووم مي صاحيه حلمت انوا سقطت ونزل دم وقصه ماليهااا اول من تالي
مدري ويش ذا الالم الله يعين بس
استذنكم بروووووح وبرجع

[أم رزاان]

بنات فية أحد زيي ولا أنا بس اللي معي هالحاله :(

رجووولي ويديني مررررررة منفووخة بشكل يخووف :(

يخف التورم وقت النوم ويزيد لما اجلس

وربي لما امشي احس فية شيء بيرج فيهم كانة موية ههههههههههههه

كان في حملي السابق يجيني التورم في الشهرين الاخيرين

بس بصراحة مو كذا :(

[أم رزاان]

هلا قمر

أذنك معك يالغالية
وبالنسبة للالم عادي إن شاء الله

بس حاولي ترتاحي وماترهقي نفسك
والبرنامج اللي أنا كتبتة برنامج بسيط ومافية اي تكلف
وبنفس الوقت مررررة مفيد وماراح ينقصك شيء

بس هم شيء الوحدة تنتبة من اموور وخرابيط اللبوسات
والتحاميل اللي من الاعشاب لانها تضر اكثر مما تنفع !
وتسمر المنطقة وتجعل رائحتها مقرفة !!!


بصراحة اكثر من مرة قريت مواضيع بنات
يقولوا اثناء الولادة حطي في الفوطة حلتيت والبسيها !!!

اية .. وبعد شوي خلي الدكتورة تكشف عليك عشان يغمى عليها من الريحة هههههههههههههههههه
ياقلبي أنا .. وربي ما اتحمل كذا !!
وغير كذا ماتخافي عالبيبي من ريحة الحلتيت وقرفها ؟!!!!

قسم بالله استغرب من بعض الوصفات وكيف بعض البنات يتجرأون ويطبقوها !!!!

[ريم11]

كيفكم كروشااااات

ام رزان كيفك اليوم ان شاءالله بخير..؟

متغربه اخبارك انتبهي لنفسك يالغاليه

سرووءة اخبارك الله يعينك على البيبي وتشوفينه سالم يارب

[ريم11]

ام رزان ابي اسالك صح توقيعي او لا

احسه غلط مدري ليه

اخر دوره كانت 11/8/1432 هجري

13/7/2011 ميلادي

كيف اعرف انا في اي اسبوع او كيف دخلت شهر زيكم؟؟

معليش على كثرت اسالتي وربي بكريه ماعرف كيف احسب..؟

[رنووومة]

أم رزان الله يكون بعونك على التنفيخ اذا كان الورم كبير بنصحك تحليلي زلال تحليل بول ولازم تراجعين الدكتورة مشان تطمني انو كله تمام باذن الله

[رنووومة]

ريم 11 هو بالحساب بيزيدو 7 ايام لاخر دورة وبيرجعوا 3 شهور يعني ولادتك بتكون 4/20/2012 انا دورتي قبلك بعشر ايام بتوقع انتي وسروءة نفس التاريخ

[أم رزاان]

ريم أنا بخير جعلك بخير ياقلبي

وهذا شريط حملك الصح يالغالية



يعني أنت الحين بالأسبوع الـ 25 و1 يووم

يعني كل 24 من الشهر الهجري تدخلي شهر جديد
وولادتك بتكون بإذن الله في 18 / 4 /2012 م
21 / 5 / 1433 هـ


رنووومة والله ياقلبي عملت تحليل الزلال الاسبوع الماضي
قالت الدكتورة كل شيء تمااام ومافي زلال

بس هالشهر اشوف التورم مررة زايد علي !
عندي موعد يوم السبت وبشووف الدكتورة ايش تقول

[رنووومة]

الحمد لله ام رزان اهم شي انك تخففين اكل الملح مشان ما يصير احتباس سوائل والله يكون بعونك

[أم رزاان]

يسلملي عمرك رنووومة
وربي ما اكل ملح بخاف من الضغط
الله يهونها من عندة يالغالية