【ツ】أحلى تجمع لأحلى حوامل التوائم 【ツ】 ‏الجزء الثالث

[الخمائل]

رمان
منقوع المره كسرة.مره صغيره في قارورة مويه صحه .. ولا تخرب انا اخليها وكل ماشربت منها ازيدها ماء
وتقدرين تاخذين كسرة مره جافه ولاعطوك قهوه تحطينها بالفنجال وتشربين بس تكون صغيره مره مثل حبة البن
وبالنسبه للطرحه والله عن تجربه بولادتي البكريه مالبستها تاخرت الشنطه ودخلني براد براسي ماصرت اقدر انظر صداع ممييت والم اعلى الراس احيان احسه كأنه مروحه تدور بالهواء بس من طلعت من التنويم امي سخنت لي زيت زيتون ومعه ملعقه حبة البركه مطحونه وصبتها ع اعلى راسي ولا كنت احس بحرارة الزيت الا يوم نزل ع جهي فلفيت طرحتي وكررت الزيت 3ايام وراح البراد
ودهنت بطن الرجل ولبست شرابات والحمدلله تعلمت درس حتى بأيام الدوره مانزل طرحتي لو المكان فيه تكييف ولا الشرابات لو سيراميك لين اغتسل
والله يعينا ...

[نقاء روح]

غلا القلب .. مشكورة وجزاج الله خير على التوضيح ،، احليلها صاحبة السؤال في البداية هي هنو ، بس إن شاء الله نكون استفدنا اثنينا من خلال توضيحج ..

رامان .. مشكورة حبيبتي على نصيحتج ، فعلا أمس فتحت سورة البقرة وبعدها نمت الحمدلله وإن شاء الله احاول ادخل القروب كل ما سمحت لي الفرصة / والله يقويك ويقوي الشرف الرفيع على قضاء ما تبقى لكم من رمضان الفائت .. شدو من عزيمة بعض ويلا خلونا نشوف منو تبدأ أول ،، ابدأو بكرة لما تشوفوا نفسكم قادرين بإذن الله .. كلها يوم ويومين ، الحمدلله قليل :)

رضاك ربي .. بارك الله جمعتك ووفقك لكل ما يحب ويرضى .. آمين ويكون معك إن شاء

أحلى توينز .. وحشتيني ووحشتوني كلكم ،، سلامي للبنات وخبريهم انه ما قدرت ادخل القروب وإن شاء الله لو توفرتلي الفرصة بدخل .. دعواتهم لي ..

[سارونة الكويت]

احلى توينز

هلاآبج حبيبتي تسلمين ياقلبي والله يسمع منج

رامان
مشكوره حبيبتي ويآرب يصبرني مدري عنها الدكتوره هذي مو دكتورتي دكتورتي مسافره ترجع بعد عشرين يوم وهي قالت يمكن ميت وبعدين حطت ع القلب وشغلت الصوت والا تقول في نبض حيل حيل خفيف وهو بالاسبوع السادس ممكن عشان صغير وممكن ميت يآربي ليتها ماقالت لي والثاني الحمدالله تمام وطبعا بين عندها تقول واحد كبير وواحد صغير

بنتظر اسبوعين واروح اسوي سونار اتاكد

[سارونة الكويت]

بنات هل ممكن يكونون كيسين منفصلين ومابين ؟ انا عندي صورة السونار ومبين كيس بيضاوي داخله نقطتين هل عشان صغار توهم ممكن ينفصبلون بعدين ؟

وبسألكم عندي عوار الدوره كثير احس فيه بس خفيف مع عوار الظهر مجنني ماقدر اطول بالقعده هل طبيعي بالنسبه للتوأم والا لازم آخذ مثبتات؟
وهل في حبوب معينه آكلها حاليا غير الفوليك اسيد ؟ لاتستغربون من اسألتي انا عندي ولد ماني بكريه بكن التوأم شي جديد
علي واذا في تحاليل معينه انا ماسويت ولاشي غير السونار والفوليك توني اخذته البارحه كنت ما آكل الشهر ونص اللي طافو

لاتبخلون علي فديتكم

[غلا القلب]

المشاركة الأصلية كتبت بواسطة سارونة الكويت

بنات هل ممكن يكونون كيسين منفصلين ومابين ؟ انا عندي صورة السونار ومبين كيس بيضاوي داخله نقطتين هل عشان صغار توهم ممكن ينفصبلون بعدين ؟

وبسألكم عندي عوار الدوره كثير احس فيه بس خفيف مع عوار الظهر مجنني ماقدر اطول بالقعده هل طبيعي بالنسبه للتوأم والا لازم آخذ مثبتات؟
وهل في حبوب معينه آكلها حاليا غير الفوليك اسيد ؟ لاتستغربون من اسألتي انا عندي ولد ماني بكريه بكن التوأم شي جديد
علي واذا في تحاليل معينه انا ماسويت ولاشي غير السونار والفوليك توني اخذته البارحه كنت ما آكل الشهر ونص اللي طافو

