تجمع حوامل الأشهر الأخيره(السابع,الثامن,التاسع)

[شموخ الود]

المشاركة الأصلية كتبت بواسطة نوره الأموره

بنات انا قريت ايات الولادة في مويه وش رايكم ابدأ اشربها من اللحين او انتظر لما ادخل التاسع لأن فيها ايات قويه ردو علي الله يسعدكم دايم اسأل هالسؤال وماالقى اجابه

هلا نواره

شنو الايات الي قريتيها

ابدأي بالتاسع احسن لكك

[شموخ الود]

بنات وين تولدون ان شالله

عند اهاليكم ولا ازواجكم

انا ان شالله بولد عند اهلي بمستشفى الملك خالد بالحفر

الله يسهل ولادتي يارب

[نوره الأموره]

مثل الزلزله وايات سورة الصافات وكثير نسيت والله
شكلي باخليها بالتاسع زي ماقلتي

لا انا اهلي هنا بالرياض يعني ان شاء الله باولد واقد عندهم لين اخلص نفاس

عندي اختبار السبت ادعووولي الله يهون علي اختباراتي وولادتي والجميع يارب

[فوفو85]

عفوا على الدخول بس حبيت اسال واستفسر من ذوات الخبره اللي سبقونا في التجربه واتمنى تفيدوني
كيفكم كروووووشات الحمدلله انا بخير ولكني احس لين اللحين ان بطني ما صارت نفس الكوره احسها لين اللحين منقسمه نصين نص تحت السره ونص فوق السره والنص اللي تحت السره احسه منتفخ هل هذا شي طبيعي شوفو شريط حملي وطمنوني اذا انتو كنتو مثلي او لا
انا اخر الشهر بدش في الخامس وانا اللحين في نهايه الرابع

[Um-shaika]

المشاركة الأصلية كتبت بواسطة فوفو85

عفوا على الدخول بس حبيت اسال واستفسر من ذوات الخبره اللي سبقونا في التجربه واتمنى تفيدوني
كيفكم كروووووشات الحمدلله انا بخير ولكني احس لين اللحين ان بطني ما صارت نفس الكوره احسها لين اللحين منقسمه نصين نص تحت السره ونص فوق السره والنص اللي تحت السره احسه منتفخ هل هذا شي طبيعي شوفو شريط حملي وطمنوني اذا انتو كنتو مثلي او لا
انا اخر الشهر بدش في الخامس وانا اللحين في نهايه الرابع

حبيبتي البطن ما يقسى الا اخر الشهور يعني وضعج طبيعي وحتى الانقسام انا صادني بعد عادي

توني على نهاية السادس بدى بطني يصير قاسي ومشدود

[فوفو85]

مشكوره حبيبتي ام شيخه طمنتيني اختي وربنا يقومك بالسلامه اختي وان شاء الله في ميزان حسناتك

[بنت أبيها]

هلا بنااااااااااااااااات اشدنياكم واشلون الثقل وياكم

ان شاااااء الله بخير

تصدقوا وربي ماااا شاتهي اكل شي

بس الحمد لله بالغصب

اللهم عدي هالايااااااااام علي خير

وبشرونا عنكم

المشاركة الأصلية كتبت بواسطة أم محسن

السلام عليكم
منتدى جميل جدا تسعدني المشاركه وأتمنى الترحيب
أنا حامل بالشهر السابع وهذا أول حمل لي
قبل أسبوعين صار عندنا عزا ومن يومها وانا فيني اكتئاب ضيقه مو طبيعيه
ما يونسني شي
لدرجة البكا
حالتي طبيعيه وأحد صار له مثلي
أسمع قرآن كثير الحمد لله وما أشوف شي لا مسلسلات ولا أغاني ومع ذلك الضيقه ماتروح تخف وترجع
أتمنى ألاقي عندكم معلومات مفيده
والله ييسر للجميع

