تجمع الأمهات اللاتي سيلدن بشهر *ربيع الثاني* 1433

[شهرزاااد]

والله انا سمعت بمستشفى الحبيب بالرياض ويقولوا مرة ممتاز
ريم مو بس اهم شي يكونوا حنونين والخياطة والبنج طبعا هذي اشياء مهمة
بس في اشياء اهم وهي توفر المعدات اللازمة لاي طارء زي الاكسجين والحضانات والتعقيم والله وحدة من معارفنا ولدت في المستشفى العسكري بالرياض وكانت بالثامن وما اسعفوا ولدها بسرعة بالاكسجين والله انه معوق إلى الان حسبي الله عليهم
وصديقتي ولدت في نفس المستشفى تقول بعد الولادة ما فيه اسرة تحلف خلوها في السيب 6ساعات تخيلوا والد وتعبانة وهذا وضعها
انتي تأكدي ترا صحتك وصحة البيبي اهم شي تحرصين عليه
والجامعي ممكن طبيب يولدك على حسب المناوب انا اختي ولدت بالجامعي بالرياض ولدها رجال ما كان فيه إلى هو
وسمعت ممكن يدخلون اطباء الامتياز وممكن يخيطك واحد فيهم يعني يتعلموا
والله وحدة كتبت كذا في المنتدى وتقول انها رفضت دخولهم وقت الولادة ومع ذلك دخلوا
شهرة خذي ملابس شتوية زينة قريت في الجريدة اليوم ان درجة الحرارة في الشمال بتنزل تحت الصفر الله يعينكم

[shohrah]

المشاركة الأصلية كتبت بواسطة شهرزاااد

شهرة خذي ملابس شتوية زينة قريت في الجريدة اليوم ان درجة الحرارة في الشمال بتنزل تحت الصفر الله يعينكم

لااااااااااا ياحبيبي
الله يعين بس يارب لما أدخل التاسع يوم 10 يكون الجو صار دافي شوي ..