【ツ】أحلى تجمع لأحلى حوامل التوائم 【ツ】 ‏الجزء الثالث

[غلا القلب]

نقاء الروح

انا بكريه ياقلبي وماجربت الولاده بس من كلتم البنات اللي لهم تجارب يقولون ان الم الطلق يكون منتظم مثلا مره كل نص ساعه وتدريجيا يبدا الالم يتقارب لن يوصل كل 5 دقايق وطبعا مع الم في الظهر
بس الانقباضات العاديه تيي بأي وقت وتكون مب منتظمة وخاصه نحن حوامل التوأم بيكون مغصنا اكثر لان الرحم يتمدد بشكل اكبر عشان توينز بس بدون الم ظهر
وان شاءالله باقي البنات يفيدونج



سارونة الكويت

انتظري شوي حبيبتي وبيوضح النبض يعني انا كيسين ومشيمتين ونبض واحد منهم سمعته متأخر عن الاول وكان الصوت يادوب ينسمع وايد ضعيف والحمدلله رب العالمين الحين اثنينهم بصحه وعافيه فلأن انتي مشيمة وحده يعني الانقسام كان متأخر فطبيعي الحين مايكون واضح وربي يتمم لنا حملنا على خير يارب

[رضاك ربي]

الله يكون معكم جميعا

وجمعة مباركة عليكم يارب لاتنسونا بصالح دعائكم

[ام عبودي وسيفو]

السلام عليكم بنات و الله يتمم لكم بخير و توصلون للتاسع , شيلو الوسواس من روسكم و توكلو على رب العالمين
انا بحملي في كل مراجعة كانت الدكتورة تطلع لي بشيء جديد و ثلاث اشهر الاولى نزيف و و بعدها المشيمة نازلة و و بعدها زيادة في ماي الجنين و و بعدها حساسية الحمل و غيرو و غيرو , واحتمال ولادة مبكرة , تركت كل شيء وراء ظهري و داومت على ماء زمزم و سورة البقرة يوميا و الحمد لله , واخذت ثلاث اسابيع من الشهر التاسع , حتى صرت ادعي متى بس اولد و اخلص , فتوكلو على رب العالمين و ان شاء الله ما يصير غير كل خير .

مشكلتي الحين اني اخذت برد من المكيف و فطول الوقت معي صداع و دوخة و عندي نقص بالصفائح الدموية , و تعرفون النفاس و الغربة و التوأم و عيالي بعدهم صغيرين محتاجين رعاية , دعواتكم الله يشفيني و يعيني على تربيتهم

[ام عبودي وسيفو]

ابغى منكم يا بنات دلع لاسم رفيدة , بشو ادلعها , يا الله اقتراحاتكم , اعرفكم ما تقصرون فاللي تدخل تقترح عليا اقتراح

ما ادري شو اخبار رفيقات دربي ريماس و غربة مشاعر و اسماء و شلون توينزاتكم ؟؟؟

[سارونة الكويت]

غلا القلب


الله يطمن قلبج حبيبتي مشكوووره يآرب يكونون سليمين بس انا ماني فاهمه سبحان الله بكيس واحد شلون واحد اكبر من الثاني سبحآنه


ام عبودي وسيفو
اممممم دلعها رفووده او فيدوو

[احلى توينز]

سارونة الكويت ..
حياك ربي يالغلا .. شي طبيعي اللي تقولين عليه .. واغلب الحوامل صارلهم هالشي في البدايه .. بأذن الله ما فيهم إلا العافيه .. والله يطمنك عليهم في الموعد الجاي إن شاء الله ..


ام عبودي وسيفو ...
سلامتك يالغاليه وما تشوفين شر .. إن شاء الله .. اشربي اشيء ساخنه .. في نزلات البرد إحنا نسوي .. نعناع بالزنجبييل .. طييب كثيير ويدفييك والزنجبيل حلوو للنفاس والنعناءع راح يريحك كثيير إن شاء الله ..
(( رفيده )) .. شو هالأسم الغرييب . اول مره اسمعه ... وش معناه ..
تقدرين تدلعين هالأسم (( ... ريف ... رفرف .. رفيف .. ريفي .. ))
الله يخفظهم لك ويرزقك برهم يارب ...
شو سميت الولد .. ؟؟؟!!

