【ツ】أحلى تجمع لأحلى حوامل التوائم 【ツ】 ‏الجزء الثالث

[الشرف الرفيع]

واي رامان بترجعينا حرام عليك خلي الايام تمشي
تصدقين على قد ما انا ابغى اولد وارتاح لكنن والله خايفه ممره لمى يجون كيف راح اهتم فيهم لمى يبكون ويجوعون يعني من جد التعب بعدين
بنت الحسب والله الثقل بزياده والبطن ماشاء ياكبره اوقات نفسي احد يشيل معايه هههع
بنات اشوفكم تشتكون من الحكه بصراحه انا عندي زيت سمسم جاني من الجنوب من المعصره حقت الزيت سبحان الله دوا لكل شي انصحكم فيه يابنات
واصبرو الاجر مضاعف بأذن ألله

[غلا القلب]

بنت الحسب

الحمدلله طمنتيني الله يطمن قلبج على توينزج سالمين معافين، انتي الحين بأي اسبوع؟



رسم

حياج الله بين خواتج وربي يتمملج حملج على خير ويقر عينج بشوفة توينزج سالمين معافين، انا حبيبتي مشيمتين وكيسين

[حـ ـزن]

مساء الخير على الجميع

هل من احد هنا؟

احوالي بخير رغم الطفش الي احسه ملل ماهوب بطبيعي

[عباير]

السلام عليكم ورحمة الله وبركاته

مراحب كروشات

البارح قريت كم صفحة وضاق صدري وماقدرت ارد بحرف

ام عبدالوهاب
الله يعوض عليك ياربي والله دعيتلك واخره اليوم قبل االمغرب ساعة استجابة باذن الله
غلاالقلب

فديتك ياقلبي من كل شر ضاق صدري عليك وعلمت زوجي. وتاثر . وان شاء الله ماعليك شر واعتقد هذا شي مؤقت بسبب الربط الله يتم عليك الين التاسع ويحفظك ويحفظ اجنتك ويحسن خلقهم وخلقهم يارب ويفرح عيونك بشوفتهم

صفاء الروح
الف الف مبروك الله يحفظك ويحفظ توينزك
والله يقر عينك بهم ويصلحهم وش جنسهم و وش سميتيهم

هيف
اخبارك ياروحي ان شاء الله طيبه

ان الله مع الصابرين
كيفك ياعمري عقب الحادث

كاتليا سارونه وباقي الكروشات وش اخباركم

انا كنت مره تعبانه من فخوذي والركب واخر شي صار الم فضيع بفخذي الايمن وبالحوض واسفل البطن رحت لدكتورة خاصه سوت لي سونار طلع الجنين راسه نازل على جهة فخذي وضاغط على اعصاب فخذي خذت جبوب فيتامين ب المركب ومن ثاني يوم بديت اتحسن ولله الحمد والمنه

اليوم رجولي متنفخه فوق العاده والحمدالله على كل حال وبكرا بدخل الشهر السادس حسب التارسخ الهجري

وسلامتكم *

[عباير]

هنو

فديت روحك تسلمين على هالمشاعر الطيبه لاخلا ولاعدم من احساسك الله يتم عليك ويفرح ناظرك ونواظرنا بصحة اجنتنا

رضاك ربي

ماشاء الله تبارك الرحمن الله يحفظهم لك وتعيشين التجربة مرة ثانيه بتوام اولاد

رمان

وحشتيني يالغاليه الله يطمنك ويهون عليك ويحفظلك مافي رحمك

[حـ ـزن]

صباح العسل للصاحيين

[اسماء ف]

صباح الخير يا بنات
نصيحه من اختكم
نامو علي اد ما تقدروا لانكم بعد البيبيهات لما يجوا راح تبكوا من قله النوم والهدا والتعب
وكمان نصيحه اوعوا ياخدوا علي الشيل لحسن هيجننكوا

[غلا القلب]

عباير

تسلمين لي ياحبيبت قلبي ماقصرتي والله عالدعوه الحلوه، انا للحين فالمستشفى ومرتاحه راحه تااامه بس والله يابنات اسمع برع اصوات المواليد يبكون قلبي ينفطر احساس لا ينوصف وادعي ربي يبلغني وياكم هذيك اللحظة ونحن وتوينزاتنا بصحه وعافيه

ولا تنسوني من دعاءكم جزاكم الله كل الخير ولكم بالمثل

[صفاء الروح]

مشكوريييييييييييييين حبيباتي .. الله اتمم لكم حملكم على خير و اقر عينكم بشوفه توأمكم سليمين معافين .

