【ツ】أحلى تجمع لأحلى حوامل التوائم 【ツ】 ‏الجزء الثالث

[عباير]

مرحباً كروشات كلن باسمه

وفديت. كل من سالت عن موعدي

بخصوص التحاليل سويت حق السكر وتم بنجاح اربع ساعات وحده قبل التحليل وثلاث ساعات بعد التحليل وأمس النتيجة أبشركم دمي صار قريب 11 والسكر اللهم لك الحمد نتيجته زينه

بس رجعلي الاسهال تكرمون لي يومين ما طلعت من غرفتي وان كليت زيادة عشان اعوض رجعت. وبروح بعد اشوي دكتورتي الخاصه ويشوف

وحدي متخدره

لي عودة واسمحولي فديتكم. لأني طولت وجيتكم اشكي. والشكوى لله الله يهون علينا جميع وكل حامل *

[سارونة الكويت]

آخ يا هيف

الله يسلمج حبيبتي وانا مومقصره معاه اعوضه بشغلات ثانيه بس صاير فظيع يحسبني اكذب او اتصنع الخمول والنوم والتعب
ابشرج توني خربتها معاه بالمسجات انفجرت خلاص مقعدني عنده غصب ونفسيتي زفت بس هواش واحاتي امي ومومقدر ابدا مارد علي بس كتب اجي ويصير خير

الله يعين تعبت خلاص بطلع من شقتي ماني قادره احس اني مخنوقه وموراضي يحس والله اني اروح اوصل لباب الشقه وارجع غصبن عني
بس ماقدر اطلع لانه حلف وحرم وطلق استغفرالله

[سارونة الكويت]

عباير الله يتمم عليج

حبيبتي شنو سبب الاسهال الله يعينج اكلي زبادي وموووز ولبن وبطاط مسلوق يوقفه

بالتوفيييق

[عباير]

سارونه حبيبتي

صراحة زوجك غريب

بس انتي في حاجة الي هدوء واحتواء اذا هو الان زعلان بكرا بيهدا بس انتي خليك هادية قد ماتقدرين كثري استغفار وهو من نفسه لمن بشوفك هادئه بيطخ

الله يهداه ويسخره ورجاء انتي لاتكونين شاده بعد بتعبين نفسك

أنا كلت الزيادي والموز والشاي الاسود الثقيل مع الليمون احرق معدتي ومافاد الحين بروح دكتورتي الخاصه

حتى جنس البيبي شككوني فيه الحرس للمرة الثالثة وبالله الخلقة التامه المعافاه

[سارونة الكويت]

عباير اي والله غريب يقولي مافي شي اسمه وحام ؟؟ انا عندي الحل اخليج غصب واشوف شلون تموتين من الضيقه والله كرهته وارسلتله اكرهك


الله يعين


رووحي موعدج وطمنينا ان شالله خير بس ماجربتي تشربين اللبن زييين حيل ويسبب امساك اصلا لبن المراعي
عآد الا الجنس ميته واعرف انا بس تو الناس

[Haif]

عباير
الحمد لله انك تطمنتي على تحاليلك
وغريبه الحرس عادة مايعلمون الجنس ؟!
ان فالجنس ماعلموني اللي علمتني دكتورتي بالخاص

سارونه
حاولي تهدين نفسك انتي بوضع صعب واللي ببطنك يتاثرون من اي شيء قبل ماتعصبين وتزعلين فكري فيهم توضي واقري قرآن والله يسهل امرك معه يارب

[صفاء الروح]

مرحبا يا حلوات

رامان و هيف و الخمائل و كاتليا

مشكورين حبيباتي على الدعوات اللحلوه .. الله ايسر لكم جميع ان شاء الله
ما تتصورون شعوري و انا احسب الايام و انتظر اللحظة الحاسمه
في نفس الوقت خووووف من العمليه
جهزي نفسك هيف الدور الجاي بكون عليك من بعدي

عباير
حاولي حبيبتي اتعوضين النقص الي بصيدك من الاسهال و عليك شر ان شاء الله
و اذا ما نفع لازم اتشوفين الدكتور يعطيك حل

