كروشات صفر اليكم قصة عذابي>>ولاده

[صمتي ناااار]

بسم الله الرحمن الرحيم
صباح/مساء الخير

كان ياماكان..في قديم الزماااان
^
^
في صباح يوم الخميس الموافق25/2
أذن الفجر قمت اصلي وصحيت زوجي يصلي ورجعنا بسرررررررررعه نبي ننااااااااااااااام>>سهرانين
المهم زوجي نااااااام وأنا....تبدأ القصه
وأنا مفتحه عين ومغمضه عين..أحس بألم خفيف>>لايكوووون

وبعدين راااااح الألم..قلت:لا لا أكيد أتخيل!!
وغمضت العين الثانيه..وشوي الايرجع الألم
جلست وأقول ياربي معقوله هو ذا..
وأنسدح وابي أنام الا يرجع مره ثالثه.....وقتها انقز من ع السرير واحط رجلي>>رحت الصاااله وامشي..وقلبي شوي ويطلع من القفص الصدري!!
وصار الألم يروح ويجي ع خفيف...عرفت وقتها انه جااني الموووت//
دخلت ابي اصحي زوجي..إلا الأخ بساااابع نوووومه,,قلت:ياحرااام والله شكله يحزن..///واقول اهجدي يابنت وخليك حرمه ..وش ذا الخوف!
المهم وع هالحال لين الساعه 8...قام زوجي يبي يروح الدواااام
الا يشوفني مثل المجنونه من صباح الله خير رايحه جااايه..
قال:لييييه..انتي مانمتي؟
قلت: ماأدري>>حلوووه مدري
قال:وش فيك؟
قلت:ماأدري>>من الخوف
قال:وش فيك معلقه ماأدري ماأدري!!
وأطالعه بنص عين>>ارفع الضغط
قال:لايكووووووون
قلت:شكله كذا
قال:في الم
قلت:شوي
قال:يمكن تتوهمين
قلت:لاياشييييييييييييييخ!
قال:طيب نروح المستشفى؟
قلت:لا بصبر شوي
قال:طيب انا عندي دوام وش الحل؟
قلت:عاااادي رووح واذا زاد بتصل ع امي واخوي.
اوكييييييييي...وراح الدوااام

