بكريه وولادتي قيصرريه سااااعدووني !!

[ورودي البيضاء]

العملية سهلة ان شاءالله بس هيا ع حسب المستشفى والدكتور وكمان ع حسبك انتي وجسمك و قد ايش مستصحة

بس عموما بشكل عام

الحلو بالقيصري انه مافي خياطة تحت العناية بالخياطة اسهههههل بكثيييير واريح

نصيحة لا تلعبي بنفسك و تحطي مرة او الخلطة الفلانية او العلانية

مايحتاج أبدا واحسن بدل لا يلتهب عليكي الجرح وتدخلي في موال تاني اكبر من القيصري نفسها

اشتري من الصيدلية كرتونة صغيرة فيها مسحات طبية مية حبة او ميتين اظن بحدود عشرة ريال

كل يوم تمسحي الجرح مرة وحدة وبس

دا مرة يكفي للجرح وهيا نفس عناية المستشفى

لما ترجعي البيت حاولي كل فترة تخليه يتهوى ... وعشان هالشي انصحك برضو في البداية تجيبي كلوتات الدورة والنفاس من الصيدلية

ميزتها انها تهووووي ماتخلي المكان يعرق ولا هي ماسكة خدي مقاس اكبر منك و تجي عالية قريب السرة يعني فوووق الجرح بكثير

هذي افادتني جدا في البداية لو بس اول اسبوعين

ترى التهوية مهمممة عشان الجرح يلتئم وعشان مايرطب و يلتهب بالبكتريا او اي شي

لو المستشفى كويسة بيعطوكي المسكنات اول بأول ماراح تحتاجي حتى تطلبي وماحتحسي بالالم الا يدوب اول يوم عشان التقلصات و بيكون الم خفيف بس وقت التقلص مو ع طول

و حتى لما تخرجي بيكتبولك مسكنات عادية حبوب و حلووة مرة ماتحسي بأي شي ابدا

التعب كله بس وقت القومة من السرير .. صعبة بس لازم تحاولي دايما بنفسك لين يصير سهل

لو ماحاولتي بيفضل صعب

ونفس الشي المشي ترى فيه فايدة عجيييييبة وربي .. كل ماتمشي تحسي انك تطيبي وكل ما تمشي تحسي الجرح طاب اكثر

اضغطي ع نفسك من البداية من اول يومين اول مايشيلو القسطرة .. امشي و حاول تكوني مستقيمة مش محنية عشان لما تلتئم الخياطة ماتلتئم وهي مشدودة .. بعدين تتعذبي بعد شهور لومثلا مديتي جسمك فجأة بتتألمي

لكن لو من البداية كنتي تمشي ومستقيمة يعني انتي شدي خياطتك .. كدا تلتئم مرتخية فمستقبلا بتكوني مرتاحة جدا تنطي وتطقي ظهرك كمان بالراحة ولا بتحسي انك سويتي عملية

والقسطرة ع حسب يد اللي تحطلك .. خليها تكثر لك جل .. غالبا بتكون تكة خفيييييفة مرة ماتوجع لا تخافي

ولو عمليتك كبس يعني ليزر ماحتتعبي مش حيكون فيه غرز وفك و تعب .. مرة حلوة وسهلة

اكلك بالبداية سوائل بس ودا كويس عشان ماتضطري تروحي حمام صعب عليكي

لو تعبتك الغازات بزيادة خليها تحطلك تحميلة تجنن تطلع الهوا اللي ببطنك تبع العملية وكمان الغازات مريحة جدا

نصيحتي الوحيدة لك اكثر من اي شي .. المشي المشي المشي