الله ينولها ماتحب وماتريد ويفرج همها من تريحني وترد علي رد حكيم

[لوله]

السلام عليكم الله يجزاكم عنا خير الجزاء قال الرسول صلى الله عليه وسلم المسلم للمسلم كالجسد الواحد اذا اشتكى منه عضو تداعى له سائر الجسد بالسهر والحمى)
هذا الي خلاني اعرض مشكلتي لكم حبيباتي كنا انا وزوجي الشمالي الشرقي (هذا نمطه)متهاوشين ونتكلم ع خفيف المهم بقى على زواج اخوي اسبوع وطلبت منه اروح لاهلي وابيت الليله كان يوم الاربعاء قال اوكيه رحنا الخميس بالليل مسجته بسأله عن حاجه ومارد واتصلت مقفل ومتأكده شاف اتصالي والجمعه هوه مطنش وانا نفس الشي والسبت اتصل العصر وسأل وقفل وبعد كذا اتصلت وسألته متى بيجي قال شوي اذا قمت من الاستراحه امرك واستين الى اخر الليل اتصلت قافل جواله وقهرررررررني ومدري وش يبي وشكلي قدام اهلي بايخ واكيد حسو الاخ مايبينا
ولاتقولون اتصلي له هو الغلطانوالمفروض هاليومين انا محتاجته زواج اخوي قرب ومابي نكد الله يهديه بس كيف اتصرف مابي مشاكل وبعد ماابي ارخص بنفسي ردو علي محتاجتكم بعد الله

[ثلوج الشتاء]

اصبري لين تعدي فتره العرس ماتسوى عليك تنكدين على عمرك وتدخلين بمتاهات ومشاكل انتي بغنى عنها

اصبري وخلاص لاتدقين عليه خليه من نفسه يتصرف وصدقيني راح يرجع ويتحسف بس اهم شي لاعاد تدقين عليه خلااااااااااااااااااااااص لاشافك مادقيتي راح يرجع ويدق ..

الله يوووفقك

[قطرة]

مثل ما قالت الأخت ثلوج الشتاء وإحتمال بهالفترة يبان السبب إذا ما دقيتي يدق هو ويفهمك ايش الحاصل ،، بس انتي كمان راجعي نفسك لا يكون زعلان من شي وانتي مو ماخذه بالك ،،
والله يسهل عليك ويجمعك معاه ع الف خير

[قمر بيت أبوها]

تبينها من الأ خر اتصلي علي احد من اهلك ورو حي لهم
واذا بعدين احجزي و سافري لهم
الرجال اللي يطنش استخدمي اسلوب التطنيش يصير تمام
لان كل شخص يبي الشخص مثله عشان يفهمه
يعني مثلا زوجك صامت
انتي خليكي علي الصامت معاها بيتعب ويتكلم
يقفل جوالها بعد انتي قفلي جوالك
عامليه بالمثل عشان يتحرك

[سيدة الغرام]

ياحبيبتي خلي زواج يعدي على خير وطنشي لاتدقين عليه اذا شافك مادقيتي
ولاتصلتي هو للي بيرجع يتصل عليكي ولاتهتمي خلي مع نفسه ...

[لوله]

الله يعطيكم العافيه جميعا وما انحرم منكم اتصل سي السيد الصبح وهو رايح للدوام ويقول مافهمت انه الليله اجي اخذك سألت وش بقي وش سويتو وفهمت ان الشغل كثير وبتجلسين بعد بس ابشركن ماحسسته ابد اني زعلانه بس قلت ياخي وهقتنا كنت بنام بدري وارتب شغلي يالله حصل خير

[●•• ShąhǿǾǿĎ ••●]

لاتدقين عليه اكثر من مره قولي الي تبين مره وحده اذا ماسوااه زعلي وتركيه واهووو يصير اوكي

[فوضت امري لله]

حبيبتي تبين نصيحت اخت لها10س متزوجه وخبره بمعنى الكلمه===

الغبيه هي اللي تزعل الرجال وتطنشه والله الرجال في البدايه يرضخ لزعلك ويراضيك بعدين يصير شي عادي


اختي تدرين ليش قال==

لنبي صلى الله عليه وسلم قال: ألا أخبركم بنسائكم من أهل الجنة؟ قالوا: بلى يا رسول الله قال: كل ولود، ودود إذا غضبت أو أسيء إليها أو غضب (أي زوجها) قالت: هذه يدي في يدك لا أكتحل بغمض حتى ترضى.


سبحان الله نفسيه الرجل تحب المراه اللي ترضيه ولاتسمح له يطلع من البيت الا اذاااا رضى منهاوهي تطلب رضى الله قبل--

سوي ليله حمرا وافتحي صفحه جديده في حياتك ولاتتزاعلون من بعض


ترى بعدين تفقدين حبه بدون ماتدرين

الله يهديكم لبعض ====

[lebnaneyeh]

اخت لوله كلام الاخت فوضت امري لله كلام سليم مية ميه وانا خبرة 18 سنه زواج الرجال هيك طبعو اذا صار مشغول كتير بالشغل ... لازم انتي تفهميه وتعرفي شو بدو وايمتا مبسوط وايمتا زعلان وسدقيني بعد خبره الرجال متل الولد الصغير سايريه بتوصلي لهدفك واذا زعلك ازعلي بس مش كتير يعني اكسريها واجبرييها بس والله الزوج بحب المراه الي بتكون هنيه بحياتها مش نكديه حتى لو كان هوي الغلطان .. اصبري شوي اختي وشوفي بركي زوجك في شي مضايقو ومابدو يشغل بالك عليه ..

[همسات ام]

طيب الحمد لله اتصل يا قلبي شوفي شلون كبرتيها وتخيلتي امور هو اصلا ما مفكر فيهامجرد سوء فهم وياما وياما نكد علينا عمرنا سوء الفهم
ربي يهديكم لبعض اختي ربي يهديلي زوجي اللهم سخرهم لنا واهديهم