رجعت اقول لكم قصه ولادتي مثل ما وعدكم

بدأت قصتي في يوم السبت تاريخ 30/6/2012 اتصلوا فيني المستشفى الساعه اربع العصر و خبروني انه غرفتي جاهزه عشان ارقد لانه عندي عمليه يوم ثاني الصبح و لازم ارقد قبل عشان الفحوصات . بعد ساعه من الاتصال اتوجهت انا و زوجي للمستشفى و كنت طبعا مستعده لانه الدكتوره حجزت لي الموعد و خبرتي بالموضوع و كنت بس انتظر اتصال منهم .

وصلنا المستشفى و كانت اللحظات في الطريق حماسيه و فيها خوف شوي كأني اول مره اطلع من البيت !! حس زوجي اني مرتبكه و بدأ اشجعني و قول لي من زمان كنا ننتظر اللحظه الي نستقبل فيها توأمنا . بعدها دخلت قسم الحوامل و عطوا زوجي اوراق بيانات و اجراءات اكملها و اخذتني الممرضه معاها الى الغرفه و خبرت زوجي بعد ما اخلص الاوراق يقدر اشوفني في الغرفه . اول ما وصلت رحبت فيني الممرضه و كانت قمه في الاخلاق و عطتيني تعليمات المسشتفى و بعدها بشوي وصل زوجي و جلس اهداني و يتكلم معاي عن الاشياء الي احتاجها و كنت حاسه انه يبغي اخفف من التوتر الي انا فيه . طلبت الممرضه من زوجي ان يتركني انام و ارتاح لانه العمليه بتكون بكره الصبح و لازم اكون مرتاحه .

طلع زوجي من المسشتفى الساعه ثمان و نص و بعدها جات الممرضه و اخذت تخطيط القلب للبيبي الاول و بعدها البيبي الثاني و ضغط الدم و درجه الحراره و فحص دم و بول و طلبت مني ارتاح . بعدها بربع ساعه وصل دكتور البنج و قام يسألني عن صحتي بشكل عام و اذا كنت اعاني من امراض وراثيه او كحه و بلغم و لله الحمد ما كان فيني و فحص بلعومي و ضغط عليه و قال انه اوراقي ممتازه و بكره التخدير بكون موضعي . بعد ما طلع دكتور البنج دخلت عليي دكتوره ثانيه و قالت لي انه نسبه دمي وصلت 9 فقط و هدا بحد ذاته خطر علييي و اسبب مضاعفات في العمليه و سألتني اذا احد اتبرع لي او يستعملون دم من المستشفى . خبرتها انه زوج اختي اتبرع لي و افضل الجيس الي اتبرع به . قالت الممرضه بعدها اني لازم انام و ارتاح و امتنع عن الاكل لانه لازم اكون صايمه من الساعه 10 . طبعا انا من كثر التفكير ما قدرت انام بالمره و الثقل ما كان اساعد اني انام بعد و ظليت اكلم زوجي في التلفون و اصر عليه انه ما اصكه لانه اعصابي كانت تعابنه من كثر التفكير .
قال لي زوجي بعدها اني افتح القران الي معاي و اقرأ سوره مريم و استخفر ربي لين ما انام
و فعلا سويت الي قاله زوجي و نمت في حدود الساعه 11 و نص .

الساعه خمس الفجر حسيت بدخول ممرضه عليي و قالت لي اني لازم اقوم اللحين اجهز نفسي للعمليه . اخذت فحص ثاني للضغط و درجه الحراره و نبض التوأم و قالت لي انه لازم اتزيل شعر الفخد و البطن و المنطقه الحساسه . خبرتها اني خلاص ازلت كل هذا في البيت لاني كنت مستعده للموضوع . استغربت مني و قالت صعب على حامل اكيد في احد ساعدش و قلت لها لا محد ساعدني بس استحملت لوحدي و ازلته اشوي اشوي . قالت لي انه لازم اغسل جسمي و اغير الملابس الي ملابس العمليه و فعلا سبحت و غيرت الى ثياب العمليه . طلعت من حمام الغرفه و شفت زوجي كان قاعد . حسيت بالراحه و الحماس وقتها و كانت الساعه تقريبا سبع و ربع . شوي و دخلت ممرضتين و قالوا لي اللحين لازم انحط لج قسطره البول . كانت حاره و مؤلمه و حصلوا صعوبه الممرضتين في تركيبها و ظليت اعاني من ألمها و حرقه الشديده فيها الى فتره العمليه . و زوجي كان اهدأني و كنت احاول ما اتحرك عشان ما اتألمني . و خبروني سبب الالم ضغط البيبي على المثانه لانه القسطره ما اتألم

