مغتصبه من طفولتي وبعد شهر ملكتي

[شرف دمعه]

ربي يجزاكم كل خير انا محتاجه دعائكم اكثر من اي شي ثاني ..

الله يسعد كل من ردت علي ودعت لي بظهر الغيب ويوفقها ويرزقها من حيث لاتحتسب يارب

ومشكورات اخواتي ع النصيحه ..

اختي يازين الصبر..مو من قرايبي هم من اهل ديرتي

[اماني جميله]

الله يعينك مو عارفه ايش اقول لك الله يصبرك الله يوفقك بحيااتك والناس الا سوا فيك كده وللحين يهددونك لا تخاافي الدنيا دوااره وراح تدور الدنيا عليهم الله يساعدك ياقلبي

[سهم الاخوة]

اختي صاحبه الموضوع ربي يفرج همك نصيحتي لك الجئ الا علام الغيوب وكثري من الدعاء وروحي للدكتورة مختصه وبلغيها بقصتك وخليها تعطيك الحل ومن راي لا تبلغي خطيبك لان احتمال تنحل مشكلتك وتنتهي للابد وتعيش حياة جديدة هذا راي وانتي برااحتك وربي يفرج همك ويسعدك بحياتك

[sahab]

هلا اختي

بقولك حل وان شااء الله راح يفيدك

ثقي بالله ثقة عميااااااء

ورمي حملك وهمومك على ربك

وقولي ليش اخاف ربي معاي وبيسر امري

شوفي انا من يصير لي شي

ربي يساعدني ويطلعني لو انا في مشكلة ولا عندي حاجة

يعني اقرب مثل روحتي للمستشفى

صار لي سنة او اكثر قبل مأحمل وانا شايلة هم

كنت مرعوووبة ومافكر اني احمل مرة ثانية الا لمن اخلص

لان اتعلوزت وانا حامل بولدي

جات التساهيل وجاني الم خلاني غصب اروح المستشفى

وكنت دايما اقول الله وياااي ليش الخووف

كلمني الدكتوور والله عاااااادي كل شي متسهل وهذاني اراجع

كلها اسبوعين وافتك للابد ان شااء الله

وكل هذا تسهيل من ربي


سوي مثل ماقتلك وربي بيسهل عليك

وتزوجي وانبسطي

ربي يسعدك ويوفقك ويمسح على قلبك ويعوضك عن الايام الي عشتيهاا

[ام رهومه]

اكتفيت بقرأة اول الردود بصراحه مادري وش اقول
كل وحده جالسه تحقق وكأنها كونن
خلاص اذا انها تكذب عاد هذا راجع لذمتها
وبينها وبين ربها.وفي حال ان القصه حقيقه
اعطيها الحل واحتسبي الاجر ومانقول الا الي
بإذن الله يرضي ربنا..
شوفي يابنتي
اول شي فوضي امرك كله لله وانتي شفتي الي يردون عليك هنا كيف
واغلب الناس بس كذا كلام كثيييييييييييييييير بدون فائده لذالك ماراح
احد ينفعك الا ربك وكلي امرك له
ثاني شي خلي اخوك يكلم ولد جيرانكم ويتزوجك غصب عنه حتى لو فتره
معينه وبعدها تتطلقي المهم انه يتحمل غلطته حسبي الله عليه وعلى اشكاله
وان شاء الله تساهيل يا بنتي وماتدرين عن رحمة ربك كيف
ممكن بلحظه يتغير كل شي انتي روحي لطبيبة نساء وشوفي يمكن مو مثل
ماتعتقدين بس بكل الاحوال انتي وكلي امرك لله وربي بيعينك ويساعدك
وشيلي فكرة الانتحار من رأسك لانها مو حل ابداً وانتي من حقك تعيشي حياه
حلوه مثل كل البنات وهذي مشكله وربي بيعينك وتحليها يارب

[يارااا]

المشاركة الأصلية كتبت بواسطة sweet moon

انا ماشكك في مصداقيتك

لكن القصه مو مركبه على بعضها !!

يعني كيف اغتصبوك من عمر 7 سنوات الى 12 سنه

معقوله ماحسيتي بالم ماحد درا عنك لاام ولا اب ولا اخ ولا احد

وكنتي تروحين في كل مره وتستلمين

ترى حتى الطفله بهالعمر لا صار لها شي تحكي من باب الصدمه

مو من باب انها فاهمه تقول اليوم اختطفت والخ

او مثلا ابوك واهلك مادروا عنك يوم انخطفتي !!!

ماحد سال عنك !!

ونفس الشي يوم صار انخطبتي دقوا عليك المغتصبين

يعني ابفهم انك تتواصلين معاهم هالثلاثه

ولا حاسين بتأنيب الضمير وخايفين عليك واتصلوا يحموك من الفضيحه !!!!!!!

واصلا وش دراهم عنك ؟ وكيف دقوا عليك ؟؟ ومن وين لهم الرقم ؟؟

واخوك درا وقال ابحلها

وبعدين راح وضربهم وهجدت الامور !!!