عظم الله اجرك تري هذا طريق الكل ماشيه

ما علينا الا الصبر وبالصبر تؤجرين

بارك الله فيك

وانا مقدره لان احنا عباره عن كتل ومشاعر

بس حاولي تندمجين مع المستقبل

والله يثبت ولدك قول امين

المشاركة الأصلية كتبت بواسطة ام رموس وحماده

السلام عليكم بنات انا في نص التاسع والثقل كل يوم يزيد لدرجه انام اتمنى اصحى بالولاده وترون حمل البت اثقل من الولد انا جربت
باركولي هههههههه شريت مفرش النفاس وملابس النونو ونصيحتي لكم خذو ملابس النونو وحطوها في منعم داوني اوكمفرت لان تيجي من السوق كم لها معلقه اومخزنه والتراب وكذا
فكوها ونقعوها في المنعم نص ساعه ونشفوها ونشروها ولما تنشف اطوها وحطوها في دولابه والله انامجربه في عيالي لماالبسهم جديده تطلع لهم حساسيه خبركم المولود جسمه حساس ولما اوديهم لدكتور يقولي الملابس الجديده هيه السبب وسلامتكم وحبيت افيدكم

مشكوره يا الطيبه علي النصيحه

في ميزان حسناتك

المشاركة الأصلية كتبت بواسطة faith-berry

السلام عليكم
أخبآآركم أمهات المستقبل وكيف البيبيهااات
اليوم دخلت السابع وحبيت انظم معاكم في التجمع الرائع
الله يتمم لنا ولكم على خير ونولد بالسلامه

احناااااا تمام ولله الحمد والمنه البيبي تمام

بالبركه علي انتقالك لنا

عسي الايام هذي خفيفه لك ولنا

المشاركة الأصلية كتبت بواسطة ام هزاااع

ياااربي ماعرف ليش احس الم في بطني
وبطني واااايد يااااابسه ع قولت البنات متحجره ماقدر ايلس ولا امشي طول الوقت بس ابا اتم منسدحه

وربي نفسك الله يكون بعونك

ما عليك الا الصبر

يتدلعوا البيبيات

المشاركة الأصلية كتبت بواسطة ايمان الكوز

مساء الخير يا حلى كروشات

حبيت امر وأسلم عليكم

وان شاء الله كلها اسبوعين والحقكم

والله السادس شكله طويل مرة

هلا وغلا والله فيك

ناطرينك كأحر من الجمر

كلها ايااااام وتعدي

وراح تكون من الذكريااااااااااااات

المشاركة الأصلية كتبت بواسطة بداية أنثى

السلام عليكم ياكروشات طمنوني عليكم انشاء الله بخير وكيف الحمل معكم الله يسهل علينا ياارب

احنا تمام والبيبات بعد لله الحمد والمنه

وانتي اشدنياك واشلون الثقل معاكي

يارب لك الحمد

المشاركة الأصلية كتبت بواسطة شموخ الود

بنات وين تولدون ان شالله

عند اهاليكم ولا ازواجكم

انا ان شالله بولد عند اهلي بمستشفى الملك خالد بالحفر

الله يسهل ولادتي يارب

انا باذن الرحمن بولد هني بجده عند زوجي

لان اهلي بالكويت

وصعبه اروح عندهم

ويمكن امي تجي

ياااارب يسر ولا تعسر

[@دبدوبه@]

انا بولد عند زوجي لأني بامريكا اهئ اهئ دعواتكم لي بالولاده السعاه الميسره

[Yara87]

هلا بالحلوين
كيفكم اتمنى يكون الجميع بخير
خفايا والله انا تماماً التمام الحمد لله انتي كيفك وكيف البيبي

[غلاج بقلبي]

مسااااااااااء الورد صبااايا
انا ظهرت عندي الخطوط تبع الحمل مع اني دااايم كنت ادهن بطني بزيت الزيتون وكريم بالمرز حق الحمل
>>اللي اشترو اغراض البيبي من اي محل وايش الاحسن ناخذ مقاس 0-3 ولا كيف
انا بكرريه وامي موو عندي مو عارفه كيف ابداء اشتري ...