【ツ】أحلى تجمع لأحلى حوامل التوائم 【ツ】 ‏الجزء الثالث

[بنت الحسب]

اللهم بلغنا رمضان ونحن بصحة وعافية...

[يارحيم تمم لي بخير]

اميييييييييييييين يابنت الحسب
اسال من جلت قدرته وعظم شأنه ان يبلغنا رمضان غير فاقدين ولامفقودين لمن احببناه او تعلقت قلوبنا به
ونعوذ بالله من زواااااااااال نعمته وتحول عااااااافيته وفجأة نقمته وجميع سخطه
واسأله بحق رحمته التي وسعت عنان السمواااااااااات والارض ان يباعد بيننا وازواجنا واجنتنا وبين مصاااااااااائب الدنيا وتقلب احوالها كما بااااااااااااااعد بين المشرق والمغرب
وانا يتمم لنا رؤية مافي ارحامنا ويجعلهم قرة عين لنا ولازواجنا ولايكسر لنا خاطرا فيهم

امييييييييييييييين امييييييييييييييين امييييييين

وصلى الله وسلم على حبيبي ومهجة فؤادي عدد كل شئ ومل كل شئ

قبلت قبلت قبلت

[فاهمتك]

المشاركة الأصلية كتبت بواسطة الخمائل

اهلين
توكلي ع الله ..
الدكتوره تعرف وضعك ومالها مصلحه انها تسكت لو محتاجه ربط
انتي عندك اطفال ؟
انا رحت لها وكلمتها عن الربط وقالت والله انا شايفه وعارفه وضعك ..وكنت مثلك شايله هم الربط لاني اقرا بالتجمع البنات يربطون
بس قالت انتي معك 3اطفال وكلهم ولدتيهم بشهرهم ولا فيه مره ولدتي قبل وقتك ..مايحتاج ربط توكلي ع الله ..
فما أظن دكتوره تشوف انك محتاجه ولا تسوي ..

هذا اول حمل لي. .توكلت على الله والي كاتبه ربي ببصير..
بس انا اسأل هل هذا الطول طبيعي

[F6Oosh]

السلام عليكم
مرحباا صبايا
اكيييد ماراح تعرفوني وانا ماعرفت الا رضاك ربي
انا والده لي 6 شهور توينز طبعااا من بعد الولاده ماخشيت المنتدى
رضااك ذكرتيني؟

[أم عائشة]

صباحكم رضى من الرحمن شخباركم

فطوووووووش عاش من شافج أنا بعد اذكرج فديتج أنا من دفعتج بالتجمع ههههههههه بس ولدت من شهر ونص تقريبا
شخبارج وشخبار تونزج ماشاءالله
ااااااه متى يكبرون تونزي وارتاح شوي
الا بسالج شخبار النوم معاج
اعتدل نومهم لو للحين تحسين بالتعب

[أم عائشة]

يارحيم تمم لي على خير
شخبارج اختي
أنا من دخلت الشهر السابع دكتورياللي بالعام وصفلي اليوتوبار وقالي انه بيساعدني انه ماتييني ولادةمبكرة
رغم ان يوم وصفاه لي ابد ماكانت عندي أعراض ولادة ولا كنت اشتكي من تحجر ولا اي شي وقالي عن أعراضه ومن ان يسبب خفقان بالقلب وجي
والصراحة أنا اشتريت العلبة وماكانت موجودة عندنا بالبحرين فاشتريتها من السعودية
المهم كنت مترددة أخذها وخصوصا يوم قريت عن أعراضها ومن انها تسوي خفقان بالقلب
فتوكلت على الله وسالت دكتوري الخاص فقالب أنا ماانصحج فيه لانه أنا عندي السكر وذي الحبوب بتخليني مااحس بأعراض هبوط السكر ان نزل عندي وذي خطير علي انصحني أني مااخذها وانا سمعت كلامه والحمدلله وصلتةللتاسع بصحة وسلامة
بس اذا انتي حالتج تستدعي تاخذنه فخذيه اختي لانه اعرف بنات وايد خذوه وساعدهم على عدم الولادة المبكرة
استخيري الله وربي لايضيع تعبج ويحفظج انتي وتونزج يارب

[Haif]

