تجمع حبيباتي الكروشات اللي راح يولدون بشعبان

[Nuttela]

انا هذا اول حمل ومرعوبة من الولادة الطبيعية ابغي اخذ ابرة ظهر بس كل اللي حولي يخوفوني

ايش تنصحوني؟

[na3ooma]

النصيحه انك تستخيري وتسوي اللي انتي تبغيه بدون اي تأثر بالاراء
يعني الناس اللي اخذتها تمدح ومقتنعه واللي ما اخذوها خايفين ,
هي قناعات وبس ,,
الابرة مالها اضرار وسنييييييييييين يستخدموها في عمليات كثير مو بس ولادة
حتى والدي اخذها وهو كبير بالستين وقالو افضل من تخدير كامل يتعبك , ماقالو بتنشل !

انا مو باقنعك , بس بأقول الطب اتطور مره والابرة شي مو جديد خلاص والتجارب مليانة.

علشان كدا رأيك انتي في النهاية هو اللي لازم يمشي وانتي تقرري وتستخيري
وانتظري ليوم الولادة وشوفي كيف وضعك يومها
يمكن سبحان الله تروحي وهو مفتوح اكر من 6 او 7 وقتها اتيسرت وماتحتاجيها
او تروحي وتصادفك امور بتطول ولادتك والله العالم وقتها انتي قرري


اسهل شي يساعدك انك تروحي لدكتور التخدير بنفس المستشفى اللي بتتابعي وتبغي تولدي فيها
كلميه واستشيريه وخليه يشرح لك , علشان تكوني عارفة دكتورك اذا احتجتي له يومها .

انا اعرف دكتوري ويعرفني وجربته من قبل الحمدلله , واذا رحت وولادتي مطولة ولسه رحمي 3سم او اقل اكيد ان شاء الله باطلبه , واذا ربي كرمني وكان مفتوح عنف الرحم 7 سم مثلا ماراح اطلبه .. يوم الولادة باذن الله تتضح الامور
وبالنهاية الولادة تجربة ماتخوف ,,مؤلمة دا شي طبيعي بس لايكلف الله نفسا الا وسعها , ساعات وكله بيروح .