زوجي وكفالة يتيم..!!

[غصة حنين]

السلام عليكم ورحمة الله وبركاته
كيف حالكم ياأخواتي؟
.
أراد الله عز وجل إني ما أحمل للآن..
وهاليومين زوجي مصمم يجيب طفل صغير
نربيه عندنا
يكفل يتيم يعني
لكن يجي يسكن معانا وإنه أحد يرضعه من أخواتي
أو أخواته..
والله ميته شووق لطفل
لكن مشكلتي في زوجي
ذكرت لكم من قبل انه كان يتعالج نفسيا
وأوقات يصير عصبي مررره
وأوقات يحب العزله والله إني أحيانا أعيش معه أيام عصيبه
مايعلمها إلا الله..لكني أحزن عليه لأنه طيب حيل ومرضه النفسي هو ابتلاء من الله.
ساعدوني
خايفه على هذا اليتيم اللي بيجيبه
يعصب عليه يوم أو يضربه أو يئذيه أذى نفسي
قلت له خلينا نكفل يتيم في المركز يعني مانجيبه لكن نتكفل بكل شي له
قال لأ..نجيبه عندنا ..
وش تنصحوني
والله شايله هم وبنفس الوقت مشتاقه حيل لطفل
مالي بعد الله غيركم ساعدوني
الله يفرح قلوبكم ويعطيكم حتى يرضيكم..
أختكم غصة حنين..

[نبعة الحب]

والله حبيبتي الفكرة ابدا مو حلوة وانا ما انصحج توافقين انتي تعرفين زوجك اا انتي وزوجك وتكفلون اليتيم الله راح يجزيكم بالحسنى بس اكفلو وهو في مكانة احسن ما يجي للبيت وما تدرين شراح يصير بالمستقبل لان مهما يكون هو مو ابنكم واذا كبر المشاكل الي تمرون بيها راح تكون اصعب وانا ضد اي شخص يربي طفل مو ابنة لان اذا كبر اذا ولد راح يكون محرم عليج واذا بنت محرمة على زوجك وتدخلون في سين وجيم امور كثيرة سمعت عنها حقيقية الافضل اقنعي زوجك ويمكن الله بكفالتكم لليتيتم وهو بمكانة الخاص يرزقك بطفل من دمكم ولحمكم يارب يرزقك بطفل وتحملين ان شاء الله ويهدي زوجك للخيال الافضل ان شاء الله حاولي تفهمي وترفضين

وهذة وجهة نظري

[توجان القمر]

اتوقع انكم اذا جبتوه راح تربوه وكانه طفلكم ويمر عليه نفس اللي يمر على ولدكم لو الله رزقكم
وزوجك مبتلى مو متعني باذيه الولد وانتي اذا عندك القدره على حمايه الولد من زوجك مافي شي يمنع وتذكري انه
الرسول قال انا وكافل اليتيم كهاتين واشار باصبعيه يعني فضل كفاله اليتيم اجرها اعظم ممانتخيله
ولكن ارجع واقول استشيري شيخ والله يوفقكم

[درين]

اضم صوتي لصوت توجان القمر
ربي ارزقنا وهبنا انا و جميع اخواتي الذرية الطيبة الصالحة عاجلا غير آجل يا رب العالمين

[روز بااريس]

كم لك متزوجه ؟؟

وليه كذا فاقد الامل ويبي يكفل يتيم المشكله فيك والا فيه !!

[غصة حنين]

المشكله فيه حبيبتي

وبداية هذا الشهر خلصت 4 سنوات

استخرت الله وأحس زوجي بدأ يغير رأيه

الله ييسر لنا الخير

اشكركم من الأعماق

ربي يفرح قلوبنا جميعا