دردشة حوامل أهل الرياض - دردشة بنات الرياض - تجمع حوامل الرياض

[ميمي الاموره]

المشاركة الأصلية كتبت بواسطة شموخ الكون

طيب اذا رحت عند العطار وش اقول له ؟
اقول له عطني اشياء النفاس
ولا لازم اقوله وش الي ابيه بضبط
المشكله اني ماعرف شي عن الاشياء الي تحتاجها النفاس علشان كذا
ياليت الي تعرف وشترت الاغراض تعلمني

احسن شي استخدمي هالنظام نظام فيافي الكل يمدحه مررره واختي مجربته تمدحه
بالنسبة لنظام يقسم فترتين
1- الفترة الاولى : ال 20 يوم الاولى في النفاس او ال 3 ايام في الدوره
2- الفترة الثانيه : ال 20 يوم الاخيره من النفاس او اليوم الرابع للدوره وحتى نهاية الدوره
ملاحظه هامه جدا : افضل نتيجه لهذا النظام يكون خلال النفاس مع ملاحظه ان الدورة الشهريه التي تلي النفاس مهمه جدا جدا .. ويجب الاستمرار عليه حتى 3 دورات وراء النفاس حتى يعطي النتيجه المرجوه بشرط الالتزام الكامل والصارم ..اما اذا تم تطبيق النظام بدون نفاس فيطبق 40 يوم مع بداية الدوره واذا جاءت الدوره التاليه خلال ال 40 يوم نقلب الايام ونلتزم بالنظام حسب الدوره واذا انتهت الدوره نكمل النظام عادي الذي كان قبل الدوره .. اي نطبق اخر 20 يوم .. مع الرجاء الالتزام بالنظام للدورات الثلاث المقبله
ملاحظه : اكثر الكلام خصوصا الكلام العامي نسخته من موضوع الاخت فيافي ... اما الاضافات التي اضفتها من عندي فستجدونها باللون الازرق.. وقد كتبت الموضوع بالعربيه الفصحى حتى تستفيد منه اخواتنا العربيات
اثناء الحيض او النفاس او العوارعليك تجنب الأتي:مهم جدا جدا عشان صحتك انتي مايكون عندك مشاكل دوره ولا التهابات
الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
الحوامض خاصه الليمون, لاباس بأكل برتقاله في اليوم ولكن بعد الشبع ( لاتكن حامضه )
الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي ويجب المحافظة على النظافة اليومية
المشروبات الغازية
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لكن لاتجهدي نفسك فوق طاقتها
العنب الحامض والرمان والكيوي والاناناس والمنجا
ممنوع الرياضه العنيفه اثناء النفاس او الدوره
ملخص النظام كله من أوله لآخره:
(((الايام الاولى)):يعني العشرين الاولى او ثلاث ايام الدوره الاولي
في الصباح وعلى الريق تأخذين مع هذا السفوف ( اللهوم ) بعد جمع نباتاته وطحنها وتأخذين منه 2.م.ك
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب
بعد ذلك تتناولين التالي:
تمر معبوط(وياليت تكون عجوه) + م.ك. سمن غنم او زبدة يطبخ على نار هادئه لمدة 10 دقائق ثم يضاف إليه حب الرشاد وهو ناشف بدون غسيل وكثري شوي او تستعيضين عنها بعصيدة التمر المحلاة وهي عباره عن( كوب تمر بدون النوى + 4كوب ماء) ثم توضع في الخلاط وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثل الباشميل يستغرق طهيها ساعة تقريباَ ثم تضيفين إليها فلفل اسود ,ممكن تعبينها في علب بلاستيك على كميات وتوضع في الثلاجه وكل ما بغيتي تأكلين تطلعين علبه وتحميها
بعد ذلك بنصف ساعه تقريبا الافطار وهو على رغبتك لكن ابتعدي عن المعلبات
بعد ساعه اشربي شاي الاعشاب ممكن تحليه بسكر نبات او عسل وانا افضل العسل الطبيعي وتأخذين منه مقدار 3.م.ك مع 3كوب ماء وتغليه وهو مكون من النباتات التاليه{ نصف كيلو ميرميه+ اعواد شيح+ نصف كوب كمون+ قليل من قشر قهوه+ نونخه+ دارسين او ماتسمى بالقرفه + يانسون} وممكن انك تضعين باقي المقادير التي لم احدد بقياس كوب من كل نوع.. ومن الممكن زيادة الماء اذا كانت مره .. واذا ذابت المكونات وقلّت اضيفي غيرها
