تجمع رعاية الطفل من عمر 1 سنة إلى 3 سنوات

[Compassionate Heart]

عيش الحياة
هلا فيكي يا غاليه ربي يسعدك ترجمة اسمي (( رحيمة القلب )) ^_^ يعني هذا مو صعب يا كسوله هههههههههه ربي يحفظك انتي عندك اطفال او حامل حتى كسوله

[عيش الحياة]

عندي ولد عمرة سنتين ونص وحامل اه اه عشان كد كسولة

[Compassionate Heart]

ماشاءالله ربي يخليلك هو يارب و يحفظو ربي يفرح قلبك بشوفت ضناكي بعافيه وصحه يارب ربي يتمملك على خير يا قلبي

[احساسة مختلف]

الاخوات الي يقولون ان بناتهم مايكلون بيض انا بنتي عمرها سنتين كانت ماتحب البيض بس مرة سويت لها بيض مسلوق وحطيت علية كتشب وربي انة اعجبها وصارت تحبة اتمني اكون افتكم

[ام برهووم]

ولدي عمره سنه وشهرين
مره نحيف
كل الي حولي ماشاءالله عيالهم تخمين

[عيش الحياة]

الله يحفظو
بس اذا ولدك بحيوية ونشاط ويلعب زي باقي الاطفال ونومو كويس خلاص لا تشيلي هم هو بنية كدا وكثير اطفال مثلو

اهم شي احرصي على الفواكه والخضار واللبن ونوعي في اكلو

واصلا الاطفال اكلهم صار شي يعقد ما يأكلو تطلع روح الام والطفل ولا على بالو الله يهديهم ويفتح شهيتهم للأكل

[اوراق التوت]

مرحبا
انا بنتي عمرها سنة وشويه ومعاها امساك مزمن
استخدمت لها تحاميل ودوا مانفع معاها
والاكل ماتاكل ولا حتى الفواكه
كل اكلها الرضاعه
ايش اعطيها؟

[om salma92]

السلام عليكم ورحمتة الله وبركاتة انا بنتى عندها سنةومش عايزة تاكل خالص عايزة ترضع بس وهى بتطلع السنتين اللى فوق
اعمل معها اية لانى تعبت

[عيش الحياة]

اوراق التوت

حطي لها مع رضعة الحليب في الصباح بس ملعقة صغيرة زيت زيتون
وحاولي تعملي لها عصير برتقال طازج يوميا 3 سم او 4سم وحليه بالسكر
ولا تخافي عادي الامساك مع الايام بروح لا تشيلي هم وحاولي تدليكي بطنها بزيت زيتون دافئ بحركة دائرية وبخفيف

[عيش الحياة]

ام سلمى
لا تخافي في هذا العمر الاطفال متعبين جدا في اكلهم بس اهم شي دائم حاولي معاها في الاكل في كل وقت وبهدوء وانت تضحكي معاها لاتعصبي منها ابدا
اعطيها تفاح مقطع قطع صغيرة تأكلو بيدها واعطيها عصيرات طازجة واعملي لها مع الحليب بسكوت الاطفال حطي حبيتين او ثلاث مع الرضعة اسمو بسكوت يذوب في الحليب من اي شركة وتقدر تأكلو بيدها
اسلقي جزر بنفس حجمو سلقة خفيفة واعطيها هو تأكلو
كل شي تعرفي انها تحبو اكليها هو بطاطس مقلية معكرونة بشكل الدوائر
وان شاء الله فترة وتعدي