تجمع قسم النفاس,تجمع خاص لنفوسات

[آروى الورد]

هههههه فديتك شهره

ام جنى ماقصرتي على هالوصفات

انا شريت خيمة البخار وقبل لا ادخلها تروشت وسويت سنفره وبعدها نشفت نفسي ودهنت جسمي بالصابون المغربي ودخلت الخيمه جلست 15 دقيقه ماتحملت الحراره ورجعت اتروش وقبل لا اغسل جسمي فركته بالليفه الغربيه والله طلعت بلاوي

الحدلله حسيت بعدها بأنتعاش ونعومه ونظافه

الاربعاء راح يكون اخر يوم لي نفاس بستخدمها مره ثانيه وبرجع لزوجي الخميس

وناويه اصبغ شعري بس للحين محتاره باللون زوجي من زمان يطلب خصل حمرا بس ماني مقنعه باللون متردده

وبسوي بدكير ومنكير وبشقر وجهي وحواجبي وبحف

وراح انقش بأذن الله

وبلبس فستان سهره نااعم وقصير

وشريت شموع حمرا شكلها روعه وورد مجفف احمر ام جنى نصحتني بفكره حلوه للغرفه وراح اطبقها ان شاء الله

وانتو بنات وش قررتو تسوون لما تخلصون

[أيوش الحلوة]

السلام عليكم يا بناات وحشتوووني

انتو هنا وانا بدور عليكم ههههه لولا حبيبتي ام جنى دلتني انكم هنا

مممم انا باقيلي 5 ايام تقريبا و بكمل الاربعين
هههه مبارح ظنيت نفسي خلصت وقمت الحق الصلاة بسرررررعة ولما خلصت اكتشفت اني كنت غلطااانة << فشلة ههههه

ام جنى شكرا حبيبتي عالخلطات انا فعلا لازمني

سمار البطن و الفخذين رااااح اموت من منظره
و هذي الخطوط البيضاء كمان مليت منها
و الله ما عملت شي لنفسي الا قصيت شعري

صحيح بنات بالنسبة لاوزانكم كم نقصت بعد الولادة

تصورو أنا طولي 169
الوزن المثالي 65
قبل الزواج كان وزني 65
وبعد الزواج بسنة صاااار





75 واااااااااااو دووووبة


بالحمل زدت 4 كيلو اول كم شهر
و بالشهر الثامن رجعت 76
و التاسع 75
و بعد الولادة باسبوع 70
و بعد الولادة بعشرين يووووووم



رجع وزني 67
و الحين مبسوووطة رجعت رشيييييقة و بامكاني البس كل ثيابي اللي ابيها

^_^
<<<<< قصة حياتها
وانتم ؟

[سحـآب]

صبـآح الخير

كيفكم ان شاءالله بخير وكيف الهمه


أروى كل الرجال يحبو الصبغه الحمرا مدري ليش انا كمان زوجي كل مااقله ايش رئيك يقلي احمر وانا ابد مو مقتنعه

وبعدين ايش هيا الفكره اللي بتسويها يمكن نقلدك

والله انا عن نفسي مره حايسه ولا عارفه ايش اسوي وايس اخلي ولدي الله يحفظه لا جا ينام بس يبكي الله يهديه

وتعود ع الهز

طبعا استنا الاسبوع الجاي عشان ابدا الشغلع عن نفسي

وبالنسبه للوزن حدث ولا حرج انا وزني مره زايد ومانقصت الا 8 كليو في اول اسبوع والحين مدري والاكل ادا بتـأل صاحي ماقدر اكل ولا اسوي ولاشي لانو الصباح كلهم في الدوامات حتى امي وباقي الوقت ادور النوم

امس جبت الممرخه وسوت لي شوي تقول ماابى اشد عليكي لانك قيصري ربطت بطني طبعا لي فتر ه والله يسهل ويكتب لنا الخير يارب


شايله هم رجعتي البيت وعندي اختبارات نهايه شهر 6 ربنا يقدم اللي في الخير يارب يارب واخلص ع خير واتخرج

واذا احد عندو نصائح افكار بليز لا يبخل ترى اختكم ماهي عارفه ايش تسوي وايش تخلي

ماني عارفه ايش اشتري لزوجي هديه

ولا عارفه كيف اول ليله اروح البيت كيف الوضع وكيف اسوي حركات وولدي ايش اسوي معاه وانا عاد زحمتي زحمه ملابسي كلها معايه مين بيرجع يرتبها لي مره ثاني ياربي تسهلها

