ابي احمل

[الجوهره ال]

بنات انا لي 8 شهور متزوجه ولسي ربي ماكتب لي حمل


تعبت نفسيتي اخو زوجي تزوج معنا في نفس اليوم واللحين زوجته لها 5 شهور حامل وانا واللله مو حاسدتها وربي فرحانه لها بس انتو تعرفو كلام الناس وكلااام زوجي وخصوصا انه ميت على الاطفال يعشقهم عشق مو طبيعي

ملاحظه انا استخدمت حبوب جينيرا شهرين اول زواجي والان لي 6 شهور فاكتها ولاحملت وحللت قالت الدكتوره انتي سليمه وعطتني كلوميد وحمض الفوليك واستخدمتهم شهر ولا فاد جتني الدوره بعدها مرتين ودورتي منتظمه ماشاءالله

قوليلي ايش الاشياء اللي ممكن بعد الله تساعدني على الحمل
انا في رابع يوم الدوره

في ناس قالولي عنزروت وفي ناس قالو رشاد وناس قالو .............الخ

ايش تنصحوني بنات غير المستشفيات لان هالفتره عندنا ظروف ومانقدر

والله يجزا كل وحده ترد علي الذريه الصالحه المشافاه المعافاه

[nal1010]

اول شيء ريحي نفسيتك ..

ثااني شيء كثري كثري من الأستغفار وسورة البقرة والدعاء المتواصل

ثالث شيء لو انتي سليمة وهرموناتك سليمة لازم زوجك يحلل ولو طلع سليم حاول تأكلي يومياا في ايام الدورة عسل وسبع حبات بركة او تحطينها بالحليب .. وعشبه المدينة كثير كثير استخدموها وبعد قدرة الله حملو ... اممم ايش كمان ... ايوة ادهني بطنك بزيت زيتون مقري .. وكثري من اكل المكسرات فيه بنات نفعت معاهم وحاجة ثانية انتبهي تتروشيء باول ايام الدورة ... وبس

[الجوهره ال]

مشكوووووووووره ياحرم الغالي والله يخليك الغالي ويرزقك الجنه والسعاده والذريه الصالحه ياااااااااااااااارب

[الجوهره ال]

بنات هل هذا شي طبيعي وهل تتوقعون السبب من حبوب منع الحمل وبالعاده كم تعطي مناعه

[لقيت أحلامنتدى]

يااختي اذا تحاليلك سليمه وتأخر الحمل؟؟؟؟ عندك؟؟؟ لازم تتأكدي من الانابيب عندك هي سليمه ومفتوحه او به انسدااد ضروري

وهي عمل اشعة الصبغه ومامنه خوووف نصييحه لاتضيعي الوقت بخلطات واعشاااب


كثثير اعرفهم كل شي سليم عندهم ونصحتها الدكتوره بأشعة الصبغه وطلع عنده انسداد خفيف بقناة فالوب الانبوب وانفتحت بالصبغه والله شهر وحملت



وانا نصحتك من الخبره وانتي فكري بكلامي زين

[(ام الامورة ليان)]

ربي يفرح قليبك يالجوهرة ويفرح قليبي بهالشهر ياربي ياكريم ربي لاتذرني فردا وانت خير الوراثين ****ربي هب لي من لدنك ذرية طيبة انك سميع الدعاء

[وجهه القمر]

حبيبتي الرزنه اذا انتي تعرفينها الخضراء قريت انها مررره زينه وتساعد على الحمل طريقتها ملعقه تشرب مع حليب ايام الدوره تساعد على الحمل..
وكمان الحبه السوداء اعرف لك حملت بعد الله ثم الحبه السوداء كل ليله اذا جت تنام تاخذ منها وتاكله وسبحان الله بنفس الشهر حملت
والعسل الطبيعي له فوائد بعد..
يارب يرزقك بالحمل انتي وجميع اللي يتمنونه يااااارب..

[الجوهره ال]

مشكورات يابنات والله يجزاكم
انا ماعمري استخدمت اعشاب و لااهتم فيها وقلت هالشهر بجرب وبشوف

بنات هل هذا شي طبيعي وهل تتوقعون السبب من حبوب منع الحمل وبالعاده كم تعطي مناعه

[كليجه]

المراميه
أنصحك فيها ...تنشط المبايض وتخفض هرمون الحليب

[الجوهره ال]

مشكوره حبيبتي

بس انا سمعت ان المراميه تلخبط الدوره وحده لخبطتها وقالت لي وخفت صراحه

على فكره انا هرمون الحليب مرتفع شوي بس حتى الدكتوره عطتني حبوب وقال اصلا مو مره ارتفاعه