قصة ولادتي قيصري بعد مافتح الرحم 10 سم

[أبحار]

ما كان ودي اكتب قصة ولادتي
بس حبيت اتذكرهاا عشان جذي باكتبهاا بإختصار شديد

...........
من بداية حملي وانا اخاف اعمل قيصري لان في ولادتي الاولى عمليه
دايم ادعي يارب يكتب لي الخير لي قيصري ولا طبيعي
بعد ماخلصت شهري ب5 ايام وكنت مسويه تحريض (( توسيع عنق الرحم))
قالت الي الدكتوره العصر رايح يجيك طلق ولا جاني شي
الساعه 12 بالليل حسيت بوجع فظيع اول مره احس فيه كل ساعتين بعدها كل ساعه
ليين صار كل 20 دقيقه
رحت الطوارئ كشفووا قالووا 3 سم ولاده ..
خبرت زوجي قلت له اشرايك اروح البيت وانا اقووله كذاا جاني الطلق وشاف شكلي واناا اتوجع
قالي لا يمه اقعدي احسن ههههه
ومع الاسف ممنوع يدخل علي لاني ولدت في حكومي كان بينه مسجات
واتصلت لمرت اخوي لان كان بالليل .. وجاتني
لبسوني لبس الولاده وتخطيط وكل شي .. بس يذبح الطلق وووووايد يعور
بعدها الساعه 6 جاتني امي وخواتي ليييين الساعه9 الصبح كشفوو علي ومازال 3 ونص بس اتالم الم فظييع ..
امي شافت حالتي عصبت على الدكتور قالت سولها قيصري لان الم الي فيهاا والطلق المتواصل لازم يووصل 7 و8 سم.. عورت قلبي امي اطلعت براا تبكي
وانا اصاااااااااااارخ واتقلب بمووت
الحمدلله كله اجررر
الساعه 12 فتح 5 سم
العصررر فتح 7 واناا كله في آآآلام أموت وأحياااا وأصااارخ
جاني دكتور ودكتوره و5 نيرساات كلهم حولي ..كشفووا علي قالي 9 وشجعووني يلااا بووش وحاووولي
مب راضي يطلع البيبي وفووق هذا قررر الدكتور يعطيني طلق صناعي وقتها صارت الطلقات متواصله واناا آدفع ولااا اطلع بغييييييت أموووت ساعه كامله واناا آدفع ليين قرروا لي عمليه
وحتى في غرفة العمليات واناا آدفع مايطلع والنيرس اتصارخ علي لا تدفعين سكرو رجلي بحزام السرير عشان يجهزون عدة العمليات
صرررخت عليهم قلت لهم بسررعه عطوني بنج بمووووووووت
في هاللحظه ماكانت ابي شي غير المخدر مابي احس بشي .. جاتني العبره واناا اكتب

بعد التخدير وعيت لقيت زوجي وراني صورت البيبي ماشاء الله كان بعافيه وهالسبب ماقدر يطلع بس بعدها بيومين خف صار ضعيف

بعدها جاتني امي وهلي كلهم
..........

الحمدلله كل عملياتي قيصري وكل ماتذكر ولادتي ذي احمد ربي وووووايد لان خذت اجر فيهاا
ترى الولاده حلووه بس ماراح اكررهااا
الحمدلله على كل حااااااااااااااااال

[Maiosh]

الف حمد الله على سلامتك ودعواتك ليا انا وجميع الحوامل ربنا يقومنا بالف سلامه

[حبي EE]

الحمدلله ع سلامتك حتى كان حجم البيبي كبير سويت عمليه

[ام واحبتها]

احم احم ههههههههههههه الصراحه قصتك تبعث ع التشجيع على الولاده
يماما

[ليلى الجميلة]

الحمد لله على سلامتك

والتعب منسي ان شاء الله

كلنا نقول اخر مره بس نرجع نعيدهاااااا

[magnum44]

الحمد لله ع سلااااامتك حبيبتي
وسلاااامة النونو ويتربى بعزكم ان شاء الله
والحمد لله ما دام انتي احتسبتي الاجر لله
ربي رح يفرحك ويعوضك ان شاء الله

[نسمة دفا]

طيب ليش ولدوكي عملية..ماهو السبب ..

الحمدلله على سلامتك أنتي والبيبي وربي يحفظ لك ماعندك ويسعدكم

[مناير999]

مبروووووووووووك
والحمدلله على سلامتك
والله يكتب لك الاجر

[حامل لأول مرره]

حلوه بس ماراح تكرريها

حرام عليكي في بكريات يقرو الموضوع :(

خوفتينا على ماحنا خايفين

الحمدلله مرحلة ومرررت قولي

يسلمو

[روعــ انثى ــة]

اللحمدلله ع سلامتك ويتربى بعزك كلها اجر عند رب العالمين
واعتقد بشوفك بعد سنتين في منتدى اعراض الحمل والوحام تقولين تتوقعون حامل طلع لي خطين ههههههههههه..