زوجي طرد أخواته دلوني كيف اتصرف ؟؟

[لمسة أنوثه]

السلام عليكم ورحمــــــــة الله وبركاته

كيفكـــــــم ياحلـــــوات

بنات وربي ضايق صــــدري ومنحرجه حيل

اخوات زوجي وسلفتي كانو سهرانين عنـــدي وانا ساكنه عند اهل زوجي بس لي دور لحالي ولهـــم دور

المهم جو يسهــرون عندي ووحده منهم عندها ولدين وسوو ازعاج في البيت

وزوجــــــــي كان نايم مع اني حريصه اقفل الغرفه اللي احنا فيها وحاسبه حساب عشان مانزعجه بس واحد منهم كان بيروح الحمام وانتو بكرامه وقاعد يبكي بصوت عالي

وشـــوي إلا زوجـــي يطلع من غرفة النـــــــوم ويصارخ اشب الازعــاج هـــذا

ركضت على طول عنده وانا اهـــدي فيه واقول معليش الصغير موصــخ وهــو يقول خليهم ينقلعون من هنا وانزلو تحـــت قلت له خلاص وهديته ماابغاهم يسمعون ويفشلني منهم

والله ويوم ارجع الغرفه اثاريهم سمعوه وعلى طول كانو يبون ينزلون حاولت اخليهم يقعدون بس رفضـــو قالو خلاص الحين راح ننزل

وانا وربي متفشلـــه مووووت منهم

دايم يحرجني مع اهلي ومع اهله

كيف اتصـــرف معاه يابنات

والله متكدر خاطري منه هذولي اخواته المفروض يحطهم بعيونه مو يطردهم عشان ازعجوه

[أم ميوري]

اتوقع انك مالك شغل وبعدين هم ادرى باخوهم يعني وقت النوم خصوصا انه انزعج صراحه ماينلام واكيد ماراح يشيلون عليه لانه اخوهم واكيد يعرفون طبعه واذا انتي منحرجه خليه يعتذر ويقول لاني كنت نايم وانزعجت والله يوفقك

[نينا]

عندنا وعندك خير
ومازيد على كلام الاخت ام ميوري
بالتوفيق

[مشاعل الدوسري]

صحيح زوجك سخيف بحركته هذي لكن ماتحاسبي واحد كان نايم
شكله هو عصبي ..
كلمه أطلعت منه وهو معصب و فيه النوم و مع الايام بينسون شدعووه بيشيلون بقلبهم انتي لما تتكلمين معاهم قولي لهم اخوكم لما يعصب مايدري شنو يقول وهو كان ناايم بعد
لا تزعلون عليه

و انتي لا تعزمين حد عندك بوقت راحت زوجك ...
اذا زوجك بيطلع ..
مداوم اعزميهم او عطيه خبر ان بيتجمعون عندك البنات و انتهينا عشان يعمل حساب للازعاج و يحط في باله ان في حد عندك ..

[طال@عمري]

اكيد هم يعرفون طبع اخوهم


تصدقون عمرة مافكرت مجرد تفكير اني اروح لحريم اخواني واخواني بالبيت لان كمان هم كل وحدة لهادور عند اهلي


بس الحمد\الله الحين فبيتي واذا رحت لاهلي
ما اطلع واخواني بالبيت لو ايش هم يجونا اما انا وخواتي مانطلع

[ظل الياسمينن]

مسكين نايم وانزعج
كان نزلتو تحت وكملتو سهرتكم
ليه صاعدين لعنده فوق ؟
الله يعينك

[سماء دبي]

ماعليك منهم دام هم اخواته مو اخواتك يعني عادي
بس اعتذري ليهم وقولي ليهم مسحوها هالمره بوجهي وهذا اخوكم ولد امكم وابوكم لاتزعلو منه ووووالخ
يعني ساحليهم بالكلام الحلو
اشوه انهم خواته مو خواتك

[تعبنا نشرب الغربة]

فعلآ تقهرين لا انتي ولا هم
تخيلي نفسك مكانه بتنزعجين
ولا تنحرجين هم عارفين طبع أخوهم أكيد
وحاولي انه هو يعتذر منهم احسن ويبين لهم انه كان نايم
وانتي تعزمينهم وتشرهين ع زوجك مايصير كذا
والله يوفقك يارب

[روبا الجمال]

الله يهديه زوجك هدووول اخواته والله ما بيصير هيك يحكي ينقعلوون!! وما مصدق وهما يروحوا من عنده غريبة اطباع زوجك خليه يحاول يعتذر من اخواته ع الأقل..

[لمسة أنوثه]

تسلمون حبيباتي عالردود والنصايح

والله ساعدتوني كثير ربـــي يخليكم

ماقصرتـــو جميع والله يصلح الحال