بعد الغداء بربع ساعه عليك بمنقوع التالي:
في كوب ماء وسط او صغير( م.ك.عنزروت+م.ص.مره+ شوي محلب ..لاتكثرين المحلب بس نتفه) لانها تعمل كمهضم وملين وتنظف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه وقبل ما تشربيها بنصف ساعه طلعيها من الثلاجة.
فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق
(( الايام الاخيرة)):يعني العشرين الاخيره وثلاث ايام الاخيره
نفس تسلسلك بالادويه ولكن السفوف يختلف وهو مكون من {كوب حبه سوداء+ م.ك. قرنفل+م. ك قرفه + م. ك. فلفل اسود+ م.ص. محلب + فنجان كمون + م.ك. نونخه+ فنجان حبة حلوة(شمر)+ فنجان رشاد} تطحنين جميع المكونات ماعدا الرشاد
*استمري على التمر والرشاد والسمن لانه ينظف الارحام وهو مهم جدا للمرأه ينظف ويشد
*تستخدمين منقوعة العنزروت نفسها بس زيديها وزيدي كمية المحلب و زيديها شوي مباركة او ماتسمى بالصبرة
*تستخدمين شاي الاعشاب نفسه
تعملين كبو كل ليله وهو كبو الهواء وهو مكون من
{ خوا جوا+مرة+كمون+حلتيته+محلب+قشر + قشر بصل يابس من البيت وليس العطار+ هدب اثل+ فلفل هواء} وفيه حبوب صغيره حمرا يابسه مثل الخرز هذي شيليها مو زينه
استخدمي التحميلات من اول يوم او اذا بغيتي يوم وراء يوم وهي مكونه من {م.ك. مرة مطحونه+ فنجال ملح(اما فارسي او خشن)+ م.ك.محلب مطحون}
واعجنيهم بعسل قليل مع تبليل الاصابع بالماي حتى يسهل تكويرهم وشريهم في تيارات هواء بدون غبار لمدة يومين او حتى ينشفون وبعد ماينشفون احفظيهم في مكان جاف ومو شرط في الثلاجه.
الغداء والعشاء طوال النفاس
الغــــــــــداء:
ممكن مطازيز مع لحم +لوبياء
ممكن مقلقل لحم فقط مع خبز بر
ممكن مشاوي مع ايدام لحم بدون خضار او الخضار التالية( حبة بطاطس
لوبياء حمراء) خففي من الطماطم لانها حامضه
ولا بأس في الفاكهه بعد الاكل مثل تفاحه او برتقاله ( ماتكون حامضه)
تجنبي الموز لانه لزج
اذا جعتي كلي ماتشتهي نفسك إلا الممنوع ممكن شابوره بر
العشــــــــاء:
المجال امامك مفتوح الا الممنوعات اهم شي لاتجوعين
ممكن بعد العشاء تأكلين سلطه + برتقاله
هذا النظام الغذائي يستمر كل فترة الحيض او النفاس
* احرصي ان تضيفي الي اكلك الفلفل الاسود كذلك اللوبياء الحمراء مع المرقوق او المطازيز واذا عندك فقع ضعيه مع اكلك واعتمدي على البر لانه جدا مفيد
*بالنسبه للنظافه ممكن الاستحمام كل اسبوع
اما يوميا فتغسلي من الرقبه الي السرة بماء وصابون عادي وتجنبي وصوله الى المناطق
الأخرى
الغسول التالي لمنطقة المهبل وهو:
( ارطا يكسر+ يطبخ مع ماء + ملح فارسي ) تلاحظين لونه يتحول الى الاحمر لاتخافي عادي
ثم صفيه وضعيه في جركل وتوضئي منه يومياً
طريقة التبخر بالكبو
اذا جيتي تتكبين خذي من المخلوط مقدار ملعقتين كبار وحطيهم على الفحم ووقفي تحت المدخنه او ممكن تحطين المدخنه تحت كرسي مفرغ وتجلسين على الكرسي وبكذا يدخل الكبو
او بالحمام فوق الكرسي الافرنجي بس ضعي فوق الماء قطعة كرتون او قدر عشان مايكون الجمر فوق الماء مباشره والبسي بنطلون وشراب واذا طلعتي لفي نفسك بطانيه وتغطي فتره نامي لمدة ساعتين كذا
وبعدها يغيري بس لالاتتسبحين ابدا
غطي شعرك عشان ماتدخل الريحه
وهي كلها ايام بسيطه وانشالله تعدي
معلومه :لاتخافي اذا نزل معك مويات لأن يكون رحمك محتبس المويات ومع النظام ينظف انشالله
طبعا منقووووووووووووووووووووووول مع إضافات بسيطه