الساعه 9 و نص تقريبا دخلت الممرضه و قالت لي انه موعد العمليه بكون الساعه عشر و بينقلوني القسم بعد اشوي و فعلا الساعه 9 و 45 دقيقه دخلوا لي السرير و ركبوا عليي جهاز التغذيه . ساعتها مسكت ايد زوجي و طلبت منه انه يدعي لي اقوم بالسلامه و كانت علامات الارتباك واضحه على وجه زوجي و بعدها اتوجه زوجي الى قسم الانتظار. و انا كنت في السرير و اجروني الى الغرفه كنت اطالع في السقف و اقرأ قرأن و كنت جدا هاديه .

وصلت غرفه الملاحظه و وصل كيس الدم و خلوه في ثلاجه صغيره على طاوله جنبي و كانت الممرضات حلوين معاي و كل اشوي اجون يسألوني اذا كنت بخير و طبعا كنت اتألم من قسطره البول فقط و كانت تحرقني و طول فتره الانتظار كنت احس بتوأمي يتحرك في بطني و كنت اكلمهم انه اخيرا وصلت اللحظه الي ننتظرها .

مرت اكثر من نص ساعه و ما دخلت العمليات و اول ما وصلت الممرضه تطمأن علي خبرتها اني تعبانه و ابغي خلاص اولد . قالت لي وصلتهم حاله طوارىء و دخلوها الغرفه و اول ما اتخلص بجي دوري !!! و مرت بعدها ساعه و نص وصلت حزتها قمه الارهاق من الانتظار والم القسطره . ضربت الجرس و جوني الممرضات خايفين قلت لهم اني حاسه بتعب مو طبيعي و الم فظيع في القسطره . رفعت الممرضه الفراش عني و شافت انه البول اختلطت بالدم و انه لازم ادخل العمليات حالا و الجيد في الموضوع انه غرفه العمليات جاهزه لي في الوقت الي تعبت فيه وركبوا لي جيس الدم و هم اجروني للغرفه جاني الدكتور و بدأ اكلمني شنو بسمي العيال و اذا كنت مستعده او لا و هذي لحظات حلوه و لازم ما انساها .

دخلت الغرفه و شفت حركه الممرضات اجهزون الاغراض و الدكتوركان يسولف معاي . الغريب اني نسيت الخوف و بدأت اسولف معا طاقم العمليات عادي .

وصلت دكتوره البنج و رفتعتني ممرضتين الى وضعيه الجلوس و نزلت راسي تحت مع استرخاء الكتفين و حطوا لي مخده على بطني اسند روحي عليها و ضمتني ممرضه على جهه اليمين و الثانيه اليسار عشان ما اتحرك و قالت لي الدكتوره انه الابر عاديه جدا و ما اتألم.
مسحوا ظهري بماده بارده اتوقع معقم و ماده ثانيه و حسيت بأبر عاديه جدا و اصلا كنت شاغله تفكيري بتوأمي فقط و بعدها حسيت بوخزه ثانيه و مثل السائل ينزل في ظهري
و منها بدات احس بتنميل في رجلي و فقدت الاحساس بألم القسطره و كل شعوري اني احس انه جزيء السفلي فيه تنميل و بس .

كانوا مركبين عليي جهاز التغديه و جيس الدم و جاهز قياس الضغط و تخطيط القلب .


وصلت الدكتور مباشره و غطوني بستاره ما اقدر اشوف منها و لا شي و على راسي ممرضه تمسح على راسي بين فتره والثانيه . حسيت بشق الموس لكن ما كان مولم ابدا عادي جدا و خفيف.

