دردشة بنات ليبيا , دردشة حوامل ليبيا , تجمع بنات ليبيا

[حبل الوصل]

هذى صورة عمر وشذى لما طلعنا للمزرعة طبعا اخلاص من شقاوتها ماطلعتش في الصورة

[شمس الزمان]

كيف الحالكم يابنات اوشن الاجواء عندكم امس زوجي عل قوله عيون " شنبيري الغالي" سافر لصين لمدته 10 ايام ان شالله يربح ويروح بالسلامه وانا قاعده في حوش هلي جو عزوبيه امسيبلي افلوس نبي ناخد حاجات لشقه مية حاجه ناقصتني مش عارفه ناخذ شنو ولا شنو دايره قائمه طويله عريضه

[يقين]

اني كنت مريضه شويه
خشمي قداش ليه يرعف وماندورش فيه نسحابه عادي المهم ولامس طالعه للسوق ني وراجلي وقعد خشمي يرعف حطيت عليه كلينكس وفوته شويه وراسي قعد يلف ومعاش نندري علي شي لين لقيت روحي في طواري المستشفي ومعلقيلي تغديه ورسي نحس فيه رزيييييين مش قادره نقيمه المهم توا حالي تحسن شوي الحمدلله

[شمس الزمان]

حبل الوصال كيف حالك ان شالله اتروح ميمتك طيبه اوربي ايتقبل منها
يقووووونه شن دايره في الحمل اوشن جو النفاخ اوكيف حال بطاتي اوزوجك

[يقين]

حبل الوصل
مشالله تبارك الله علي صغيويرتك ربي يخليهملك وخيره الوليد خامد ههه متحشم كان بحداي راني عضيتهولك
شمس
ربي يردهولك سااااااالم غانم يارب ويحفضهولك

[حبل الوصل]

المشاركة الأصلية كتبت بواسطة يقين

حبل الوصل
ربي يردلك امك سالمه ويطول في عمرها ولا باس علي بنيتك
شمس
كيف حالك وحال بنيتك والببو

الله يسلمك ويبارك فيك وان شاءالله ربي يخفف حملك وتجيبي على خير ولادة سهلة وميسرة ويقر عينك بشوفة صغارك باذن الله

[شمس الزمان]

الف لاباس اوبعيد السوء عليكي بهي شن قالولك من شنو

[يقين]

شمس الله يسلمك تمام وفروتي مشالله قعدت تمشي ومتعلمتلي انواع دلع جديد بوها يدلع فيها واني نحصل تصوري تنبطح علي بطنها وتقعد تخبط في الوطا معناه ارفعوني طبعا اني لو اديرها قدامي سنه ما نرفعهاش بس بوها طوووووول يطبها بتهبلني البنت اهيا

[يقين]

شمس والله قالولي كل شي تمام ماعندكش مشكله مانعرفش مناش هالنزيف اليوم كنت عند الدكتوره حتي هوا قتلي عادي عليشان الحمل ايدير في سيوله فالدم

[حبل الوصل]

المشاركة الأصلية كتبت بواسطة يقين

اني كنت مريضه شويه
خشمي قداش ليه يرعف وماندورش فيه نسحابه عادي المهم ولامس طالعه للسوق ني وراجلي وقعد خشمي يرعف حطيت عليه كلينكس وفوته شويه وراسي قعد يلف ومعاش نندري علي شي لين لقيت روحي في طواري المستشفي ومعلقيلي تغديه ورسي نحس فيه رزيييييين مش قادره نقيمه المهم توا حالي تحسن شوي الحمدلله

الف لاباس عليك وماتهمليش روحك ياوخيتى