التجمع الاول للمتاخرات بالانجاب بعد الطفل الاول

[اميرة بلا مدينة]

مرحبا صبايا
اليوم عندي اوس كثير تعبان مسخن من امس حراراتة ماتنزل عن 38 الا بالتحاميل بسبب التسنين شق واحد من الاسنان وبقي التاني ومن امس واحانا كمدات يارب يطلع عالسن ويريحنا

وردة حبيبتي هلافيك اخبارك ...بسالك يادكتورنا لو اودية طبيب اسنان هلا راح يعيني حاجة للاسنان تسهل ظهورها ولا مايقدر يديني اي دواء

باقي الصبايا اسعد الله مساكم

[Babysugar]

مسسسساء الخيرررر صبايا ...

وردة فقدنالك بهالغيبة ياحلوة ..و تسلمي ياقلبي لانا صارت احسن الحمدلله ..

اميرررررررتي .. مبروك سنونات اوس عقبال البقية :) اوس هلأ صار ارنوب صغير ياقلبي ... وسلامة قلبه ياررررب

ارررياااف ... ربي يكرمك باللي تتمنيه بالقريب العاجل .. و تسلمي عالدعوة .. :)

فراولتي ... وينك ياحلوة .. والبنوتات بخير وبيدعو بسلامتك ..

نتااااااااااااااااااااااااااااااااااال ينك .. عن جد بقي بالنا عليكي ...


بقية الحلوات ... اسعد الله مسسساكن ..

[Babysugar]

Princess Women ربي يسهلك ويكرمك بالحمل السليم عن قريب يارب ... انتي وبقية الصبايا ..

الحمدلله عدد خلقه و رضى نفسه وزنة عرشه ومداد كلماته ....

[هدوءالريف]

هلا بنوتااات

مشتااقه لكن

من موجود معي .........

[هدوءالريف]

سبحان الله وبحمده سبحان الله العظيم

لااله الا الله ...

أسأل الله العظيم رب العرش العظيم أن ينصر السنه في كل مكان وفي سوريا خاصه امين امين امين ياارب

اللهم ارزق الجميع الذريه الصالحه يااااااااااارب......

[founa]

السلام عليكم و رحمة الله و بركاته
أنا وفاء من تونس عمري 35سنة صارلي متزوجة 6 سنوات عندي ولد آدم عمره 5 سنوات لي الآن 4 سنوات في رحلة للبحث عن طفل آخر دون فائدة و الحمد لله أنا أجهضت الآن لأن الجنين لم ينمو
نفسيتي تاعبة شوي و الحمد لله
أرجوكن أن تحكِ لي كل واحدة كيف حبلت بعد طفلها الأول علّ ذلك يرجع لي الأمل

[وردة حلب]

سلام يا بنات

اميرة ...يا قلبي على اوس الف سلامة عليه ومبروووووووووووك التسنين عقبال حمودي مع انه هو الاكبر هههههههههه
شوفي الطبيب ممكن يعطيكي جل لتدليك اللثة مو اكتر ...بس انت انتبهي على اوس ما يحط بتمه شي مو نظيف
لانه التسنين بحد ذاته مابيسبب ارتفاع الحرارة بس لانه الطفل بيحط اي شي بتمه حتى يحك اسنانه وممكن يككون مو نظيف
هالشي بيخلي حرارته ترتفع وطمنيني عنه

بيبي شوقر ...الحمدلله على سلامة الامورة لانا ....يارب تكون هي واختها بخير

Princess Women...يارب يسهل امورك ويرزقك الحمل السليم عاجلا غير اجل يارب
لاتنسي تجتهدي بالدعاء والاستغفار وربنا كريم

ريوفا ...اهلا يا عسل ...سامجيني كنت مشغولة وماقدرت اسهر معك ....خيرها بغيرها ان شاءالله

وفاء ...منورة التجمع يا عسل ...يارب يحفظلك ابنك ويرزقك اخوات له ...وليش النفسية تعبانة
لازم تكون نفسيتك تمام التمام ...احمدي ربك على نعمه انت عندك طفل ومالي حياتك عليكي الله يحفظه
والله كريم ...بالنسبة لي انا عندي بنت 5 سنوات ووولد 11 شهر ...تاخرت بعد بنتي مع انه ما كان في سبب واضح للتاخر
بس انتظمت بالعلاج بالمنشطات وابر التفجير ...وربي اكرمني بابني والحمدلله على نعمه
وعقبالك يارب




