دردشة حوامل أهل القصيم - دردشة بنات القصيم - تجمع حوامل القصيم

[Alih]

شمس الامل ماتشوفين شر يارب وارتااااحي لاتجهدين نفسك الله يعينك ويسهل عليك
منور عندك الحبيب مرة حلو وابره الظهر انصحك فيها وبقوة كل الاجانب يسوونها وحنا الي يسويها يجحد ومايحبون الخير او يبدون يتشكون علشان ماينضلون
بنت عز الله يسهل عليك يارب وعقبال البشاير
ام اسلامه ماعندي فكرة الله يسر امرك
اي اي ايوة حبيبتي تروح مع الاستمرار علئ زبدة االكاكاو او زيت الزيتون

[مولي1]

مشكورة
حبيتي عالية والله يوفقك ويسعدك يااارب ويحقق لك ماتتمنين ..

[مولي1]

صبــــاح الخير 🌹


كيف حـــالكم ...!!

انا دخلت الأسبوع 36 من الحمل ابغى أعرف يكون بأي شهر الثامن ولا التاسع ...!

نصيحتكم لي متى أبدا بالمشي وهل يكون بشكل يومي ولا عادي كل يومين او ثلاثة ..!!



ودمتم بـــود ..

[حلمي اتنفسك]

السلام عليكم بنات
كييفكم؟؟
إن شاء الله بخيير
.. أناا رحت للدكتوره ساجيلا يوم الخميس اللي فات ... كنت حأبه آروح لأنصاف بس سمعت أنه مأخذه أجازه ~ » ياريتني سألت وتأكدت
دخلت واخترت ساجيلا على طووول » بدرري إللحين أتندم

عاد قالت لي تعالي السبت وأعملي أشعه
وجيتها السبت كان مووعدي الساعه 8 م وأناا جيتهم 7 وربع وبعد طابووووور طووويل دخلت غرفة الأشعه عالساعه 9 إلا ربع واستحملت يدهاا الدفشه هالدكتوره مادري الممرضه فلبينيه الله يااخذها والله مأسامحهاا على الدفاشه اللي سوتها ~ تضغط بقوووه على بطني
ولمن اقوول لهاا خفي يدك وجعتيني تقوول انتي هناا وجع وهناا وجع أناا فين في حطي » حسبي الله عليهاا دمعت عيوني من الألم حتى أمي صارت تقول لهاا شوي شوي وهي تنافخ ... خخخخ آخر شيء قمت أرفع معنوياتي قلت إلحمدلله أنه أنا مطالبه يكون عندهم أشعه واحده يعني ماراح أطالب بواحده 2 » إصبر نفسي
المهم وبعد كم دقيقه دخلت على ساجيلا بسس ماطولت على طووول طلعت من عندها
كان مهدوود حيلي حتئ أمي فديتها تعبت
كنا مجهزين أسئله اتبخرت من طوول الانتظار
» وبث


ادعواا لي بنات بتسهيل الولاده » حدي مرعووبه
لمن يوجعني شوي بطني أررجف وأسكر رجلي وإحاول أنووم نفسي
» أمي معصبه علي بسبب هالحركه
تقول ماراح ادخل معكي إذاا ماراح تساعدين بالولاده
يااااااارب أعطيني القوووه

[حلمي اتنفسك]

المشاركة الأصلية كتبت بواسطة a_a

صبــــاح الخير ??


كيف حـــالكم ...!!

انا دخلت الأسبوع 36 من الحمل ابغى أعرف يكون بأي شهر الثامن ولا التاسع ...!

نصيحتكم لي متى أبدا بالمشي وهل يكون بشكل يومي ولا عادي كل يومين او ثلاثة ..!!



ودمتم بـــود ..

اختي أناا الآن بالأسبوع 37 » ماعرف إذا ببدايه التاسع اوو نصه إن شاء الله واحده 2 تقدر تفيدك بهالشيء
... أما بخصوص المشي قالت لي الدكتوره لمن جيتها آخر مره اللي هوو يوم السبت. أمشي مرتين باليوم
مره الصبح نص ساعه ومره المساء نص ساعه

[مولي1]

أهلين أختي
حلمي أتنفسك ..

أنا من بداية حملي اراجع عند د/ إنصاف
وفعلاً هي حالياً في إجازة لها أكثر من أسبوع .. عند موعد الاسبوع الجاي أشوف عنها اذا رجعت وأعطيك خبر .. ويااارب ترجع قبل ماأولد مابي أحد يولدني غيرها ..

ومشكورة ع ردك .. بخصوص المشي انا مامشيت الا مرره وحده بس قبل اسبوع ..

[بنت عز]

مشكوووره عاليه ع الدعوه اختي .. منوره تسلمي ع النصايح يلا والله طمنتين انا لي 4 يوم عديت موعد ولادتي وبقووه خايفه ربي يسستر ولافكرت اروح لهم يلعبون فيني >_< متى ماجاء وقت خروجه من رب العالمين رحت

[بنت عز]

اللهم صلي على محمــــــــــــــــــــد

[ميمي 23]

مرااحب صبايا
يعني دكتوره انصاف احسن من سجيلا ؟

[Alih]

حبيباتي الي طلبو جدول الاسابيع
الشهر الثاني: 4 اسابيع و4 ايام تدخلين الثاني

الشهر الثالث: 9 اسابيع تمام تدخلين الثالث

الشهر الرابع: 13 اسبوع و3 ايام تدخلين الرابع

الشهر الخامس: 17 اسبوع و6 ايام تدخلين الخامس

الشهر السادس 22 اسبوع و2 يوم تدخلين السادس

الشهر السابع: 26 اسبوع و5 ايام تدخلين السابع

الشهر الثامن: 31 اسبوع و1 يوم تدخلين الثامن

الشهر التاسع :35 اسبوع و4 ايام تدخلين التاسع

نهاية التاسع 40 اسبوع و3ايام

والبكر من الطبيعي تاخذ اسبوع من العاشر يعني يكون الحمل 41 اسبوع