وش الحل مع ذا الرجال؟؟

[ريح المسك]

السلام عليكم ورحمة الله وبركاته

اليوووووووم وااااااااصله حدي خلاص ما اقدر اسكت واتحمل
زوجي عنده صاحب قسم بالله ما أطيقه منغص علي عيشتي هو مطلق وعايش حياته على السفريات والكلام الفاضي وشي مايرضي الله
وانا ابغى زوجي يكرهه لأن الصاحب ساحب واخاف يسحبه للحرام
ولما يكلمه زوجي احس قلبي مقبوض وكلامه مثير للشبهات وانا اخاف على زوجي منه
الحمدلله زوجي يخاف الله ويصلي لكن اخاف من كثر الدق يفك اللحام
وياكثر ماقلتله لاتكلمه انا ما اطيقه يغيب فترة ما يتصل >>> يمكن يكلمه من وراي ما أدري عنه او انه يقوله لاتدق وانا بالبيت - الله العالم-
يقول هو اللي يدق انا ما اكلمه , واذا كثرت معاه بالكلام يقول انتي بس تبربرين اسكتي >>>> مايبغاني اقول الحق ولا اتكلم عن صاحبه
وش اسوي معاه كيف اخلي زوجي يكرهه للأبد
ساااااااااااااااااعدوني بحل يابنات تكفون

[em adam]

والله اشي صعب بجد ...
انتي اشغلي زوجك اكتر الوقت بعد ما يروح من الشغل بيتغدى او بيتعشى واشغلي معك ومع اولادك ازا عندكم اولاد ولا تخلي يطلع من البيت وبايام العطل اطلعو مشوار سوا وانشاء الله بيتغير ..

[ريح المسك]

مشكورة ياقلبي
المشكله زوجي يغيب عني تقريبا يوم كامل حسب عمله وما ادري وش يصير معاه ومين يكلم او وين يروح
لما يكون عندي انا حاطه عيني عليه

[رحيق القلوب]

ياقلبي خليييييك واثقه من نفسك ولانزنين عليه بالعكس كذا يعاند وايش همك اذا زوجك عنده دين واخلاق ويخاف ع سمعته واهم شي يخاف الله مستحيل يسوي الغلط لو ايش ماكان ليش احنا اطفال او مانعرف مصلحة انفسنا طنشي ياقلبي واذا لا سمح الله سواها وش ترتجين منه يعني بيخاف منك انتي ومابيخاف من الله وع عرض بناته حبيبتي ترا الموضوع كبير احنا ماخذين السالفه انه غلطه ومدري ايش هذا موضوع كبير يعني مو واحد بالشارع والا صاحبي قال يالله نروح نسهر ولا ننام مع بنت اعوذ بالله نقول يالله
المساله مو كذا انتي لاتقصري مع زوجك بشي وشيلي الوسواس ياقلبي وخليك واثقه من نفسك وزوجك مو صغير لو حس انه بيوديه مكان او يحرضه ع شي غلط بيقطع علاقته فيه من حاله
الا اذا يبغ ويدور ع ذا الشي وما اتوقع الله يغنيه بالحلال عن لاحرام
بس لاتقصري بواجباتك وطنشيييييييييييييييييييه
لو بنجلس ندقق ع اشياء بسيطه زي كذا راح نسوس ونتعب
كذا بتهزين ثقتك في نفسك قدام زوجك طنششششششي ولا كان شي صار كذا بيحس انك واثقه فيه وواثقه من نفسك
مووفقه

[ريح المسك]

رحيق القلوب مشكورة ياعمري
بس انا وش ضمني ان الشيطان مايلعب بعقله ؟؟
انا مافكرت فيه يسوي اللي يبغاه بس انا وش ذنبي بكره لو جاني منهم مرض ؟؟؟؟؟
مو المفروض اني احافظ على نفسي
هو صح كبير ويعرف مصلحته بس انا اخاف على نفسي
اذا مافكر فيني انا بفكر بنفسي
الرجال مايهمهم شي غير متعتهم

[رحيق القلوب]

حبيبتي احنا وين عايشين باوروبا عشان مسالة الزنا تصير عاديه وشي تافه وعادي
حبيبتي انتي الحين تقولين انو صاحبه وانو عشان يكلم صاحبه خفتي ع زوجك
طيب انتي الحين جزمتي انه لاسمح الله ينام مع بنات حبيبتي وربي حرام تظلمين زوجك
اللي يلف وعنده حركات تكون مبينه خصوصا انك عايشه معاه مو عند اهلك او بعيده عنه
ثانيا انتي يعني شاكه باخلاقيات زوجك وايمانه وخوفه من الله يعني مايصلي مايصوم يشوف افلام اباحيه يكلم بنات لاهي عنك مايحبك ما اردي ماذكرتي شي من هذا وما اتوقع انه يسويها يعني ع اي اساس جزمتي انه نام ونام مع كذا وحده اعوذ بالله عشان يجيب لك المرض شفتي كيف نظرتك بعيييييييييييده بالموضوع هذا ومازمك ومخليك تفكري بشي ماصار اصلا وتضايقي ع نفسك وع زوجك وبيتك
حبيبتي استغفري ربك الموضوع ماوصل للشي هذا ولا فيه مؤشر انه ممكن يحدث هذا الشي كلها احسها اوهام والشيطان الله يلعنه شاطر يوسوس لك بزياده وانتي معاه ماشيه ههههه تكملي القصه

الله يهديه يارب ويهديك ولا تفكري كذا ياقلبي كذا بتخليه بتفكيريك يسوي ذا الشي لاسمح الله
ادعي ربك استغفريه واشغلي نفسك عشان ماتفكري بذا الشي
اذا مسكتي ع زوجك دليل او فيه تصرفات واضحه عليه هذاك الساعه فكري بس كذا من دون اي دليل الله يهديك ياقلبي
ولاتخلي الشيطان يدخل بينكم عيشي حياتك انبسطي واتركي عنك هذي الافكار
^^

[أم ميوري]

انا اقولك استغفري بنية ان الله يبعده عنه وصدقيني هذا هو الحل والله يوفقك ويجبر بينكم

[ريح المسك]

يعطيكم العافيه على ردودكم

بنااااااااااااااات افهموني الله يخليكم

انا ابغى شي يخلي زوجي يكرهه تمااااما

قلب المؤمن دليله وانا مو مرتاحه لهالرجال

[روز بااريس]

ماتقدرين تخلينة يكرهه

اخاف من زنك يتعلق فيه اكثر

انتي كل مااطلع استودعية اللة وخلاص
وهو كبير وعارف مصلحتة ولو يبي هالحركات مايستنى صاحبة يقولة

تعوذي من الشيطان ولاتخربين حياتك

[سحآبة فجر]

هي زوجها يمشي مع شخص سيء وهي تبغاه يبعد عنه وتبغى حل لهذه المشكله كيف تقدر تخليه يترك صاحب السؤ هذا << هذا قصدها يابنات يعني ماتفكر تفكير سيء أو توسوس ..

و فعلا يا اختي الصاحب ساحب صحيح هو كبير لكن ماتدري ممكن هو مو مفكر انه الشيطان ممكن يقدر عليه عن طريق صاحبه
والله كان نفسي القى لك حل بس نصيحه لا تزني عليه ابداً بخصوص صاحبه هذا واستغفري الله كثير والله يفرج لك وادعي له دائما بالهدايه والله لا يخيب دعائك ويصرفه عنه من عنده سبحآنه واستودعيه الله الذي لا تضيع ودائعه