السلام عليكم بنات
انا عندي بنتين امامير الله يخليهم واموت عليهم ويمكن في منكم يعرفوهم لانهم فازوا بالمركز الاول في اجمل ابتسامة
المهم انا رحت اصور لما دخلت الشهر الرابع كنت مكملة 14 اسبوع والدكتور قالي مو باين مع انو وضعيتو واضحة انا قلتت ببالي بنت لنو الولد يبان بالهوقت اما البنت يشكوا بيها ورجعت بعد شهر كنت مكملة 19 اسبوع يعني بداية الخامس واكدلي انها بنت وحكالي المرة الماضية عرفت انها بنت بس اراد انه يتاكد 100%
الحمد لله طبعا انا فرحت فيها ومشتقالها كتير وزوجي فرح كمان وما زعل ابدا رغم انو كان حابب ولد وعادي جدا كان يوم التصوير بس عاد الناس التانيين هما الي زعلو يعني امه وابوه وخواته بس عادي انا وزوجي ما بناخد عبالنا من حدا وراضيين بقسمتنا.
المهم حبيباتي نجي للتجارب والاحلام
انا احلامي كانت ملخبطة يعني منها مفسر واضح انو ببطني ولد وفي منها مفسر واضح انو اللي ببطني بنت كنت شاكة انهم توم ولد وبنت بس انا فيا جنين واحد. يعني مثلا لاني كل يوم احلم الحلق الذهب ولد وجماع غير الزوج ولد انجاب بنت يعني ولد .......... وغيرها كتار اما ما يدل عالبنات حلمت بصندل بنتي يعني بنت لبس اسود يعني بنت واخر شي اخويا اعطاني نقود من فئة المئة يعني بنت...........
اما التجارب :الملح والبول ولد . البول لوحده ولد . الخيط والابرة ولد. الجدول الصيني ولد. لون البول كان فاتح كل اوقات اليوم ومايل للاخضر يعني ولد. بس التجربة الوحيدة اللي زبطت هي تجربة الملفوف الاحمر ازا بتعرفوها وهيا وحدها الي قالت بنت عفا عليه هالملفوف صادق .
اما العلامات والاعراض انا الحمد لله كل حملاتي وحمي خفيف وشكل بطني نفس الاشي يعني حسيت بفرق بسيط بس بين هذا الحمل وحملاتي قبل .
واخيرا حبيباتي وكلوا امركم لله هوا اللي بجيب...........
اه نسيت شغلة مهمة انا حملت عالكلوميد لوحده بدون ابرة تفجيرية ومن بحثي عالنت وجدت اغلب اللي حملو عالكلوميد لوحده جابو بنات واغلب الي اخذوا معو ابرة جابو اولاد انا اقول اغلب مو الكل لاني اعرف وحدة حملت عالكلوميد وحده جابت ولد ووحدة ولد وبنت يعني مو شرط كتير.
حبيباتي طولت عليكم بس احنا ندور عوحدة عرفت نوع اللي ببطنها منشان نعرف الاعراض والعلامات
واي استفسار منكم انا جاهزة
لا تنسوا تدعولي بالسلامة وبسلامة بنتي.