كيف تكون ولادة التوأم وجزاكم الجنه

[رامان]

الف شكر لكم ظلام الليل ولوعة عبودي

على مرور كم وذوقكم مشكورين أفدتوني

[شوق جدة]

المشاركة الأصلية كتبت بواسطة رامان

السلام عليكم أمهات توائم وغير توائم

عندي إستفسار عن ولادة التوائم وأشهر الولاده

1- كيف بتكون الولاده يعني مجرد مايولد الأول تدفع الأم عشان يولد

الثاني ولا تجلس فتره ؟؟؟؟
انا عن نفسي كانوا بكيس واحد..اول مانزلت البنت الأولى..بأقل من دقيقة لحقتها الثانية نزلت برجلها..


2- كيف يكون وضع الام. ممكن تدوخ وتتعب وهي تولد ويأثر على البيبهات؟؟؟
الحمدلله كان وضعي تمام..بس الثانية ماقدرت ادفع الثانية كانت الولادة باردة..

3-اللي ولدت بالشهر السابع وما فوق كيف وضع أطفالها سواء واحد أو توأم
وكم جلس بالحضانه؟؟؟

انا ولدت بنص السادس..البنات جلسوا يوم واحد بالحضانة وتوفوا..
4- كم كان وزنهم لما ولدتيهم؟؟؟؟؟
وحدة كان وزنها..700ووحدة800

5- اللي ولدت أخذتي حبوب الرئه أو لا ؟؟؟

لا..لأن الولادة جات مفاجأة..
الله يبشر كم بالجنه بنات ساعدوني لأني مؤ عارفه شي والآن على مشارف السابع

الله يتم لك الحمل..وان شاءالله تكون سهله..
وابشرك بما انهم توأم ماراح تتعبي لأنهم صغار..
الله يفرحك بشوفتهم..

[مناير999]

ليش تخاطروا

اعملوا قيصريه وتوكلوا على الله اضمن لكم ولبيبياتكم
كل اللي اعرفهم حوامل بتوائم قيصريه ...

وحده ولدت الاول طبيعي والثاني اعترض وعملوا لها عمليه وياقلبي عليها جراحه وخياطه من فوق وتحت ...

برايي توكلوا على الله واعملوا قيصري ماتخوف العمليه والحمدلله الكل يسويها

[رامان]

شوق جده ///
مشكوره على إجابتك
والله يعوضك عنهم خير

مناير999///
لا حرام عليك قيصريه تعب
وتشويه وأجلس طول العمر
على أعصابي لا تفتك العمليه
والحمد لله أنا عندي إثنينهم متجهين
مافي خوف يعني من الولاده الطبيعيه
واللي مشجعني قولة شوق جده
راح يكونو صغار وما يتعبون حيل
مشكوره على النصيحه يالغلا

[الفراشة الجميلة]

ودي أفيدك بس أنا والده توأمي بعمليه قيصريه مع العلم أني اول مره اسوي عمليه كل عيالي الي قبل طبيعي والحمد لله ان لهم مخرج كنت مبرره خائفه من ألعمليه وادعي ربي في كل سجده ان ربي يختار لي الي فيه الخير سواء طبيعي والا قيصري والحمد لله طالما ولدت عمليه أكيد فيها خيره لي من رب العالمين والحمد الله تيسرت من عند ربي صح فرق بين الطبيعي والغمليه بس بس ألعمليه كله اسبوع وبالكثير أسبوعين وتكونين طيبه
قبل كل شي ادعي ربك انه يكتب لك الي فيه الخير والله يهون عليك ويفرح نظرتك يارب ياحلوهم التوام صح متعبين بس طعمين الله يخليهم لنا يارب

[الفراشة الجميلة]

ومن ناحية إبرة الرئة أنا أخذتها اربع جرعات لانه كان عندي زياده في مئوية جنين وعطوني إبرة الرئة خوفا من حصول ولاده مبكره بس الحمد لله وبفضل ربي ما ولدت الا في التاسع والحمد لله ماحتاجوا حضانه وأوزانهم كيلوين وشوي ولله الحمد من قبل ومن بعد

[ام التوينز3]

اساله حلو رامان حتى انانفسي اعرف الاجابه الله يسهل

[تحكمني قناعاتي]

الله يقومك بالسلامة يارب

[رامان]

شكرًا لكل اللي حاول يفيدني
أو دعالي دعوة أنا الآن كم يوم وأدخل
التاسع وبإذن الله بنزل موضوع
كامل عن الولاده للي حابين
الفايده