الجو كان جدا جدا بارد و بدات ارجف من البروده . حسيت نفسي في المحيط المتجمد الشمالي
و في الفتره الي الدكتور يسألني اي دوله احب اسافر له اول ما يكبرون التوأم . شوي و قال لي اللحين بنطلع الاول و سمعت صوته اصيح شعوووووووووور قمه في الروعه و احساس مو طبيعي . قالوا لي ثواني و بنجيبه لج . و بعدها بشوي قال لي الدكتور و هذا اخوه و سمعت صوته . انا حزتها ما قدرت اتمالك نفسي و نزلت دمعتي من الفرح .

جابوهم لي بعد خمس دقايق تقريبا و حطوهم عن وجهي . كانوا مفتحين عيونهم و طالعوني و بست كل واحد منهم في خده و ظليت احمد ربي و اشكره طول فتره الخياط .

بعد ما خلصوا خياط و مشى الدكتور و شالوا الستار و نظفوا المكان نقلوني على سرير ثاني عشان ينقلوني الى قسم الملاحظه .
كنت ارجف من البرد و ما احس في جزيء السفلي بالمره شعور بالتنميل فقط . غطوني الممرضات بثلاث فراشات عشان ادفى و جهاز الاكسجين و كيس الدم و التخطيط و الضغط ما زالوا عليي مع المغدي . كنت تعبانه و محتاجه نوم بس مضايقه من البنج . بعد مرور فتره حسيت انه التنميل بدأ اقل و اني بدأت احس بحرقه خفيفه في منطقه الجرح و قسطره البول ما عادت اتألمني مثل قبل كانت عاديه . طول فتره الي كنت فيها في قسم الملاحظه الممرضات ما تركوني و كانوا معاي و جابوا لي توأمي اشوفهم بس بدون ما اتكلم او اتحرك .

بعد ما استقر وضعي جات الممرضه الي كانت اتابعني في الجناح و اخذتني الى غرفتي . و شفت زوجي كان ينتظرني هناك و كان جدا متوتر و اول ما شافني ابتسمت له رغم انه الجرح كان المني لانه مفعول البنج قل و بدأت احس . طلبت الممرضه مني انام و عطوني مسكنات و قالت الى اهلي بس يطمئنون عليي بدون ما اكلموني . و فعلا نمت و كنت افتح عيني بين فتره و ثانيه و اشوف اهلي جبني بس كنت محتاجه للنوم رغم وجود الالم مكان الجرح .

في اليوم الثاني جابوا لي كتاكيتي اشوفهم و كان وضعي افضل بس الم الجرح مزعج . و كل ما احس انه الالم ازيد كنت اطلب منهم المسكنات و صير وضعي افضل . بعدها جت الممرضه و شالت عني قسطره البول و كانت حاره جدا لكن ارتحت اني اتخلصت منها و ساعدتني عشان اتحرك و ادخل الحمام كانت اللحظه صعبه جدا و بعدها قمت امشي اشوي اشوي لين ما بدا الالم اقل . و كل مره احسه ازيد كنت اطلب المسكنات و ارتاح

مرت 3 ايام و في المستشفى و الحمد الله كل مره اشوف عيالي افرح و انسى الالم كله . و الممرضات كانوا اتابعوني اول بأول و كنت احاول امشي على طول عشان اخف الم الجرح .


حاليا احس نفسي و لله الحمد تمام و صحتي افضل من قبل و الم الجرح بسيط لكن اقدر امشي و اهتم بتوأمي و ارضعهم و استقبل الناس . لحظات في قمه الروعه خواتي عيشوها لحظه بلحظه

الله اتمم لكم جميع على خير و يسر اموركم و فرحكم بشوفه توأمكم سليمين معافين .

صار عدنا خبره اللحين اذا احتجتوا شي لا تتردوا في السؤال حبيباتي

[بنت الحسب]

المشاركة الأصلية كتبت بواسطة يارب رحمتك وعفوك

بنت الحسب كييفك

شصار معك علي عملية الليزر؟؟

لاني من شهر قايليلن لي ورافضه
ربي يهونها غلينا جميع

الحمدلله طيبه مو انا حبيبتي اللي قلت هالكلام شكلها مكعبات الغند على ما اظن...
هو انا عندي واحد من الاجنة يتغذى على حساب الثاني والفرق بينهم حول شهر بس الجنين الصغير تعبان عنده مشاكل ثانيه يمكن عشان كذا ما قالوا لي ع عملية الليزر...
استخيري والله يكتب لك اللي فيه الخير