تجمع الأمهات اللاتي سيلدن بشهر *ربيع الثاني* 1433

[Eimo]

مساء الخير يا احلى كروشات
أخباركم ؟؟؟
ام مناير الف مبروك وان شاء الله تطلع بالسلامة

[ام سهــــــــاد]

يسعد مساكم كرووشات اند رشيقااات
كيفكم حبيباتي لاااااااااااااااااااااااااااااااااااااااااا لساتني مافكيت البقشة امس مشيت عشر دقايق وماقدرت اكمل وصحيت من النوم اليوم ع الدرج نزلت وطلعت وتعبت بقوة .. مغص خفيف يجي ويختفي وربي اذا جاء اطير من الفرحة كاني ولدت وشوي ويختفي ..



ام مناير الف مبرووووووك وان شاء الله تطلع بالسلامة >>> وش السالفة بنات كل المواليد يدخلوا حضاانة على كذا لازم الوحدة تختار مستشفى فية حضانة عشان لاسمح الله تتفادى اي عوائق .. والله يجيب نونتا بالسلامة يارب ....

بنات وش يعني العود اللي تتبخروا فية مافهمت ..

شهرزاد قلبي ان شاء الله انتي بعد لموني تولدي انااا حاسة انها ولدت بس ماقدرت تدخل ..

ام جنى هونيها اهم شي النفسية لاتخرب ..
ام عزوز مبروووك الولادة <<< اقصد افتتاح الصفحة خخخخخ احس ودك تطقيني ..

تصدقوا بنات صايرة انام كثيييييييييييييييير اتوقع هرووووب من الواقع وااااااااااح بس ما يطفش نومتي الا لما اتقلب ..

يالله صبايا الحين اقوم اصلي وانظف المطبخ وبطلع عند اختي امشي وان شاء الله نص ساعة امشيها ..

اشوفكم بالليل او بكرة وفي اخبار حلوة يارب ...

[ام سهــــــــاد]

مراااااحب ايمو الكروشة تسلم ع كرشتك ...

[Eimo]

الله يسلمك
اهم شيء لا تتبعي نفسك
شكلها الكرشة ناويه تطول
تصدقين. السونار معطي وقت ولادة بكرة
بس على اساس الدورة يوم 18 مارس

[سحـآب]

اللهم يا فارج الهم فرج همنا واخرجنا من حلق الضيق الى اوسع الطريق برحمتك ندفع مالا نطيق

اللهم يا مخلص النفس من النفس خلصنا يا واحد يا احد

[دلع سارة]

ايمو ..ام سهاد ..سحاب

يا هلا فيكم ....منورين يا الغاليات

سهاد ..سألتي عن العود...هو الخشب البخور اللي منه يطلع دهن العود
ينباع في محلات العطور والعود زي العربية للعود والماجد والقرشي ووووو كثير اماكن
ريحته تجنن وسعره حسب جودته يكون اغلى
وفي عود عادي معطر للبيوت رخيص برضوه حلو احلى من المبثوث والمعمول
اسألي عن العود الكمبودي راح تدمني عليه
هذه صورته ..انا مستغربة في ناس ما تعرف العود خصوصا انه بالسعودية مايخلى كل بيت منه

[وايليه كول]

السلام عليكم,,

بنات عندي مشكله وحابه اسمع رايكم وتساعدوني

اذا فاضيين قولوا لي

[سحـآب]

أيه معروف العود

وايليه أحنا في الخدمه

[سحـآب]

- يا خالق النفس من النفس يا مخلص النفس من النفس يا مخرج النفس من النفس خلصني
- ( اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق الى اوسع الطريق ، بك ادفع ما اطيق ومالا أطيق ، وصلى الله على سيدنا محمد وعلى آله وصحبة وسلم )

[وايليه كول]

مشكوره سحاب
مشكلتي ماثره علي نفسيا

انا بكريه وعلى وشك ولاده رحت عند امي عشان ماعرف اذا جاني الطلق وكيف ادبر نفسي والان صار لي شهر تقريبا
المهم اتعب من تصرف زوجي ماعنده اسلوب بالتعامل يعني يسافر ولا يقولي ادق عليه فجاه يقول انا مع خواتي بالمطعم والا موديهن سوق
هو مادي درجة اولى يعطونه فلوس ويروح للي يبغون لو اخر الدنيا بس كمايدفع ريال
حتى انا يازوجته اذا سافرنا لازم النص بالنص بحكم اني موظفه و اللحين ماعطاني مصروف يقول عند اهلك تاكلين وتشربين
انا ماهمتني الفلوس الحمدلله قايمه بنفسي بس يقهرني تطنيشه
اليوم دقيت على ابوه اسلم قلبها علي ليه تاركه الولد وليه ماتجين تقومين بي لان مرته مسافره برا تتمشى وبناته مايهتمن فيه
وقام يشتكي من زوجي وتصرفاته معه يقول اذا ماتبغينه اطلبي الطلاق !!
المهم دخلت دوامه واللحين زوجي مارديت على مكالماته لانه دقيت عليه ابغى المستوصف يقول انا مع خواتي بالمطعم
ابغى رايكم اكلمه والا اطنش لان صعب التفاهم معه اراح اطلع بنتيجه غير المغثه لي