[بنت زايد]

يعطيك العافيه رورو مشكوره وماقصرتي قال بتكحلينها عميتيهاههههههههههههههههههه
ابي راي البنات بعد هاه وش اسوي

[احلى من الحب]

اهلين كرووشات اخباركم ان شالله تمام
ميمي الله يعطيك العافيه على هذا النظام صراحه رووووعه
الله يتمملكم على خير ان شالله
^_^

[ليمون حامض]

المشاركة الأصلية كتبت بواسطة ساااره

السلام عليكم ورحمة الله وبركاته /صبــــــــــــــاح الخيربنـــــــــات أنتم تكتبون مواعيدولادتكم هجري اوميلادي؟(ام هديل)الله يجزاك خيرأناأدري أنه قديم استغربت من اللي تقووول جديد!طيب تقولين يمدحونه>من ناحية ولاده والا مراجعة حمل؟لاني ماهمني المتابعة أهم شىء عندي الولادة والله يهون على الجميع,,,(ليمون حامض)من ناحية الشنطة روحي المعيقلية اذاكنتي تعرفينه فيه محل اسمه الصنات للشنط يبيعها ارخص من السوق وش تبغين الالوان؟والا روحي للشماسي.

يسلموا يسلموا المعيقلية إلا أعرفها لكن الشماسي وين كاين يكون (أين مكانه؟؟؟؟؟)أبي لون وردي وطقتها لأني حامل ببنوتة بأذن الله ومابقى على موعد ولادتي إلا هالأسبوع والجاي الله يعين

[ليمون حامض]

المشاركة الأصلية كتبت بواسطة ميمي الاموره

طيب مارحتي لـ f&f
انا شريت منه شنطة الولاده حقتي حلوه
والله واسعارها حلوه
جربي تروحين للسوق غرناطه ولا حياة مول
وشوفي الشنط الموجوده يتلاقين اللي يعجبك

مشكورة على الرد

[ميمي الاموره]

الشماسي في بطريق خريص بعد مخرج 13 وفي كذلك بطريق عبد الله بعد عمر السدحان

[ميمي الاموره]

المشاركة الأصلية كتبت بواسطة احلى من الحب

اهلين كرووشات اخباركم ان شالله تمام
ميمي الله يعطيك العافيه على هذا النظام صراحه رووووعه
الله يتمملكم على خير ان شالله
^_^

الله يعافيك
والله ابي لكم الفايده

[شموخ الكون]

مشكوره حبيتي ميمي ماقصرتي يعطيك الف عافيه
وانشالله يارب تولدين وتقومين لنا بالسلامه

[ساااره]

السلام عليكم بناات,وش اخباركم؟والنونوات؟أنا أسأل عن حساباتكم للولادة اللي تكتبونها هل هي هجري اوميلادي؟وكلامي لام هديل شىء ثاني انااتكلم معها عن م.رعاية الرياض,,,,,{ليمون}الشماسي محلاته منتشره واعتقدع طريق الملك فهد انتي وين ساكنه؟شرق غرب؟!!!عندك اسواق العويس فيها محل (الجارالله)وله فروع ماادري وين طلي عليه اذا معك وقت بس الصنات لاتفوتينه ماادري مسموح احط رقم تلفون المحل علشان الكل يستفيد!!!ردوا يامشرفات الله يجزاكم خير,,,,,واذاحابة تختصرين ع نفسك ترى هذا المحل له بضاعة في محلات شنط عاديه في الاسواق العادية والوانها حللللوه فوشي لكنه حلوماقدرت اقاومهاتجيك طقم تقريبا"4 بس انا خذت ثنتين والوان ثانيه والله استهوت الناس هالنوعيه انتي ردي علي.

[وعــــــــــد]

الله يبارك فيكم ويسلمكم يارب
مشكورين وماقصرتوا وعقبال كل الحوامل ان شاءالله
.................................................. .......
اللي تسأل عن ابرة الظهر اكثر من روعه بصراحه
بس لها اعر اض جانبيه مثل الصداع الشديد
وحسيت الم بظهري متصل على رقبتي لمدة يومين وخفت اني انشل بس الحمدلله قالولي لازم هذي اثار الابره والحمدلله الحين بخير وعافيه بس كنت متردده قبل لايعطوني اياها قلت ابي بنج كامل لاني ولدت قيصري قالوا خلاص مافيه الا ابرة ظهر وعطوني اياها وانا خايفه ومو مقتنعه بس سكت لان عمليتي كانت مستعجله واللي خوفني اكثر انه ولادكتوره قدرت تعطيني اياها جاني دكتور وشكله متخصص والحمدلله يارب
.................................................. .
والبيبي صغنون وربي مدري ليه :(
بس ماحد رد عن حليب رونا لاك كويس ؟؟
لاني لحد الان ماارضعه طبيعي ياحرااااااااام وربي كل يوم ابكي من حزني عليه
.................................................. .
وانا مااعترفت باغراض النفاس مع اني مابقيت شي عند العطارين ماشريت والحين اكلي وشربي عاااااااادي نفس اكل الناس العاديين واشرب غازات واكل اسكريم ومااخذت الادويه حقت النفاس احس ماني فاضيه وماحد فاضيلي يسويها :(
بس خايفه اروح فيها بعد النفاس الله يستر انا الحين لي 12 يوم ولا سويت شي
.................................................. .
وبالنسبه للي ولدوا قيصري عادي استخدم كريمات للتشققات مايلتهب الجرح او يصير له شمم ؟؟
ومتى اربط بطني لانه ترهل كثير مع انه كان صغير وانا حامل..