اخبااااااااااااري

مبارحة رحنا سنتر بوينت اشتريت اغراض عيد للاولاد مع انه عندي من سوريا بس زوجي اصر نشتري كمان لانه تخفيضات
ولسا الصيف طويل ...لذلك اشتريت فستانين لليونة وحذاء الله يكرمكم وطقمين لحمودي
وكالعادة انا ماعرفت اشتري لنفسي من سنتر بوينت
واليوم ليونة صاحية ورجلها ورمانة وعم توجعها ومابعرف شو السبب بنتظر لبكرة اذا ما تحسنت باخدها المشفى وبث هههههه

دعواتكم لاهل سوريا يا بنات ترى الاوضاع من سيء الى اسوا وربنا يستر

[اميرة بلا مدينة]

بيبي قلبي الله يسلمك ياعسل ...شفتي كيف صارنا كبار وعقبال عند لانا الحلوة تصير ارنوبة هههه


Princess Womenربنا يسهلك حبيبتي ويارب تبشرينا قريبا بحملك ربنا كريم


ارياف هلا حبيبتي اخبارك ياعسل ربنا يكرمك قريب وتبشرينا

وفاء هلا بك اختي معانا بالقروب وربنا يحمي لك ابنك ويكرمك قريب بالحمل قريب ....وربنا يعوضك خير عن اللي فقدتية يارب ومدام حصل حمل الحمد لله باذن الله ربي يكرمك مرة تانية ويتمم لكي بخير ...والحمل بيحتاج حبيبتي ل نفسية عالية خافظي حبيبتي ع الاستغفار والله دوامت عليها الحمد لله 3 اشهر استغفر في كل وقت وربي اكرمني بابني اوس وعقبالك حبيبتي ...



وردة حبيبتي الله يسلمك ياعسل وعقبال عند حمودي

...بس عارفة اتوقع حمودي بيمشي ع رمضان لانو غالبا ع ماسمع الطفل اللي يبداء عندو التسنين قبل السنة بيتاخر بالمشي والعكس تمام

....والله عما احاول قد ماقدر انو ماياخذ اي حاجة ماهي نظيفة ويارب يطلع السن التاني ونرتاح

...الحمد لله اليوم افضل من امس ...والان الجل عندنا بالسعودية صار ممنوع ماهو متوفر بكم صيدلية دورتة

...ماشاء الله يهنوا الحلوين بالملابس الجديدة ويبلسها بالعافية وكويس لحقتي ع التخفيضات

الف سلامة ع ليونة الحلوة وطمنينا عنها...انتبهي مع الحر هذا من الحشرات لاسمح الله تكون جاءت حاجة ع رجلها لاسمح الله

...ويارب يفرحنا قريب بالنصر ع فشار وجنودة ودائما عم ندعيلكم والله ويارب ماتجي ليلة رمضان الا محتفين بالنصر علية ياكريم

شو طابخة اليوم ياحلوة ...انا عاملة مكرونة البيتزا حياكي معانا ياحلوة




نتال- راجية- ام الزين- ماركوو طمنينا عنكم

[Visions ..]

كيفكم يا بنات ..واهلين بالي انضمو لينا

حبيت اسألكم عالسريع احد عنده فكره اذا بخاخات الربو بتضر البيبي ولا لأ؟؟ وهل لها تأثير على تأخير الطلق او لأ ؟؟

دكتوري حق النسا كل ما اروحله يقولي وقفتي الدوا ؟ اقوله لا. يقوم يسكت (اقلقني)
ودكتور الصدرية الي متابعه معاه من سنين سااااافر للأسف وجربت كم واحد بعده ولا فادوني :(

جلست اقرأ في النت لما راسي لفت :|

احد عنده جواب اكيد؟؟

[اميرة بلا مدينة]

مرحبا صبايا
رؤي قلبي هلا فيك ياحلوة اخبارك وكيف البيبي ...بديتي تقضي للولادة ولا لسة ...والله ماعندي اي معلومات عن الموضوع ..طيب لو سكت انتي اسالية فية مضرة لاسمح الله ع البيبي اولا لانو بعض الدكاترة بطبعهم غير تسبحي منهم الكلام سحب ...

عظم الله اجرنا واجركم في وفاة الامير نايف الله يرحمة ويصبرنا يارب