وانا امشي بالبيت والالم كان يزيد شوي شوي..وبين الطلقه والثانيه 3دقايق تقريبا والله يابنات..{قلت وش ذا؟؟البنات في المنتدى يقولون اذا قربت الولاده خلاص يصير بينها 5 دقايق..وانا من البدايه متوااااصل!!
المهم وع الساعه 10الصباح دقيت ع امي..وجوني ورحنا المستشفى..وكشفت الدكتوره وقالت:الرحم مسكر!!!
وش مسكر انتي بعد؟؟كل ه الالم ومسكر>>ام الكسحه
ورجعنا البيت ع الظهر ورجع زوجي من الدواام
وقاعدين يسولفون الثلاثي المرح وانا امشي رايحه جاايه
^
^
اذن العصر,,,,,,,,ورحنا الممشى..ورحت امشي لحااااالي>>طفشاااااانه
لين المغرب..بعدها رجعنا البيت..وشربت خروع مع عصير برتقال..وامشي شوي واتعصر شوي,,طبعا انا لاجاني الالم مأقدر اجلس نهائيا!!ماغير امشي تكسرت رجولي
وبعدها جابو الأخوان عشاء وتعشو وعزموني طبعا.بس فيني الم ماني قادره آكل..رغم اني ميته جوووع
وشوي الا يروح الألم وأركض ع السفره..ومجرد ماجلست ومديت يدي رجع الألموأقوووم وأنا خلاص شوي وأبكي
ومشيت مشيت لين راااح الألم..وأركض مره ثانيه ع السفره وآخذ اول لقمه بسررررعه والثانيه والثالثه الا يجي الموووت..
وقتها عصبت{أوووووووووووف ليييه تقولون ان بين الطلقه والطلقه نص ساعه..وش ذاا الكذب}
بس للأسف محد رد!!!
أخوي كان يطالعني والحزن فعينه والله رحم حااااالي..
^
^وأذن العشاء وبعدها رحنا المستشفى وكشفت الدكتوره وقالت:نص سانتي بس!!بغيت انجلط ..كل هالألم من الصبح للحين ونص بسسسس...مستحييييييييل وأصيح وأمي تهديني
ورجعنا البيت..
وأدخل ع طول لغرفة النوم واقفل بالمفتااااح وابكي واتلوى لحااالي..ولا طلعت من الغرفه نهائي,,والثلاثي خايفين يدقون علي لأني بزفهم..
وع الساعه12بالليل إلا زوجي يدق ع الباب بخفيييييف..وافتح الباب..ويقول:بدخل امك نامت بالصاله,,!ودخلته
وجلس ع السرير وأنا أمشي بالغرفه ودموعي بعيني..وأقوله خلاااص يكفي تعذبت ولا فتح غير نص سانتي وش ذا الرحم!!
ويقعد يواسيني والله ودموعه بعينه""
ويقول مو معقووول أقعد أطالعك كذا ولا أسوي شي..وش أسوي علميني؟؟
وش بتسوي يعني..دعواتك بس ان الرحم ذا ينفتح بسرررعه..ويقعد يدعي"ويقول:طيب ماتقدرين تنامين لو شوي..وش أنام والطلق كل 3دقايق!!مستحييييييييييل انااااااام
وأخرج للصاله واصحي امي تروح للغرفه وأخوي طبعا نااام..من الصبح واحنا رايحين جايين تعبتهم معي
وأنا والله ميته نوم بس ماقدرت....طبعا بعد ماطلعت امي من الصاله..صرت امشي لحالي بالصاله...وع الساعه1ونص ادخل اشوف زوجي الا هو نايم بالعرض..والحين الثلاثي نامو كلهم
وانا لحااالي أتعذب..وزاااد الألم مرررررررررره..وقلت لا مابروح المستشفى لين خلااااص ينفتح..يكفي الكسحات اللي من الصبح..وامشي وادعي واذا خف شوي انسدح ع الكنبه ابي انااام..وشوي ورجع الطلق ونقزززززت
وع الساعه 3 الفجر خلااااص ماقدرت اتحمل قوة الالم..وادخل واصحي زوجي..ويفزززز هاااا كيفك الحين؟؟
يلا يلا المستشفى بمووووت من الألم..وقاام وهو يشوفني اربع من النوووم
وادخل اصحي امي.. وتقوووم بسررررعه
وندخل المستشفى
الا اللي يكشف دكتووور لاحوووول ماني ناقصه..
وتعرفون خميس وجمعه كلهم مناوبين وكمان آخر الليل.>>حظي نحس
المهم وارفض ادخل للدكتور..وتقول امي يلا ادخلي واكشفي ماعليك الحين وقت ضروره..وقتها كان زوجي يدور اوراق بالسياره..وشوي وجا وامي تحاول فيني..وتقوله:شوف زوجتك ماهي راضيه تدخل للدكتور وش نسوي؟؟؟
ويقولي بهدؤؤؤؤ<ادخلي عادي خلااااص كلها سوا دكتور ولادكتوره..احسن تري بعدين مابتحصلي سرير ماتشوفين الزحمه هذي..>>بصراااحه خوفني
وغيرت رأيي ودخلت للدكتور المنحوووس!!
وأطالع الا امي وزوجي داخلين معي..قلت لو سمحتو اطلعو الممرضه معي وخلاااص مايحتاااج تدخلووون..وطلعو ياحليلهم مطيعين..
وكشف الدكتور وقال:2سانتي يلا تنويم>>وأخييييرا
وع الفجر تقريبا طلعت انا وامي قسم التنويم..ودخلت الغرفه واجلس ع السرير وركبو جهاااز النبض..وشوي ويجي الألم وارمي الجهااز وانقز..>>علمتكم ماأقدر اجلس مرررره وقت الالم
المهم وكل اللي بالغرفه نايمين ولاأسمع الا الشخيييييييييير الله يسامحهم..وأطلع الممر وأصيح وأبكي لحاالي..وانا يابنات ميته نوووم..ولاقدرت أنام
وشوي ويأذن الفجر يوم الجمعه يعني صار لي اربع وعشرين ساعه مانمت..
وع الساعه7جت دكتوره وكشفت وقال:2سانتي
يااااااربي وأصيح معقوووله مازااد لو سانتي وش ذا الرحم وأبكي..وامي تقطع قلبها وأسمع اللي ورى الستاير يدعون لي ..مره حالتي تحزن,,
وصياااااااااااح وبكي لين الظهر وتجي ممرضه وتكشف وتقول:باقي 2سانتي//خلاااص بغيت انجلط والله بموووت ياناااس وامي تقول اصبري هاانت؛..وآخذ الجواال واتصل ع زوجي وأقوله<<دبر حل خلاااااص تراني بموووت..واقفل طووط طوووط
وع الساعه 3 العصر جت الزياااره وانا كنت امشي بالممرات طبعا دخلت وانسدحت ع السرير وتغطيت ولفيت الشيله ع عيوني ودموعي شلالات واصيح شوي واسكت عشاان في رجال بالغرفه مزاورين..وشوي ويجي زوجي ويشوف شكلي كذا كأني ميته ومايشوف غير الدموع تسيل ..وجا عند راسي وماقدر يتحمل وطلع ع طووووول..
وأذن المغرب وجت الممرضه وجت تكشف وقالت:باقي 2 سانتي.//لاتعليييييق
وبعدين انتهت الزياااره واطلع الممر وامشي وابكي وادعي ياربي عجل بسااعة الفرج..ولا أحد رحم حااالي غير العاملات كل شوي توقف قدامي وحده وتقول<<ان شاء الله في ولاده الهين..صبر ماما.>>
وع الساعه 10قالو خلاص بنوديك قسم الولاده>>واخييييييييرا
>>وع فكره باقي 2 سانتي
المهم ودوني القسم ودخلوني الكشك..وطلعت ع السرير المبتور!!
ركبولي جهاز التخطيط والمغذي كمان..ومجرد ماطلعو جاني الألم وارمي الجهاز من ع بطني واشيل المغذي بيدي وانقززز
وع الساعه 12 الليل واصيح وأنادي الممرضه وتجي وتكشف وتقول:3سانتي//اخيرا تحرك
وفرحت وقلت ان شاء الله الفرج قريب
وتخيلو اني مانمت الا ليلة الأربعاء!يعني ميته ميته نوووم
وتجي الطلقه واتعصر وابكي..ولاراحت الطلقه اركض ع السرير وانام واحلم بدقيقتين..
وطبعا اخذو مني الجوال وع الساعه 3 ارسلت امي عامله لعندي تبي تشوفني واقابلها عند بوابة القسم وانهااااارت اعصااابي عندها وجلست ابكي..<يمه ارحموني سوولي عمليه اي شي..فكوني من العذااب..وتمسح ع راسي وتهديني وقلبها يتقطع..وشوي ويدخلوني ويقفلون القسم
انا زوجي ماادري وين ارضه..
واذن الفجر يوم السبت>>يعني احسبو كم لي ساعه مانمت

