<< اختكم حامل وكانت سمينة قبل الحمل (وبديت التحدي ) !

[newlife]

السلام عليكم - صباح الخير للي صاحين بدري ^ـ^

اخواتي معليش على الرد المتاخر !! ظروف ومشاغل

---

بالنسبة للدايت :- والله هو مو دايت ولا هم يحزنون اللهم تنظيم ( للي يدخل البطن ويملي المعدة )

اهم حاجة اختيار الغذاء اللي فعلا يكون مفيد مو بس نملي المعدة بدهون ودسم !! عشان ايش ؟؟ عشان حامل :|

النظرية هذي غلط والصح (الاختيار السليم )

---

وانا بعد اللخبطة اللي طيحوني فيها الحريم الكبار بالسن ( الجداااات ) + لخبطتي انا

رتبت جدول يمشي على اساس ساعة المنبه ^ـ^

6 وجبات يومية .... لاحظو 6 عشان الحمل ماقلنا 3 بعد

الصباح اول مااقوم على الفجر اشرب موية احاول اشرب لو قارورتين حجم صغير على دفعات الين

الساعة 6 << كوفي + توست شريحة وحدة + شريحة جبن او لبنة او جبن مالح (تغيير عشان لا اطفش )

الساعة 9 ص كوب حليب قليل الدسم + حبة فاكهة ( تفاح - برتقال ..... اي شي )

12 مساء ( غداي غير غدا زوجي :s ) اسوي لي بمكيال الاكواب (اصغر من الكبير مدري كم حجمه) مكرونة مسلوقة + تونة وذرة وملعقة صغيرة مايونيز + صحن جرجير

3 العصر كوب حليب وحبة فاكهة

6 المغرب زبادي قليل الدسم + ثلاث حبات تمر

9 بالليل كاس موية واحاول انام بدري ..... وجنبي موية


اظل على النظام هذا اسبوع بعدها ادخل تغيريات بسيطة مثل بدل التونة صدر دجاج مسلوق + خس ..... وانتو واختياركم عاد لاتنسو الخضار والماكولات البحرية في فترة الغدا اهم شي ..


وملاحظة بسيطة :- هذا جدول من راسي انا - ممكن اي وحدة تعمل لها نظام خاص فيها

اهم شي تبعد عن الككاو - الفاست فود والاكل اللي مش صحي عموماً !!! تبعد دوماً وابداً !!!


حاولو تمارسون رياضة المشي علي الاقل ...... انا ظروفي ماسمجت لي بالمشي طوال الفترة اللي راحت واحتمال اني ماادخل النادي بسببها

لكن يارب اني اقدر اسجل الشهر هذا ياااارب - دعواتكم

^


^



بالنسبة للكوفي - دكتورتي قالت لي مافي مشكلة كوب كوفي لليوم الواحد .... (:

لكن حبذا لو كل حامل تستشير دكتورتها الخاصة -

او اللي يناسبكم اهم شي كل وحدة تخطط لنفسها حسب نظام حياتها اليومية والتزاماتها

^

^

الهدف من اكل الوجبات بوقت محدد هو تعويد المعدة علي استقبال الغذاء بانتظام من غير لخبطة ....


خارج نطاق الساعات المحددة اشربي موية اي لحظة جوع <<< موية


^

^

الخبر الحزين اني مامشيت على الجدول ورجعت لل80 كيلو ههههههههههه ضعفت قدام الفاست فووووود !!
واليوم بداية جديدة ولنا لقاء مع محاولة ثانية وراح اوافيكم بالاخبار ^_^