[رامان]

الشرف الرفيع///
أخاف يكون الإطعام محدد مقداره


هيف///
المشكله ما أعرف كيف أراسل دار
الإفتاء تكون فتواهم أكيده
وإن شاء الله ولادتي تكون
برمضان


صفاء الروح///
الشر مايجيك والله يقومك
بالسلامه


هنو///
بالسادس تحسين بأوجاع كثيره
بس أتوقع ألم الطلق يكون لف على الظهر
والبطن


نقاء الروح///
مابعد القرآن يريح النفس ويخليك
بغنى عن الناس وتواصلي معانا
بالتجمع تغيرين جو والنفسيه تصير
أحسن وتحملي شهور الحمل
لأنها تضيق البال مرررره


سارونة الكويت///
أول شي أهلين فيك ومبروك الحمل
ثاني شي فال الله ولا فال دكتورتك
عادي بعين وحقه تقولك ميت لسى
الجنين صغير بس إنتبهي لتغذيتك
يعني إذا الغثيان زاد وماقدرتي
تاكلين روحي المستشفى يحطولك
مغذيات بس إنتبهي يحطون لك
أي مغذي وترى ممكن يكونون
بمشيمه وحده وكيسين تصير
كثير


عاشقة الغروب///
الله يسهل عليك يارب
وتشوفين التوينز بصحة وعافيه
ويقومك بالسلامه
إستودعتك ومافي رحمك الله


غلا القلب///
ماقلتي لنا إيش صار معاك عند الطبيبه؟؟


الخمائل///
أنا بعد بدأت أجهز شنطتي وأمي
تقول لي حطيلك طرحه عشان
ما يدخلك هوا واضحك يعني بيدخل
الهوا من أذوني ههههه طلع كلامها
صح فديتها يا عمري أمس ترجاني
ما أطلعها من الشنطه وخليتها عشان
خاطرها طلعت صادقه الله لا يحرمني
منها بس قولي لي إيش هو منقوع المره
وكم ممكن يجلس بالعلبه

[غلا القلب]

رامان


تسلميلي حبيبتي على سؤالج الحمدلله الدكتوره طمنتني على البيبيات وضعهم زين واوزانهم حلوة مناسبة لعمرهم
الأول فديته راسه تحت والثاني ياي بالعرض تقولي للحين بدري انهم يستقرون بعدهم بيتقلبون وبيغيرون الوضعيه

بس خوفتني قالتلي مااعتقد تعدين الاسبوع الثلاثين يمكن لاني مسويه ربط بسبب قصر عنق الرحم فما راح يتحمل بس انا متفاءله اوصل للتاسع حتى لو اخذ منه يوم واحد، دعواتج لي يااختي وربي يتمم لنا جميعا على خير

[بنت الحسب]

كيفكم كروشاااات.
...صفاء الروح الحمدلله ماولدتي من الرعب....
عاشقة الغروب ان شاء الله تقومي بالسلامة الله يعينك ع المستشفى...
رامان -الشرف الرفيع ...شدوا حيلكم واقضوا ما أتوقع يوم او اثنين تضر الجنة...
احلى توينز....اخبارك ؟؟؟كيفك مع الشهر السابع؟؟؟
اخباري الحمدلله بس جاني شرخ بسبب الامساك وليه اسبوع اعاني الله يكتب الاجر....انتبهوا يابنااااااااات من الامساك طبعا وقفت الحديد لانها السبب وبديت ادوخ الحين قمت رجعت لها...

[الشرف الرفيع]

ان شاء الله يابنت الحسب والله انه كسل مش حب في الاكل لكن اسأل الله العظيم ان يعيننا على ذكره وشكره وحسن عبادته اللهم امين
الحين يجي رمضان ويحلا الصوم
اسأل الله العظيم ان يبارك لنا في شعبان ويبلغنا رمضان
ويعيننا على صيامه وقيامه اللهم امين