كشفو قالو :باقي 3سانتي...واروح آخذ جوااالي واتصل ع زوجي>>وانا ابكي تعاااااااااااال طلعني من هنا ودوني اي مكان يسووولي عمليه..
قااال:هاااااااااااا عمليه!!!لا اله الا الله
خلاص ابشري يصير خير>>
باااي...باااي

وطبعا رفض الدكتور يسوي عمليه لأن الولاده طبيعي ومايحتاااج

وع الساعه9 الصبح وانا خلاص واصله حدي من التعب
جات ممرضه كشفت قالت:6سانتي
الحمدلله بغيت اطير

بعدين جت دكتوره كشفت قالت:5سانتي
ياسلااام بدل ماينفتح يتسكر..
بعدين جا دكتور قال:الحين 4سااانتي
هنا انهاااااااارت اعصابي وابكي ليييييييييييه كل مايجي احد يقول كلام غير عن الثاني خلااااص ماني ناقصه تحطيم
طبعا صرت مثل المجنونه ..ثلاثه ايام عذاب
والم وبكي ليييييييييين الظهر بعدين جت ممرضه سعوديه طيبه حيل وتقوووول لاخلاص انتي قربتي الرحم فاتح 6سانتي
وزااااااااااد الالم
وزاااااااااااد الالم
وزاااااااااااااااااد الالم
وبعدها ع الساعه 2 الظهر الاخلاص احس كأني اب اروح الحمااام..واقول للممرضه اب الحمام امسكيني لأني بطيح ...دااايخه
قالت:لا لاتروحين هذا الجنين بيطلع
وجهزت المقصات والحركاات..وماتصدقون فرحتي وقتها..خلاص ياربي قرب الفرج
وبعدين قالت خلاص الحين 8سانتي انسدحي ع جنب عشاان ينفتح بسرررعه
وشوي احس اني ابي ادفع وعلمتها..قالت خلااااص خلااااص ادفعي..بس انا خلاااص مهدووود حيلي
وتجي الطلقه وادفع...وتروووح
وتجي وتروووووح والممرضه تقرا ع بطني
وادفففع وتقص
وارجع ادفعععععععع..وتقول يلا يلا شدي حيلك وطلعي البنوته
وادفععععععععععععععععع واصييييييييييييييييييح
^
^وااااااااااااااااااااااااااااااااااااء واااااااااااااااااء
اخيرا شرفت الع روسه بعد عذاااااااااااب
واخذوها مدري وين ودوها وانا >>نووووووووووووووووووووم مدري اغمااااااااااء
وشوي صحيت يوم طلعت المشيمه واناااااااااااااام
وشوي صحيت يوم بدأت تخيط
قلت:خلااااااااص تكفييين يكفي عذاااااااااااب...حرااااام
قالت:لازم نخيطك وش فيك؟
قلت:لا مابي؟
قالت:لا ياشيخه عشان بعدين تقعدين تدعين علي
المهم وخيطت وبعدهااا نمت..وصحيت والبنوته جنبي..والعامله علمت امي..وانا رحت اخذت الجوال وكلمني زوجي وكااان مره مبسووووط..