اسماء ف
ما شاء الله .. يتربون بعزك االتوأم .. الله يحففظهم و يحميهم من العين

انا الله مع الصابرين
الله ايسر لك دربك و لا تنسي اطمنينا شنو اصير معاك في الموعد

بنت التاجر
لازم بزيد الوزن حبيبتي و خصوصا في الاشهر الاخيره
انا كان وزني جدا طبيعي و من صرت في السابع ما شاء الله صرت قنبله
و بطني ابين اكبر من الحجم الطبيعي .. ان شاء الله بعد الولاده نسترجع الرشاقه
حمل التوأم دائما يتطلب التضحيات حتى في الوزن
بالنسبه لمعرفه نوع الجنين لو تصبري شوي بكون افضل
انا ما بين معاي الا في اسبوع 18 و واحد منهم اكيييد و الثاني لحد اللان مو ماكدين
اعتقد اسبوع 13 ما بكون واضح

ريهام القحطاني
الله اخلي لك توأمك و يحفظهم ربي من العين

غلا القلب
اي و الله ما باقي الا 3 ايام فقط و احساسي بين الخوف و بين الفرحه اني بشوفهم اخيرا

ساونه الكويت
لا اتخلي نفسيتك اتأثر سلب على التوأم .. هدأي نفسك و اقرأي قرأن و بيرجع كلشي مثل قبل و افضل ان شاء الله ...

[صفاء الروح]

باقي الكروشات شخباركم ان شاء الله كل شي تمام

أنا اليوم في غاااااااااااااااايه التعب و الم في بطني
و ظليت طول اليوم على السرير مو قادره اتحرك و لا قادره انام
بس الي امهون عليي الموضوع انه ما باقي شي و اشوف توأمي

3 ايام فقط ... دعواتكم لي حبوبات

[سارونة الكويت]

هيف وصفأء

فديتكم هذا اللي صار توضيت وقريت وارتحت حيل وطبعا فكرت بالبيبيات لان من اتضايق يجيني الم فيطني سبحان الله

الحمدالله ع كل حال الله يهديه اكيد احد قايله كلام انا اعرفه عدل


صفاء هآنت حبيبتي الله يقر عينج بشوفتهم عاجلا غير آجلا يآرب وتقومين بالسلامه انتي معاهم

[عباير]

اختي وحببيبتي صفاء الروح

الله يهون عليك مابقى ويتم عليك بولادة سهله وتفرحين بشوفتك لتونزك سالمين معافين

سارونه الجي ىلي ربك بالدعاء والاستغفار وابتعدي عن كل مايزعلك سوي الاشياء اللي تحبينها ريحي نفسك. والله يهداه لك


هيوفه حبي وش اخبارك فديتك

بخصوص الحرس علموني مرتين وكلها غلط انتي اي حرس اي مدينة؟؟؟؟

انا تو جيت من الدكتورة الخاصه بخصوص الاسهال تكرمون رويتها المضاد اللي كتبته دكتورة الحرس وماكليته قالت اخذيه عادي وكتبتلي بعد. حبوب اسمها بروتيكسين بالانس وقالت وقفي حبوب الحديد والكالسيوم مدة ثلاث ايام عشان متتلخبط عليك الادويه. المهم وانا اصرفها عند الصيدلاني قال ياختي المضاد خطر وحذرني منه وانا اساسا مو مرتاحه له وقال بخصوص الحبوب بروتيكسين عادي
مع اني سبق وخذت مضاد زينات ايام التهاب البول وماوسوست فيه واتصلت بدكتورتي عقب ماطلعت منها قلت لها انا خايفه من المضاد والاسهال اليوم بدا يقل قالت خلاص اكلي بس الحبوب الي كتبتها لك واتركي الفيتامينات ثلاث ايام واكلي اشياء مسلوقه

بخصوص الجنس اليوم واضحين كانوا وصار ولد وبنت والعلم عند ربي ولله الحمد بس يتعبونك نفسيا لما يقلون لك كل اشوي جنس بس دكتورتي الخاصه هذي قالت لي بالاسبوع 16 ولد وبنت والحرس قالوا ولدين عقب قالوا بالموعد الثاني مانعرفه واليوم نفس الدكتورة الخاصه قالت ولد وبنت ورورتني الصورة وفوق ذي علم عليم *