تجمع حوامل الأشهر الوسطى(الرابع,الخامس,السادس)

[Mishael]

انا ببداء ،،صارلي سنتين وثمنيه شهور متزوجه الغريب ان تاريخ ولادتي بيصادف تاريخ زواجي
استخدمت مانع حمل سنه وتركته ومن تركته وانا كل شهر اقول شكلي حامل بعدها صرت اراجع مع دكتوره وصرفت لي منشط اكلته شهر وتركته بعدين سوت تحليل لزوجي وقالت هو مايجيب عيال مرررره وسبحان الله مادخلني اليأس عكس زوجي اللي كان يقول انه خلاص ماعنده استعداد يعالج وانه لازم نفترق لان مايبي يظلمني اسكة انا وخبيت عالكل حتى اهله وكنت اقوله بأذن الله ماراح اروح المراجعه الجايه الا وانا حامل وسبحان الله سافرة ولهيت ونسية الموضوع مو يأس بس كنت اقول مابي اعور قلبه ولما حملت كنت متأكده اني حامل واسوي تحاليل ومايبين وتطاقينا عند هالموضوع وبعد ماتأخرة بأسبوع سويت تحليل منزلي وهو مايدري وسبحان الله طلعت حامل مع اني كنت احس بأعراضها وشاكه لحد مازادة علي الالم ورحت الطوارء وسويت تحليل دم وصار اكيد حمل
الحمدالله يارب ،،يارب اللي رزقتني ترزق كل مسلمه يارب ،،يالله عاد كل وحده تقص لنا حكايه

[المتألقه]

السلام عليكم ورحمة الله
كيفكم وش اخباركم كيف الحمل معااكم
انا من اليوم معاكم
يعنى اسدح البطاقه الشخصيه هنا
وش رايكم

[روعة النسيان]

ههههههه حياك أختي المتألقه

أول شي بعلق على مشاعل وبعدين اسدح بطاقتي ههههههه

كنتي في وضع لاتحسدين عليه قهرتني سلبية
زوجك وأغلبيت الرجال كذا مايفكررون أو حتى يجربون أول طيب لو كنتي أنتي مكانه يستغني عنك على طول
بس أحي فيك صبرك وثقتك بربك الله يرزقكم الذريه الصالحه

[Mishael]

تسلمين حبيبتي بنت الهيلا ،،كنت اقوله لو انا مكانك وش بتسوي يقولي بصبر وتعالجين وتحملين لان الدكتوره كانت تقول الضعف اذا بالرجال ماله الا الصبر وممكن بالانابيب ،،واناالحمدالله دايم احسن الظن بالله لانه يقول انا عند حسن ظن عبدي بي مدام هو مُحسن الظن بي

[Mishael]

اختي المتألقه هلابك نورتينا والف مبرووك حملك الله يثبته ويتمم لك على خير

[المتألقه]

اميييين
الله يسلمك ويتمم للجميع
انا بالشهر الرابع
ولسى ما تبعت باى مستشفى واخاف من السكر
لان حملى الاول معى سكر ويصير مرتفع اخذ انسلين ويا ساتر يا رب
اخر مولود عندى سنه وثلاثه اشهر
يعنى توه صغير الله المستعان
بس عاد وش اسوى ما اقول غلطه بل رزق من عند الله عسااه اخو لولدى الوحيد

[روعة النسيان]

نا صار لي أربع سنين وشهرين متزوجه تخرجت من الثانوي وتزوجت ولد عمي نويت اخذمانع حمل لمده ست شهور بس مالله كتب حملت بسرعه جبت أحلى ولد كان أحساس اول حمل واول حركه من البيبي رووووعه لاتوصف مابالكم باول نظره تعلقت فيه فديت روحه خصوصا إني أغلب وقتي معه وحده بحكم إن زوجي دوامه في مدينه بعيده وياخذ بالايام خذيت مانع بعده سنتين ونص وحجيت الحمدلله السنه اللي طافت ومن بعد الحج وأنا كل شهر اقول حامل لين الله رزقني بهذا الحمل حياتي الحمدلله تمام ولدي كمل 3سنين و5اشهر تقريبا في نفس اليوم اللي كمل ثلاث سنين حملت ههههههههه
الأمومه شي جميل الله يرزق كل محروم بجد تعطي حياتك قيمه ويصير فيه أحد يستاهل تعبك وصبرك على متاعب الدنيا طولت عليكم بس إحنا هنا للتعارف >>>>خخخخخخ يعني أبرر لنفسي

[روعة النسيان]

المتألقه لازم تراجعين ولاتخافين من السكر
تابعيه وانتبهي أختي جاها السكر مره وكان مرتفع وولدوها في بدايت التاسع قيصري بس
ماشاء الله عليها بحملها الاخير جاها بنسبه خفيفه في الثامن واتبعت حميه والحمدلله ولدت طبيعي
الله يصلح لك عطاه أحسن يتربو مع بعض ومايحسون بالوحده

[المتألقه]

الله يجزاك الجنه
انا صراحه تعقدت من شي اسمه مستشفى من كثر ما اتنوم عشان يعدلون السكر معى
وبعدين اول ما دريت انى حامل تعبت نفسيا وجلست ابكى والحمدلله على كل حال تذكرت التعب والتنويم والتحاليل
بعدين قلت ما ابغى اروح اراجع الحين خلونى على مهلى لين اوصل الاشهر الاخيره واراجع مره وحده
يلا ربى يهونها علينا وعلى كل مسلمه

[Mishael]

مشاءالله تبارك الله بنت الهيلا الله يتمم لك على خير يارب ،،ودامك حبيتي المولود الأول وفرحتي فيه وزجك حبه معناته خيره الحمدالله والله يرزقك الذريه الصالحه الباره يارب
،،غريبه المتألقه ماراجعتي للحين لازم تاخذين فيتامينات وحمض الفوليك