وطلعت من المستشفى بعد المغرب
والحمدلله رب العاااااااااااااااالمين


موقف
<<وحنا طالعين من المستشفى انا وزوجي الا يشوف واااحد توه مدخل زوجته المستشفى تبي تولد..قال زوجي للرجال
زوج البنت الله يعنك..
انا انفجرت ضحك!!
بالله انت مجنون الله يعينها هي مو هو
قال:لاوالله قلبه اكيد يتقطع عليها..
اقول امش بس...
هههههههههه


وهذي قصة ولادتي او فلم الرعب اللي حصل
الله يكتب لنا الجر ويأجر امهاتناااااااااا

آآآآآآآآآآآآمين

[عسولة مكه]

مبروك والحمدالله على السلامه

[ام شوووق]

الف مبرووووووك والحمد لله عالسلامه وسلامة العروسه

[روضه]

ياااااحياتي ياصمتي تعبتي بالقوه بس كله بااجره ياقلبي واااالف مبرووووك علي العروسه وقصتك اكشن
وخلص خطبنا العروسه لحمودي حبيب قلبي فديته قولي تم ياام العروسه *

[na3ooma]

الحمدلله على سلامتك وسلامة البيبي وربي قر عينك بيها ويخليها لكي

غلطة من المستشفى .. طلقك حامي وشايفينك تتقطعي ورحم قاسي المفروض يعطوكي تحاميل تليين عنق الرحم
ويعطوا تحميلة كل كم ساعه لحد مايلين ويفتح بسرعه .والله يقهروا على برودهم
الحركة اللي قهرتني انهم عملوا لك خياطة وانتي تتألمي والله عيني دمعت عليكي وعلى تعبك وكمان مافي بنج موضعي .
بس الحمدلله ازمة وعدت والولادة الاولى غالبا طويلة والرحم قاسي وانا مريت بتجرتي الاولى زيك ولا نمت ولا انفتح رحمي .. علشان كدا رجعت لي الذكريات وانا اقرا موضوعك

واتطمني الولادات بعدها اسرع واسهل والرحم مايطول لين يفتح < تجربة

[ياشمس عمري]

وي وي والله عذاااااااااااب الحمد لله ماجبتي والحمد لله على سلامتك
وسلامت (زوجك)على اساس انه تعب معاكي حححححححح.

[آحبك]

ع اجر ياعمري

[آروى الورد]

يآقلبي والله عورتي قلبي

الحمدلله على سلآمتك وكل شي بأجره بأذن الله

ومبرووك مآجآك تتربى بعزكم

[(( أم يارا ))]

الف الف مبروك ياصمتي نار وتتربى بعزكم العروسه
قطعتي قلبي عليك قاعده اتخيل ولادتي تكون مثلك انا بكريه وما افكر بالولاده ولا احب ادخل مواضيع الولاده بس موضوعك لفتني والا ادخله واقراه ..
والحمد الله ع سلامتك وكل شي بأجره ان شاء الله

[shohrah]

الحمد لله على سلامتك يا قلبي

والله اثرت فيني ولادتك مرررره

انتي تكتبين بشكل كوميدي لكن واضح الألم من بين السطور

عجبني تعبيرك ( الثلاثي ) احس من القهر

اهم شيء الحمد لله على سلامتك انتي وبنوتتك
هاليوم ينذكر ماينعاد ان شاء الله وولاداتك الجايه تكون أيسر بإذن الواحد أحد


ياااااااااااااااارب يسر لنا الولادة ولجميع الحوامل