دردشة بنات العراق, دردشة حوامل العراق , تجمع بنات العراق

[kokee]

يلا بنات هذا نام لاانام اني هم اليوم نت ال6 كاعده

[توتايه]

هلاو بنات شلونكم جميعا اخباركم؟

امونه الله يحفظهم رجلج شنو اسمه بالفيسبوك خلي نسويله حظر حتى بعد ميفتحه ههههههههههههههه
وصدك ام واب الجهال وين؟

[زينب السعدي]

بنااااااااااااات بالنسبة لعلياء مااعتقد موضوع طلاق لان دتضحك وممبين عدها مشكلة بس اخاف تقصد الطلق اي الطلوكة مااعرف بس مو موضوع طلاق انشالله

[مي &]

هلو بنات شلونكم شخباركم مشتاااااااااااااااااقتلكم
المنتدى صارله فتره ميفتح عندي ما ادري ليش وحيل اشتاااقيتلكم
شلونكم شخباركم شلونهم جهالكم

[زينب السعدي]

هلو مي شلونج عيوني لج هاي برورة صايرة تجنن الله يحفظها

[توتايه]

هلو مياوي شلونج وشلون بروره احنا تلاقينا على الفيسبوك بصفحه سريه هههههههههه تعالي ويانا

انشاء الله ماكو شي زوبه

بنات ضوجه

[بنت الخليج]

السلام عليكم بنات اشلونكم كلكم وحدة وحدة طبعا اني صار فترة مداخلة لظرف طارئ والحمد لله بفضل من الله واهل البيت عليهم السلام عدت الامور على خير والحمد لله والشكر على كل حال . اني طبعا راح احجيلكم شنو اللي صار بالتفصيل الملل حتى تعرفوا شنو صار بالظبط . تدرون بية قبل فترة سويت عملية تضخم الغدة الدرقية ونجحت العملية وانتهى كل شي واخذوا الغدة المستاصلة الى الزرع وعند ظهور النتيجة قال لي الدكتور ان عندي بداية ورم خبيث في الغدة فاصابني وقتها انهيار عصبي وتعبت نفسيتي جدا فاخذت نتيجة التحليل وذهبت الى دكتوري الذي اجرى لي العملية حتى اشوف شيكول فقال لي يحتاجلك تحليل ثاني وبمختبر اخر حتى نتاكد من النتيجة وعملت تحليل اخر لكن طلعت نتيجة التحليل تقريبا مقاربة للتحليل الاول وهذا طبعا حجي الدكتور فاحالني الى دكتور اخر اختصاص باورام الغدد ورحت للدكتور كال هذني تحليلين وكل واحد علاجه شكل ويختلف واحد عن الاخر فاريدج اتسوين تحليل ثالث حتى اعتمد على النتيجة واعطيك العلاج ولكنه اكد بان عندي ورم خبيث ورحت حتى اسوي تحليل ثالث وبهاي الفترة الله سبحانه وتعالى اعطاني الصبر واصبحت مؤمنة بقدري وبقسمتي بالدنيا بس ظليت استجير بالائمة ورحت زيارات للامام موسى بن جعفر ورحت نجف وكربلاء اتوسل واتضرع بهم مو الخاطري بس الخاطر اطفالي . المهم طلعت نتيجة التحليل الثالث ورجعت للدكتور والمفاجاة التي صعقتني انه قال لي (انتي كل شي ما بيج ) يحتاجلج بس حبوب تنظم لك عمل الغدة الدرقية وما عندج كل مرض خبيث كتلة دكتور انت كتلي كال لا بابا انتي سليمة فحمدت الله سبحانه وشكرته على عطفه وشكرت ائمة الهدى سلام الله عليهم اجمعين . اسفة طولت عليكم بس حجيتلكم لان انتوا خواتي وحتى انقل لكم معجزة من معجزات اهل البيت صارت وياية شخصيا

[ميعاد]

السلام عليكم ورحمة الله،الله يعطيكم العافية ويسهل عليكم ويرزقكم من خيره.
أختي بنت الخليج الحمد لله على السلامة وما خاب من توسل بالنبي واله .
نسألكم الدعاء خواتي لي ولجميع المؤمنين والمؤمنات عند الأئمة الاطهار وعليكم بالعافية زيارتهم سلام الله عليهم اجمعين.
أول مرة ادخل تجمعكم يالعراقيات وفي بعض الكلمات ما فهمتها .الله يحفظكم.
اختكم ميعاد من تجمع حوامل القطيف.

[زينب السعدي]

اللهم صلي على محمد وعلى اله وسلم وعجل فرجهم الشريف
الف الف الحمد لله والشكر يا بيداء والحمد لله ع سلامتج ومو غريب هالشي ع اهل البيت ماخاب من تمسك بهم وامن من لجأ اليهم والله يا بيداء كنت دائما ادعيلج واكول ياربي لخاطر اطفالها والحمد لله الي عدت ع خير وعسى ان تكرهوا شيئا وهو خير لكم فقد تكون هذه المرحلة صعبة بس علمتج الصبر وانطتج الايمان وزادت تمسكج بالله وباهل البيت
فرحتيني هواااااااااااااااااي يابيداء والله ليحرمنا من طلتج علينا ..الف الف مبروك
اهلا وسهلا باخت ميعاد نرحب بيج وباهل القطيف وحياج الله ..هم عدنا وحدة من بنات الاحساء تجي بتجمعنا ياريت لو تنضمين ويانه وحتستانسين وااااايد اما بالنسبة للهجة فمافي مشكله عندنا مترجمين ههههههه

[أم أيهومي]

بيداااااااااااااااااااااااااء الف الحمد الله علسلامه حبي والله ظل بالنه عليج والله اقرا بكلماتج بالبدايه ودمعت عيوني بالفعل ماخاب من دعاهم وتوسل بيهم والحمد لله انه ازمه وعدت على خير بس اني اكيده انه انتي صرت انسانه قويه ومؤمنه اكثر
امانه بنات الي اتزور تدعيلي لانه زوجي مريض شويه ويارب يشفيه مثل مشفى بيداء وكل الناس المؤمنه
زنوبه حبي اشلونج دلب
كوكي وتوته شخباركم
بقية البنات يارب اتكونون بخير
ميعاد منوره غلاي هلافيج ونتشرف بأهل القطيف..