الله يعينكم أخواتي أنا في البداية كان زوجي كذا يوميا يقرأ رسايلي يشوف من كلمني ومين كلمت لدرجة إنه إذا جاني رسالة ياخذ جوالي قبلي ويفتحها .. أنا الوضع عندي عادي ماتضايقت خليته على راحته بس كنت أقوله إذا الرسالة من وحدة من خواتي ما أسمح لك تقراها لأن يكون فيها أسرار عائلية ... وفعلا إذا كانت من خواتي عطاني الجوال غير كذا ماعندي مشكلة لأن ماعندي شيء أخبيه .. والله يابنات بطل هو من نفسه ,,, صار جوالي عنده طايح مايفكر يفتحه وأحيانا ينادي علي يقول جاك رسالة أو مكالمة ...
أنا لأن مريت بتجربة لقريبة لي عرفت إن الرجل إللي كذا يكون صاحب معاكسات وشاف من البنات الهوايل ودائما يتوقع يطيح في بنت كذا والله ماخرب بيت بنت عمتي إلا الشك من زوجها كان دائما يفتش وراها ويتصنت على مكالماتها وهي من أطهر البنات ولا أزكيها على الله بس لأنه هو صاحب غزل (الله يسامحه) طبعا هي ماصبرت على هذا الحال مع إنه يمووووت عليها وهي تموت عليه بس النهاية الطلاق وتشرد الأطفال مابين العمام والخوال ولا حول ولا قوة إلا بالله
فنصيحتي لكم خلي جوالك عنده ولا تحاولين ترفعينه عنه وخليه يفتش لين هو يمل ..
فيه مثل مصري حلو عاجبني مرررررررة (امشي عدل يحتار عدوك فيك) مادام ماعندك شي تخافين يكشفه خليه يرتاح وخليه يثق فيك وإذا جاك رسالة بالغلط أو مكالمة بالغلط قوليله عليها تزيد ثقته فيك
ومسألة منعك من السفر لأهلك يمكن من حبه لك مو قادر يبعد عنك (يعني إلتمسي له أعذار حلوة عشان الحياة تحلو وتمشي ) ولو منعك مرة مراح يمنعك على طول
طولي بالك عليه والزمي الدعاء له والأستغفار ورح يتغير وتشوفين بإذن الله تعالى
أأه نسيت كمان حاجة حب الإستطلاع إللي عنده والله عند زوجي يسأل على كل شاردة و واردة ويحب التفصيل الممل في الإجابة 
هذه بصراحة مزعجتني ودي أغيرها فيه بس مو قادرة إذا حصلتو حل لاتنسوني
06-14-2010, 03:39 AM
رد: انجدوني عطوني حل لعلتي
أم احمد 
جديد منتدى منتدى الحياة الأسرية والزوجية
العرض العادي
