【ツ】أحلى تجمع لأحلى حوامل التوائم 【ツ】 ‏الجزء الثالث

[ماء زير]

اهدي لكم احلى رساله
بالبخور معطره
وبماء الورد مقطره
وباحلى البخور مبخره
بقدوم احلى عسولين
مبشره
الحمدلله ولدت بالسلامه وجبت
راكان وجنان
2/8/1432هـ
هذي رسالتي الي بشرتكم بولادتي

[ماء زير]

لا عادي ياعمري
بديت اوكلهم على الشهر الخامس سيريلاك
الشهر السادس صرت اعطيهم خضار
الشهر السابع اعطيهم زبادي
لسا ما عطيتهم فواكه لان دكتور التغذيه يقول لا تعطينهم فواكه علشان ما يكرهون الخضار

[ماء زير]

مع السلامه اشوفكم وقت ثاني لاني مشغوله

[علمتني الدنيا]

شكرا على المعلومات الحلوة ماء المسك لكن انا عندي استفسار وياريت امهات التوأم يجاوبوني انا حامل في الاسبوع 13 لتوأم إن شاء الله لكن سؤالي هو كيف اعرف جنسهم من قبل ما اعمل سونار لأن احساسي وكل احلامي تقول انهم اولاد وانا قريب ما اموت على بنت فأرجوكم افيدوني مع العلم اني ما عندي وحم ابدا

[دلـــوعــه عـــــبوديـ]

مشكوره ياقلبي
علمتني الدنيا مستحيل تعرفي الى بسونار
انا قالت لي امي الي بطنك بنت والثاني ولد بسبب حركته وطلعو كلهم عيال

[عزتي بايماني]

اخباركم بنات وش مسوين
ام منذر مشكورة على السؤال انا بخير الحمدلله
والبنات وحدة ان شاء الله تكون شفيعة لنا والثانية بالمستشفى
لانها مولودة على السابع الله يحفظها ويطلعها بالسلامة اخبارك انتي وش
مسوية مع الحمل
ريماس انا رديت عليك البارح عن الحرقان والدكتورة قالت لي اكلي
وجبات صغيرة لا تكثرين الاكل مرة وحدة لانه اذا امتلت المعدة يزيد
ام منصور واسماء ماتشوفون شر

[اغلى دره]

هلا بكم جميعا

اقبلوني معكم انا الحمد لله حامل بتوام في الشهر الخامس الله يتمم علي وعليكم على خير

[ام عمر ..]

ريمااااااااس انا في حملي برهووفه مت من الحموضه احترق حلقي وعطتني الدكتوره حبوب اسمها رانتاج قمممممه نار وانطفت وقال لي دكتور استشاري ان شراب جافكسون مخصص لحموضه الحوامل بس ما استخدمته لاني ارتحت للحبوب
ام منصور واسماء ما تشوفون شر لابد من العلاج والله انا جاتني قبل اسبوعين التهابات الله يكرمكم امشي وانا فاتحه رجولي من الحراره واكثر شي كان من فوق الله يكرمكم مخرج البول وعملت تحليل وصاااار صديد وبكتيريا وخمائر بالبول والله اني اعترف من قلة شربي للماء الحين تبت امشي واشرب واخذت مضاد وتحاميل وفوار والله يشفينا واياكم ومرهم اسمه اليكا صراحه روعه

[ام عمر ..]

بنات فيه فرق بين المرهم والكريم المرهم الكتابه بالابيض والكريم بالاخضر >احد طلب منك هههههه

[REEMAS]

أغلى درة نورتي تجمعنا
شنتورة واماني وام عائشه طمنونا عنكم ليش الغيبه