ودعواتكم

[shohrah]

مساء الورد يا حلوين

من ةرانا يا أم جنى تعلمين أروى حركات

أنا يمكن قلتلكم زمان وأنا في بداية التاسع
اشتريت من وحده في النت أبجورة البحر
ونزلت قضيت لي شوية ملابس ولانجري
ناوية لما أخلص ان شاء أضبط البيت بالشموع والورد
والأبجورة فيها مشغل ام بي ثري
بأشبكها على الجوال وأشغل صوت أمواج بحر يجننن حملته من النت وداخل معه ميوزك هاديء
اللي ما تبغى موسيقى لقيت مقاطع صوت أمواج مع صوت نورس البحر بدون موسيقى
راح يكون الجو خيال
سويت تجربة في ببت أهلي انهبلوا أخواتي
هذا الي بسويه لحد الحين
شعري مو ناوية أغير فيه شيء
لأني مبسوطه انه طال وماصار مقصف الحمد لله بأهتم فيه اكثر وعلى الصيفية اصبغه ان شاء الله
امممممممممممممم ايش كمان
ايوه نفسي اجيب ممرخه ووحده تشيل حلاوة
بس باقي ما أعرف بسأل وادور لين القى

ترى مانسيت قولولنا الفكرة يا أروى وأم جنى

[آروى الورد]

هههههههه يما يما كلتوني

وش الفكره عاديه وحلوه ومعروفه راح احط الشموع على التسريحه وبالارض مع بلونات حمرا وانثر الورد المجفف وافكر اشتري مفرش احمر ساده وحرير بيصير الجو حلو

شهره مره روعه فكرتك شكلي بسرقها ليوم ثاني

سحاب ياقلبي الله يعينك حتى بنتي متعوده ع الهز وشكلي بصبغ خصل حمرا دام زوجي وده فيه مؤقت بالصيف بغير اللون ان شاء الله

ايوش يارب توصلين للوزن الي تتمنينه وبالنسبه للخطوط البيضا والله من جد معاناه

الله يعين يارب ونطلع حلوات بعيون ازواجنا

[همس شعوله]

كيفكم رشيقات
واخيرا فكينا البقش الحمد لله
انا لي اسبوعين والده
طبعا بطني اربطها بالمشد الاندنوسي والشماغ
وادهنها بزبده الكاكو من قازلين وزبده الشيا من جرجنز وكريم من فازلين ازرق الظاهر مكتوب عليه رينول نفس اللي حاطتها ام جنى خلطه الخطوط البيضا وان شااء الله تروح وتجيي نتيجه البطن مره سايره شوارع من الخطوط خخخخخخخ
لرقبتي من امس بديت لفركها بالليمون عسى تفتح شوي
وشريت صابونه البابايا اتروش فيها امممم وش بعد ابسوي خلطه بياض الثلج مره حلوه كنت اسويها وانا عروس بس الله يعين عالريحه
بس مو الحين مافيني حيل
الخطوط للحين ماطاحت بعد اسبوع طاحت بس العقده وباقي للخيوط للحين احس فيها تشد مرات ومدري هي راح تطيح ولامن النوع اللي يدوب ماقالو لي في المستشفى
نفسي انو عندي ميزان ابعرف كم صار وزني لاني كنت كلي مويات ماشاء الله عليك ايوش بطله حافظي عليه
باقي اروح لوحده تمرخ مدري متى عاد. اللي تعرف وحده شاطره بتبوك. تدلني عليها وباقي باطهر ولدي عالسبوع الجاي ان شاء الله يكون له عشرين يوم
اممممم ايش بعد احس كلامي كثير خخخخ
اي شهري مدري وش اصبغه محتاره والقصات ايش الجديد. للشعر الطويل اببدا ازيت شعري واهتم فيه شوي بداء يتساقط من الحين
شهره حلوه فكره الابجوره ماتنباع في السوق احسها تعطي جو استرخاء وروقان
سحاب الله يخليلك بتال مره حلو اسمه الهديه خذي له قلم ولا كبك او عطر بس انا اشوف انو هو المفروض يجيب لك هديه مو انتي بس اذا حبيتي تهدينه على انها من ولدك وبراحتك
كيفك اروى الورد ماشاء الله عليك ان شاء الله ترجعين عروس لزوجك.
اللاحمر احسه مو حلو قولي لنا ايش صبغتي بعدين وكيف طلعت

*

[دلع سارة]