يعني معقوله اخوك رجل شرقي ولا غربي ؟؟؟

مدري عن تفاصيل القصه ومدى مصداقيتها

لكن الله تواب ورحيم اكثر من عباده عشان تحكي لهم

لان احنا مابيدنا شي بس الله بيده كل شي

بالتوفيق

بصراحه انااا معها بهذا الكلام الي مغتصبه مره وحده او مرتين موو عطول السنين وساااكته حتى لووو صدقنااا معقوله ماصار حمل طول هالفتره وانتى تقولي ثلاثه شباب
لاحول ولاقوه الا بالله
الله يستر عليك

[شرف دمعه]

جزاكم الله الف خير واعذروني لو اني ازعجتكم ...

لكل من دعت الله يسعدها ويرزقها ويوفقها من حيث لاتحتسب ..

الله يسترع كل بنات المسلمين..

ام رهومه ياليتك اول من رد علي والله حسيت انك بردتي قلبي بردك الله يجزاك كل خير

اول وحده في اللي ردوا تقولي بنتي يعني حسستيني انك فاهمه معاناتي ..

ياناس للمره الالف انا ليش بكذب عليكم لااعرفكم ولاتعرفوني؟؟؟؟ليش اكذب ليش الشك؟؟؟؟

ماشكيت لكم همي علشان اكذب عليكم الله يجزاكم كل خير....

[مريم الحرز]

مرحبا اختي..
مرت علي حالات كثيرة تشابه حالتك..
ومن الحلول اللي عطيتهم:
1. إذا انتي تقدرين تروحين لطبيبة نساء عشان تكشف في البداية اذا غشا البكارة موجود أولا.. لأنو في بعض الأنواع من الأغشية لايمكن فضها أو فتحها إلا بطرق طبية.. فاحتمال ولو قليل انو الغشاء عندك ماتمزق.. واذا تمزق الغشاء هي الطبيبة راح تعمل لك عملية ترقيع أو أي عملية طبية أخرى.. لكن من الممكن انها تطلب موافقة اهلك.. وبما انو اخوك داري خليه هو يوقع على الاوراق لو طلبت الطبيبة ذلك..

2. اذا قدرتي تعملي اللي قت لك اياه في رقم(1).. فالأفضل ماتقولين لأي أحد قصتك حتى لخطيبك أو لأبوك أو لأمك.. والسبب انتي شايفته بعينك.. يعني الناس ماترحم.. وتزوجي وخلي الماضي وراك..

3. من المؤكد بنسبة90% انو صار عندك ردة فعل نفسية.. يعني اكتئاب أو وسواس أو أي اضطراب نفسي.. في هالحالة تحتاجين مراجعة طبيب نفسي وتخبريه بقصتك بالكامل.. بس يكون طبيب شاطر ويعرف الله في شغله قبل كل شي..

4. لاتسمعي النصيحة اللي تقول" تزوجي من غاصبك ليستر عليك" وانتي فكري فيها.. تقدرين تتخيلين مجرد تخيل انك تعيشين مع واحد سرق طفولتك وبرائتك؟؟!!

اختك:
مريم الحرز/أخصائية اجتماعية

[ام رهومه]

اختي مريم كلامك سليم ولكن عندي تعليق على النقطه الاخيره
. لاتسمعي النصيحة اللي تقول" تزوجي من غاصبك ليستر عليك" وانتي فكري فيها.. تقدرين تتخيلين مجرد تخيل انك تعيشين مع واحد سرق طفولتك وبرائتك؟؟!!

صح كلامك لو انها عايشه بمجتمع غير مجتمعنا
وانتي لاحظتي الكل طنش نفسيتها ومشكلتها الاساسيه
وبدأو يبحثون عن حل يستر الفضيحه صح ولا لا؟
هي ما امامها خيارات كثير ضروري بالاول تطلع
من مشكلة الفضيحه وبعدها تنحل مشكلتها مع هالزوج
النذل..فحتى ماتتعقد نفسياً اكثر وتتعرض للفضيحه
ونبذ المجتمع تقدم بعض التنازلات الله يعينها وترتبط
بهذا الشخص لفتره معينه فقط.. اتمنى تكونين فهمتي
وجهة نضري.. لاننا ببساطه لا نستطيع ان نفصل حياتنا
عن مجتمعنا..واعتقد لازم هالحقير يساهم في حل المشكله
ولو زواج صوري فقط .. يعني للناس مو لحياه طويله الامد
يعني زواج على ورق فقططط

والله يعينها ويوفقها يارب ويكتب لها الستر والسعاده

[شرف دمعه]

مشكوره اختي مريم الحرز وربي يفتحها بوجهك مثل مافتحتيها بوجهي ..يعني عندي امل لوضعيف اني

ممكن اكون لسه بنت ولو ماكنت اقدر اعمل عمليه اللي تقوليها ويتصلح الامر...

يااختي يمكن اقوى مشكله اعانيها هي الخوف من اي احد يلمسني حتى من اهلي ..والله اني اخاف من ظلي احياناً

ولا اجلس بمكان مغلق او مظلم ولا بين اخواني الشباب لوحدي ... ولا عمري طلعت مع الوالد او احد من اخواني

لحالي لاني صرت اخاف من كل الرجال ..لاكن المشكله لنفسيه مو اهم من مشكله الفضيحه اللي تدمر النفسيه والحياه..

مشكوره ام رهومه ع التعليق ..ربي يحفظ لك كل غالي...

لاحظوا يااخوات الاخصائيه الاجتماعيه شنو قالت ...

تقول مر علي كثير حالات تشابه حالتي ...