دردشة بنات ليبيا , دردشة حوامل ليبيا , تجمع بنات ليبيا

[ام قصى محمد]

حبيباتى قريت ردودكم على القصه التاليه وهذا ردى
اولا قالت الله والدكتوره
رح انبهه تقول الله ثم الدكتوره لانه يجبان تفرد الله بالشكر ثم الاخذ بالاسباب لان الدكتوره سبب
وبعدها بتى تاخذه لمقام
رح ننصحها ان هذا شرك لانه الله وحده الحافظ ومحد يحفظ ولدها الا الله
اما الحجاب فهذى تميمه وهى ايضا شرك لانه لا يحفظ الا الله
نحكيلكم قصه
انا مش اجهضت ثلاث مرات اخرهم ولده فى الشهر الخامس
المهم مشيت يومتها الى اختى لان ولدها شال اللوز وحبيت نحمدلها على السلامه
لقيت عندها جارتها وتمينا نحكوا وعرفت انى نجهض قالت لى عندى لك طريقه معش تنزلى
المهم اهتميت قلت وصفه اعشاب المهم
قالت اختها ادير فى حوته راهى الى تنتفخ لما تزعجيها المهم تشريها من العطار وتحط فيها حاجات
وانا ناخذها ونعلقها فوق باب دار نومى
طبعا رفضت بس اختى اصرت انى ناخذها فى الاول ما حبيت نخش فى نقاش مع اختى قدام الوليه
وبعدها بايام لقيت اختى تقنع فى امىانى ناخذها من المرا لانها وتتها لى
طبعا درت لهم جلسه وفهمتهم انى راضيه بقضاء الله
وان هذا شرك وتميمه ولايجوز لى التوكل الا على الله
الحمدلله

[ام وسونة]

مبرووووووووووووووووووك ياام فايزة هذا علاش كنتي مغطسة ههههههه

ربي ينوضك بالسلامة ويجيك قصي وتفرحي بيه يارب وياريت معاش تغيبي طمنينا عليك واحكيلنا امتى حملتي

وقداش ليك توا وتتومحمي ولالا هههههههههههه شعارنا القصقصة

[ليبياقلبي]

مشكورة ام اجنادين وحلوة فكرة لبسة الرداء انما بنمشي التلاتاء لي طربلس بناخد لي نوزة وليا

[ليبياقلبي]

ام قصي مبروك عليك وربي يتبتلك

[حبل الوصل]

السلام عليكم كيف حالكم
الف الف الف مبروك ياام قصي وان شاءالله ربي يثبتلك حملك ويقر عينك بشوفة عيلك سليم معافى
ام نوزة والله زعلت عليك الموقف صعب بكل وان شاءالله ربي يكتبلك وتعتمري وتحجى ان شاءالله ومبروك مقدما دبش نوزة ان شاءالله بطولة عمرها

تعرفو امس مرضت جانى التهاب في المسالك ومغص كلوى والبول فيه دم حشاكم مشيت للدكتور عطانى علاج وابرة مسكن وقالي لازم تفطري يعنى ليا يومين فاطرة وانى من قبل فرحانة ونقول رمضان هذا كله بنصيمه خخخخخخ لانى نرضع والدورة متجينيش مع الرضاعة

[ام معاد]

السلالالالالالالالام عليكم ، الف مبروووووووووووووووووووك لام فايزة وربي تبته وعينك يارب
اه واخيرا القيت منو يسايرني خخخخخخخخخخخخخخخخ

[ام قصى محمد]

الله يبارك فيكم
عقبالك حبيبتى ام وسونه كيف احوالك والله اشتقت لك
الله يحفظلك نوزه الحلوه ومبروك دبشها من توا
مشكوره حبل الوصال طهورا ان شاء الله اشربى اميه واجد شكلك ما تشربى فيها ونحن السنه رمضان جا فى عز الصيف
انا اليوم دايره شربه ودجاجه فى الكوشه ورز وسلاطه جرجير مش مكثره لان راجلى مريض له يومين يشكى من معدته قالى خففى الطعام
بنسبه لدبش العيد عمتى كانت فى تركيه وجابت فستاتين حلوه للبنات من غادى قلت نشرى لهم عليها الكنادر والاكسسوارات

[ام معاد]

صحة مقدما يام قصي

[ام قصى محمد]

اهلين حبيبتى ام معاد
كيف حالك وحال وليدك وبنيتك وشن الاجواء عندك فى عين زاره
والله مشتاقه لكم

[ام معاد]

الحمد لله في خير ونعمة