【ツ】أحلى تجمع لأحلى حوامل التوائم 【ツ】 ‏الجزء الثالث

[عباير]

مرااحب كروشات..

ان الله مع الصابرين/ تسلمين ياروحي وان شاء الله فترة وتعدي ونفرح فيهم انتي قريب مني انا وكاتيليااا شي حلو الصرااحه وان شاء الله بروح بكرا للمستوصف

بنت الحسب / ابشرك موكله كافة اموري لله والله خير وكيل ومعين /واذا مره تعبانه روحي للمستشفى بكره عشان تطمنين لان القلق متعب مو زين وانا كوني بكريه ملاحظه قلقي من اي عارض لانها التجربة الاولى وحمل خاص نوع ماء

كاتليا/هلا وغلا بخويتي /ههههه اعتقد بس يوم اللي بينا وان الله مع الصابرين سابقتنا با اسبوع الله يتمم لنا وللجميع بخير وعافيه وفعلا انبسطت ان فيه وحده قريبه مني بالشهوووور


يارحيم تمم لي/الحمدالله على كل حال وفعلا السادس يبيله نعشعش مانطلع من بيوتنا الا للمواعيد وتكون الحركة بالبيت بسيطه وبخصوص الدف من تحت لمن اشتكي من شي مشابهه للي تقولين الدكتوره تقول الرحم بيتوسع لذا اعادي لاتخافين طالما مافي مغص قوي وكلي امرك لله

ام منصور/ قلوبنا معك الله يقومك بالسلامه وتقر عيونك بما في رحمك بصحه وعافيه

والله يتمم لنا على خير وسهاله

[يارحيم تمم لي بخير]

يارحيم ياكريم ياجواااااااااااااااد
مع نسماااااااااااااااااااات هذا الصباح تمم ليولكل حامل حملها واقرعيني واعينهم واعين ازواجنا برؤية ماقدرة بكرمك ومنك ورحمتك مافي ارحمنا سالمين معافين يلعبون في احضاننا

[يارحيم تمم لي بخير]

عبااااااااااااير انتي باي شهر؟؟

[mahawy]

مشكورات حبيباتي ماقصرتووو
يارب تمم لي على خير الله يعافيك يالييييت تعطيني اسمه لاني ناوية اروح لدكتوري الاثنين ان شاءالله على دوام زوجي
لسه ماقدرت اكل شي مننه
الله يسهل لي ولكم يارب

[رامان]

مبروك ام عبودي وسيفو واسماء
رضاك ربي الله يحفظهم لك
باقي الكروشات اعذروني فيني
صداع مع كسل اني اقرأ كل الردود

[انا الله معا الصابرين]

عباير...شي طيب والله طلعت مجموعه وياي بنفس الشهر .حتا غلا معنا بس سابقتنا باسبوع تقريبن وكم يوم يعني اربعتنا ويا بعض ^_^
رامان\ ماعليك شر ياعسل اشربي لك ليمون للصداع مره زين.
يلا بنات بعد اشوي بطلع للمستشفى بس ارجع اطمنكم

[Haif]

صباح الخير بطوطاااات

ماشاء الله المجموعه الجديده حركت التجمع يمكن لانكم متقاربين بالشهور واحنا اللي كنا من قبل ثقلنا الله يتمم لنااا يارب مافينا حيل

ام منصور
الله يقومك بالسلامه وتفرحين بالصغير يارب معافى سليم ويعوض تعبك بفرحه
وان شا الله ماتولدين الا اذا دخلتي التاسع والنونو مايحتاج حضانه

[احلى توينز]

ماشاء الله تبارك الله ..
اللهم زد وبارك .. حيا الله الحوامل الجدد والله يكتب لنا ولكم الخيير دائما ..
اسماء .. ام عبودي وسيفوو ..
الف الف مبروك ما جاكم .. والله يحفظهم ويحميهم لكم إن شاء الله ويرزقكم برهم إن شاء الله ...

رضاك ربي ..
فدييييت القمرات انا ماشاء الله لاقوة إلا بالله .. الله يحفظهم لك ويطرح فيهم البركه .. والله إنك رفعتي معنوياتي يالغاليه .. هههههههههه
ام عائشه ..
تبارك الله ... الله يحفظ لك الشباب ويحميهم من كل شر إن شاء الله ..
رفيقات دربي وبنات التجمع .. إفرحوو وتفائلووو بالناس اللي ولدوو بالسلامه .. .. والله إنهم اعطونا بووووش ودفعه قويه للأمام .. الله يتمم لي ولكم على خيير إن شاء الله ..

[احلى توينز]

اخباري ... !!!

انا ولله الحمد والشكر بخيير وصحه وعافيه .. والتوينز اللهم لك الحمد بخييير كمان ... وكثييير فرت لمن رحت موعدي الأسبوع اللي راح وبشرتني إن المويه رجعت طبيعيه ... كان ودي تقول لي على جنس التوأم .. لكن قالت واحد بنت .. والثاني مش باين هههههه .. ادعولي يكون الثاني ولد إن شاء الله لأن عندي بنتين قبل .. الله يكتب لي الخيير ويين ما كان ويرضيني فيه اللهم آمييين ...
يوم الأربعاء رحت للمستشفى الحكومي اللي بأولد فيه .. وعشان كان هذا اول موعد لي تغربلت غربله .. ما يعلمها إلا الله .. وتحالييل وشغلات فتح الملف وعفسه لها اول مالها تالي .. رحت الساعه 8 ورجعت بعد الظهر .. تعبت كثييير الله المستعان .. بس الحمد لله صار لي ملف .. وفيه كل معلوماتي كامله .. عسى بس ما يغربلوني كيذا في الموعد الثاني ... اعطوني موعد يوم 28 عشان الدكتوره تشوف التحاليل والأشاعه .. وتقيم الحاله وتتعرف اكثر على وضعي ... اللهم لاسهل إلا ما جعلته سهلا وأنت تجعل الحزن إذا شئت سهلا ...
اللهم إني استودعك واستأمنك اجنتي التي في رحمي فأحفظهم من كل شر ونقص وبارك لي اللهم فيهم ويسر حملهم و ولادتهم وأتمهم على خييير إنه لا يعجزك شي في السماوات ولا في الأرض وانت على كل شي قدير ..

[رضاك ربي]

حبيبتي ان شاء الله بالسلامة احلى توينز مشكورة الغالية الله يرزقك الولد الصالح ويقر عينك فيهم