يسعد ايامكم بنات
مشتاااااااااقة لكم كثير والله

بس ما اقدر ادخل النت كثير ادور بس وقت للنوم ... وماشاءالله زواري لسى ماخلصوا
يدوب يوم او يومين مايكون في احد اما باقي الايام كله بزي

عالعموم بس ارجع شقتي وانظم وقتي وادخل معكم

بنات باقي لي 10 ايام واخلص الاربعين
اممممم عندي مشكلة ... احس بألم مكان الخيوط اللي على الجنب بجلد المؤخرة مو اللي داخل المهبل
يوجع مرة ومشيتي غير مستقرة بسبب هذا الالم وماما تفكر الخيوط ماطاحت او مشكلة بالخياطة نفسها
طبعا بروح الدكتورة قبل نهاية الاربعين بس الحين شسوي ومين جاها مثلي وكيف تعاملت مع الالم ؟؟؟؟

[ام جنى24]

زيييين يابنات تنشطتووووو عساكم ع القوووه انا لي يومين بدت بلخلطات مزبوط خلطة بياض الثلج وجبت زيوت للجسم ادهن جسمي فيها واجيب ملح خشن وسكر اخلطهم واروح افررك جسمي فيها وبعد ما اخلص حمام اروح ادهن جسمي كلووو بزيت اي زيت عندك لوز ولا خروع ولا جونسون واربط بطني بشماغ واطلع
طبعا شعررري ماسويت شي فيه صاير طويل شوي ونااويه اقصه فكتوريا وفراوله تجي القصه روعه والصبغه عسلي
بس الفستان للان محتاره كل يوووم لي براي فكرررت اجيب قماش الترتر اكيد تعرفونه بجيب لون احمر او نيلي وافصله مشخلع بقوووه يعني من وراء كانووو تنوره طويله وحبل مكان خط السنتيانه ومن قدام عادي قصة سنتيانه وفيها حبل ربط ع الرقبه ونفسي انقش اسفل ظهري يطلع مع الفستان المشخلع حلوووو ومررره يكون باااين وبسوووي فتحه لنص الفخذ تايدوووني بنات ولا ماله داعي انا لازم طلعتي تكووون سبشل ههه لان بتخريجتي من الاربعين بعدها بيوووم ذكرى زواجنا ولازم نسووي حفله وبخليها ليله وحده طلعتي والحفله

[ام جنى24]

بنسبه لليله الرومنسيه مره بذكرى زواجي رحت اشتريت بالونات صغيره لون احمر ووردي وجبت ورد جوري احمر يمكن 6 حبات او 7 المهم وجبت من ستي ماكس شموووع حقت الفوحات الصغيره مجموعه كامله فيها 30 حبه وجبت شموع كبيره شووي كشخه تقريبا 6حبات وجبت مفررش ررروعه لونه احمر ممكتوب فيه اغاااني لمحمد عبدووو ولبس لمخدتين نفس الاغاني ورحت فرشت السرير واخذت وردتين وقطعتهم ونثرتهم ع السرير ونفخت كل البالونات بنفس الحجم وحطيت كذا وحده ع السرير والارضيه صغيره عشان غرفتي صغيره 4في4 ماكان فيه مساااحه كبيره عشان كذا كفى الورد الباقي اللي قطعته ونثرته ع الارض ورميت البالونات ع الارض زشغلت الشموووع وحطيتها ع الارض وع الكمودينا والتسريحه حطيت شموع الكشخه وحطيت ورد وفرشت سفررره ع الارض وجبت بيره تفااااح وفراوله وكاستين كشخه وقاتوووه طلع كنه وسكي ههههههه
وحطيت فشار وحركات ع السفره وشغلت الاستريوووو وكنت مسجله شريط فيه اغاااني مختارتها وقضينا ليله مررررره حلوه وطبعا جبت له هديه عطر من عبدالطيف جميل وغلفته وهو جابلي هديه ولمن دخل الغرفه تفجاء من روعة الغرفه جوناااااااان وطفيت المبات ومن كثر الشموووع كل شي وااااضح ورومنسي وبسسسسسسسسس
اللي مو رايح لفندق يلطش هالفكررره محلله هههههههه قولو ماشاءالله

[همس شعوله]

ماشاء الله عليك ام جنى الله يحفظكم
انا وانتي ولدنا بنفس اليوم
ماشاء الله وقت تخريجتك من الاربعين مره حلو.مع ذكرى زواجك اكيد يبغالك شي مميز حلو الترتر هو اللي طالع الحين بتطلعين طلعه حلوه ان شاء الله
*