صباح الخير

الله يقوينا و يقويكم يارب

ام عبدالرحمن
انا استعملت الدوفاستون اول اربع شهور وبعدين وقفته ورجعت اخذته بالسابع مع تحاميل سيكلوجيست بس هذا البي استعملته

اليوم معي تعب وشد من تحت وخايفه اروح المستشفى الحمد لله اذا انسدحت احس يخف الالم بس من اتحرك حركه بسيطه يرجع لي
اذا استمر معي لبكره شكلي بروح المستشفى *

[Haif]

أم عايشه

كيفك وكيف الابطال برهومي وحماده
الله يقويك

بسالك اي نوع حليب استعملتيه لهم ؟ والدكتور وصفه والا انتي من نفسك ؟

[أم عائشة]

فاهمتك
صباح الخير اختي والف مبروك وربي يتمملج على خيريارب
اختي أنا كان عندي طول الرحم 3 ونص وقالتلي الدكتورة انه الطول الطبيعي للرحم اهو 3 وانا طوله كان فوق الطبيعي وعندي ولادتين قبل من دون عملية ربط بالعكس أنا كنت اخلص التاسع كله وأخذ من العاشر وكانوا يحطولي طلق صناعي عشان اولد ورغم هالشي كان مايجيني طلق عشان جي بولاداتي الثنتين سويت قيصري
ورغم ذي كله هالمرةسوت ربط
لانهاولا اناعندي السكر وذي بيكبر الأجنة وبيزيد وزنهم وبالتالي بيكون ضغطهم على الرحم اكثر
وثانيا تونز وحملهم يختلف عن حمل الجنين الواحد
بصراحة أنا بالبداية ماكنت مقتنعة ابد أني اسويربط للاسباباللي قلتها من قبل كنت اقول حق زوجي ماابي اسوي ربط أنا بروحي طلقي بارد ومابييني طلق الا اذا عطوني طلق صناعي بس من كثر ماكلمني دكتوري وانا اثق تماماً بكلامه اتكلت على الله وسويتها
والصراحة زين اللي سويتها لانه من دخلت التاسع بيومين حيت بالم غير طبيعي ومغص فظيع
فرحت الطوارئ وكشفت علي فشافتني مفتوحة ء2سم فقالتلي لولا عملية الربط لكنني انفتحتي اكثر وذي موزون لي لانه أنا عندي قيصريتين والطلق كان بيسوولي انفجار للرحم وعشان جي سيده سوولي عملية رغم انهم كانوا معطيني موعدةللعملية عقب ستة ايام من من اليوم اللي ولدوني فيه
اختي أنا ماابي أخوفج بس اذا دكتورج نصحح انه تسوين ربط سمعي كلامه واذا لا فبعد سمعي كلامه لانه اهو يعرف حالتج واذا كنتي تحتاجينها
لو لا

[أم عائشة]

المشاركة الأصلية كتبت بواسطة haif

أم عايشه

كيفك وكيف الابطال برهومي وحماده
الله يقويك

بسالك اي نوع حليب استعملتيه لهم ؟ والدكتور وصفه والا انتي من نفسك ؟

هلا حبيبة قلبي
الحمدلله أنا زينة والأبطال ماخذين راحتهم والله احسهم يتفقون علي ههههههههه
واحد ينام والثاني يقعد
انزين وانا متى أنام خخخخخخخخخخخخ
وبالنسبة للحليب أنا قبل للاطلع من المستشفى سالت السيسترات شنو كانوا يعطونهم لانه كانوا يعطونهم صناعي اذا أنا تعبانة فقالتلي اسمه سيميلاك
فشريته لهم بس ابراهيم ماحباه ماادري ليش وكان كله بزوغ فسالت الدكتور وانصحني بتغيير الحليب الى نوفلاك لانه مايسبب غازات
وفعلا غيرته لنوفلاك. بس بعد ابراهيم باشا ماعجباه ههههههههه كان مايشرب منه الا أونص واحد
فقالي الدكتور خلي احمد على النوفلاك وإبراهيم عطيه نان لانه نان فيه سكر شوي عكس النوفلاك
وحاليا ابراهيم على النان واحمد على النوفلاك والحمد لله احسهم ماشيين
معاه