لاتبخلون علي فديتكم

ممكن ينفصلون كل واحد بكيس وممكن يتمون في كيس واحد يعني مشيمة وحده وكيس واحد وشي طبيعي جدا ان واحد اكبر من الثاني حتى لو كانوا في كيس واحد لان في واحد يكون يتغذى شوي اكثر من الثاني مافي وحده يابت توأم بكل الأنواع (مشيمة وكيس، مشيمة وكيسين، مشيمتين وكيسين) نفس الوزن لازم في اختلاف في الحجم والوزن
وألم الظهر حبيبتي جدا طبيعي انا من أول حملي كان ظهري ذابحني ماكنت اقدر اطول فاليلسه حتى خذت اجازة من الدوام بسبب ظهري كنت اقول لو مااني حامل شكله دسك بس الحمدلله طلع طبيعي جدا لان وزن الرحم يكون مربوط بالظهر ومن دخلت الشهر الرابع خف تدريجيا ليما اختفى الحين الحمدلله مااعاني من ألم الظهر يقولون لان في فترة الحمل الوسطى الرحم يرتفع فما يضغط على الظهر لكن فالشهور الاخيره يرجع ينزل فيرجع ألم الظهر
وبالنسبة للأدوية حاليا الفوليك اسيد يكفي انا بديت حديد وفيتامينات متعدده من بداية الشهر الرابع وبديت كالسيوم من بداية الشهر الخامس

وان شاء الله باقي البنات يفيدونج بعد حبيبتي

[ниō]

هلا حبيباتي
مشكورين الي ردوا علي وطمنوني
ههههههه رامان بيزعلون عيالي كبروا بالسابع مو السادس
ماكنت اسال عن الولاده والطلق المبكر
الي سالت عنه الاعراض يعني اي وحده بتولد .. قبلها بفتره وش تحس فيه من اعراض بجسمها
يعني الااام بحوضي واوراكي وتحجير زايد كل شوي يتحجر بطني ويفك ويرجع
وصارلي يومين الالام زايده الم بمقعدتي قوي حتى حوضي من قدام مدري شلون اوصفلكم
عظامي شابه علي بشكل عام وانا خايفه <-- مع اني مرتاحه ولا ابذل مجهود
دعوآآتكم الله يجزاكم خير ~

[ام عبودي وسيفو]

حبيبتي احلى توينز اسم رفيدة سميتو بعدما قريت عن احدى الصحابيات الجليلات و هي رفيدة الاسلمية -اول طبيبة و ممرضة في الاسلام و هي اول من عمل مستشفى ميداني اللي كان عبارة عن خيمة نصبتها في المسجد النبوي و قامت فيها بمداواة الجرحى و اول من عمل عمليات جراحية و كان يعزها الرسول عليه الصلاة و السلام كثيرا

[ام عبودي وسيفو]

حبيبتي سارونة التوام دائما بينهم اختلاف سواء في النبض او النمو او حتى معدل نبض القلب
و اللي بمشيمة وحدة غالبا واحد بيتغذى على حساب الاخر ’,انتي تابعي مع الدكتورة و الله يطمن قلبك يا رب
و يفرحكم يا بنات جميعا

[نقاء روح]

بنات بسألكم لو ينزل مثل الماي خفيف ومثل الطهر الأبيض من تحت عادي والا يدل على شي ؟
أنا أمس حملت بنت اختي الصغيرة عمرها سنة ووسوست وبعدها شفت مثل الماي مع الطهر ، احس المكان مترطب
وخاااااايفة اللحين ليكون فيه ضرر على التوينز او واحد منهم ، انا في نهاية الخامس باقي يومين وادخل السادس والتوينز كل واحد بمشيمة .
اللي تعرف تفيدني الله يجزاها الجنة .. انا بانتظاركم :(



سارة ممكن يكونون في كيسين منفصلين سواء بمشيمة او مشيمتين ، كيف بينفصلون ، هو من البداية بيكون إما كده او كده ومثل ما ذكرتلج غلا القلب حالات وجودهم ..
انا بداية الحمل مثل الاسبوع السابع كان عندي آلام مثل آلام الدورة ولما سألت الدكتورة قالت عادي ، انتي اهم شي رييحي نفسج وحاولي تتمددي انا كنت اتمدد كثير ..
والمثبتات كتبتها لي الدكتورة على طول بعد التلقيح الصناعي ، قبل لا اعرف اني حامل واستمريت استخدمها لنص الثالث تقريبا ووقفت واللحين رجعت استخدمها بنص الخامس وبستمر لنص الثامن اذا ربي أراد بأن يتم حملي إن شاء الله ، اسألي دكتورتك الافضل ..
الحبوب بداية الحمل استخدمت فوليك اسيد فقط ، عادي اذا استخدمتيه اللحين انا على ما اذكر كتبته لي في الشهر الثاني ، وبداية الرابع تقريبا بدأت استخدم الكالسيوم والحديد مع الفيتامينات ..

إن شاء الله ربي يطمن قلبج وقلوبنا جميعا ..

[Haif]

مساء الخير يابطوطات

الف سلامه لكل وحده تعبااانه ان شا الله كلها فتره والتعب هذا ينتسى يارب وصلنا لاخر المشوار احنا وتوائمنا بخير

سارونه
هلا فيك معنا الف مبروك الحمل ويارب تطمنين على توامك يارب
وحاولي ترتاحين علىىالاقل 3 شهور الاولى اذا تحسين بالام

ام عبودي
هلا وغلا
الله يساعدك ويقويك
واسم رفيده حلووو دلعيها فودي وربي يحفظها لك ويحفظ اطفالك كلهم

نقاء الروح و غلا القلب وهنو الخمايل بنت الحسب وباقي الكروشااات عذروني اذ نسيت احد
اهم شيء انكم بخير